Երկուշաբթի, 24 Դեկտեմբերի 2012 19:21

2012 թվականին Հայաստանում թանկարժեք մետաղները թանկացել են 14 տոկոսով

ԱրմԻնֆո. 2012 թվականին Հայաստանում պլատինի և պալադիումի գների 16.4%, ինչպես նաև ոսկու և արծաթի գների 11.6% թանկացումների հաշվին Հայաստանում գրանցվել է թանկարժեք մետաղների գների 14% աճ: Ինչպես ԱրմԻնֆո գործակալությանը տեղեկացրել են ՀՀ ֆինանսների նախարարության ՙԹանկարժեք մետաղների և թանկարժեք քարերի պետական գանձարան՚ գործակալությունից, 2012 թվականի դեկտեմբերի 24-30-ն ընկած ժամանակահատվածի համար սահմանվել են թանկարժեք մետաղների մեկ գրամ քիմիապես մաքուր մետաղի (պետական ստանդարտ ձուլակտորների համար) պետական գնման և բացթողնման հետևյալ գները` ոսկու մեկ գրամի գինը սահմանվել է 21779.6 դրամ, նախորդ շաբաթվա համեմատ աճելով 2.3%, արծաթի գինը` 408.39 դրամ, աճելով 5.3%, պլատինի մեկ գրամի գինը սահմանվել է 20650.35 դրամ, 2.6% շաբաթական աճով, պալադիումի գինը` 89881.4 դրամ` շաբաթական 1.2% ակումով:

Եռամսյակային կտրվածքով թանկարժեք մետաղների գները Հայաստանում փոփոխվել են հետևյալ ձևով: Առաջին եռամսյակում թանկացել են 10.1%

(ոսկի` 3.9%, արծաթ`10.7%, պլատին` 16.5%, պալադիում` 9.4%), երկրորդ եռամսյակում` 1,5% նվազել են (արծաթ` 5.4%, պլատին` 3.7%, պալադիում` 1.8%, ոսկի` թանկացել է 4.7%), երրորդ եռամսյակում աճել են 8.6% (ոսկի` 12.4%, արծաթ`12.9%, պլատին` 5.4% և պալադիում` 3.7%), իսկ չորրորդ եռամսյակում իջել են 2.1% (ոսկի` 5.3%, արծաթ` 8%, պլատին` 3%, իսկ պալադիումը թանկացել է 8.1%): Միայն դեկտեմբերին թանկարժեք մետաղների գները նվազել են 2,6%, ինչը հիմնականում պայմանավորված է եղել ոսկու, պլատինի և արծաթի գների 4.4% անկումով, իսկ պալադիումի գինն աճել է 2.7%:

Ընդհանուր առմամբ, ռաջին կիսամյակում թանկրժեք մետաղները թանկացել են 8.3%, հիմնականում պլատինի` 12.2% և ոսկու` 8.8% թանկացման հաշվին, իսկ պալադիումը թանկացել է 7.4%, իսկ րծաթը` 4.7%: Երկորդ կիսամյակում թանկարժեք մետաղները թանկացել են 9.4%, ինչը պայմանավորված է եղել արծաթի և պալադիումի` 13.1% և ոսկու և պլատինի` 5.6% թանկացումով: 2012 թվականին թանկարժեք մետաղների ամենամեծ թանկացումները գրանցվել են հունվարին` 9.5%, ինչը պայմանավորված է եղել արծաթի և պլատինի (11-12%), ինչպես նաև սեպտեմբերին` 8.2%, արծաթի (11.9%) և ոսկու, պլատինի և պալադիումի` 7% աճով: Իսկ թանկարժեք մետաղների գների ամենամեծ անկումը 2012 թվականին գրանցվել է մարտին` 5.1%, ոսկու և արծաթի` 6,6%, և պլատինի ու պալադիումի` 3.6% էժանացման հաշվին, ինչպես նաև հուլիսին` 4,8%, արծաթի և պալադիումի գների 7% անկման հաշվին, իսկ ոսկու և պլատինի գներն ընկել են 3%:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.75	-0.04
USD	382.72	0.10
EUR	444.15	-1.53
GBP	504.23	-1.52
CAD	274.21	-0.33
JPY	24.86	-0.27
CNY	53.81	-0.08
CHF	478.40	-2.22

Նորություններ

2012 թվականին Հայաստանում թանկարժեք մետաղները թանկացել են 14 տոկոսով