Հինգշաբթի, 27 Դեկտեմբերի 2012 15:41
Ռուսսլավբանկը Հայաստանի կենտրոնական բանկին մեղադրում է հովանավորչության և միջազգային դրամական փոխանցումների շուկայում մրցակցության հարկադրաբար սահմանափակման համար
ԱրմԻնֆո. ՙՌուսսլավբանկ՚ ՓԲԸ-ն Հայաստանում ՙԿոնտակտ՚ վճարային համակարգը փակելու ՀՀ ԿԲ որոշումը գնահատում է որպես հովանավորչական միջոցառում, որը նպատակաուղղված է մրցակցության հարկադրաբար սահմանափակմանը ֆինանսական շուկաներում, մասնավորապես, դրամական փոխանցումների հատվածում, ինչը, անպայման կարտացոլվի երկիր դրամական միջոցնր փոխանցող հաճախորդների դրամական փոխանցումների ծառայությունների արժեքի աճի վրա: Նման որոշումները, ասվում է ՙՌոսսլավբանկի՚ պաշտոնական հայտարարության մեջ, էապես անդրադառնում են Հայաստանում բիզնեսի վարման պայմանների ներդրումային գրավչության և թափանցիկության վրա:
Հայտարարության մեջ նշվում է, որ 2000-ականների սկզբին ՙԿոնտակտ՚ վճարային համակարգը առաջիններից մեկն էր, ովքեր հիմք են դրել, ընդհանուր առմամբ, մերձավոր արտասահմանի երկրների, և, մասնավորապես, Հայաստանի դրամական փոխանցումների քաղաքակիրթ շուկայի համար: Հայաստանի Հանրապետությունում իր աշխատանքի ավելի քան տաս տարիներին ՙՌուսսլավբանկ՚ ՓԲԸ, որպես ՙԿոնտակտ՚ վճարային համակարգի օպերատոր, կատարել է օրենսդրության և ֆինանսական շուկան կարգավորողների բոլոր պահանջները և առ այսօր պայմանագրային պարտավորությունների և ՀՀ տարածքում հաշվարկավճարային համակարգերի գործունեության կանոնների խախտմանն առնչվող ոչ մի ծանուցագիր չի ստացել հանրապետության ֆինանսական իշխանություններից, ինչպես նաև իր բազմաթիվ գործընկերներից: ՙՌուսսլավբանկ՚ ՓԲԸ ափսոսում է ՙԿոնտակտ՚ վճարահաշվարկային համակարգի մասնակցության վերաբերյալ տրված թույլտվությունն ուժը կորցրած ճանաչելու մասին Հայաստանի ԿԲ որոշման համար և չի ճանաչում որոշման մեջ նշված արգելքի պատճառը, մասնավորապեսª ՙառանց որևէ պատճառաբանության, խախտելով հայաստանյան մի շարք առևտրային բանկերի հետ կնքված պայմանագրերի դրույթները` չի ապահովել (դադարեցվել է) Հայաստանի Հանրապետության տարածքում գործող բանկերում իր համակարգից օգտվելուª բանկերի իրավունքը՚:
Հիշեցնենք, որ 2008 թվականից ի վեր ՀՀ կենտրոնական բանկը դադարեցրել է դրամական փոխանցումների վեց միջազգային համակարգերի գործունեությունը. 2008 թվականի օգոստոսի 22-ին չեղյալ է համարվել Western Union համակարգի գործունեության թույլտվությունը, 2011 թվականի հուլիսի 11-ին` Lider համակարգի, 2012 թվականի սեպտեմբերի 6-ին` Migom համակարգի և 2012 հոկտեմբերի 9-ին ՙԶոլոտայա Կորոնա՚ համակարգի, 2012 թվականի դեկտեմբերի 26-ին` BLIZKO և CONTACT դրամական փոխանցումների միջազգային համակարգերի գործունեության թույլտվությունը:
Ֆինանսական վերլուծաբանների կարծիքով, ԿԲ այդ որոշումներն առնչվում են այն բանին, որ միջազգային համակարգերը ներկայացնում էին իրենց անընդունելի պայմանները, որոնց համաձան, համակարգերի աշխատանքը չպետք է տարածվեր Հայստանի բանկերի` ԼՂՀ-ում գործող մասնաճյուղերի վրա: Ինպես ԱրմԻնֆո գործակալությանն իր մեկնաբանության մեջ նշել է AmRating ազգային վարկանշային գործակալության վերլուծաբան Կարինե Մելիքյանը, այդ պայմանները նախապես չէին համաձայնեցվել կարգավորողի հետ: Իսկ միջազգային և ռուսական վճարային համակարգերի ՙմեծ քաղաքականությունում՚ նման ներգրավվածության պատճառ են ծառայում Ադրբեջանի իշխանությունների չհիմնավորված դեմարշները իրենց հակահայկական քաղաքականության հունով, որոնք պարբերաբար պահանջներ են առաջ քաշում ՙկամ մենք, կամ նրանք՚ սկզբունքով:
Փորձագետ․ Հայաստանը տարիներ շարունակ նավթամթերք է ներկրում Թուրքիայից
Հանքարդյունաբերությունը շարունակում է մնալ Հայաստանի մարզերի սոցիալական հենարանը. հետազոտություն
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները