Երեքշաբթի, 25 Դեկտեմբերի 2012 19:43
ԱՐԱՐԱՏԲԱՆԿԸ 10 մլն դոլարի պայմանագիր է ստորագրել responsAbility Global Microfinance հիմնադրամի հետ
ԱրմԻնֆո. Արարատբանկը responsAbility Global Microfinance Fund կազմակերպությունից ներգրավել է 10 մլն դոլար` Հայաստանում միկրո, փոքր և միջին բիզնեսի ֆինանսավորումը խթանելու նպատակով: Այս մասին ԱրմԻնֆո գործակալությանը տեղեկացրել են Արարատբնկի մամուլի ծառայությունից:
Աղբյուրի համաձայն, նոր վարկային միջոցներից ֆինանսավորումը բիզնեսին տրամադրվելու է 3-5 տարի ժամկետով, տարեկան 12-14 տոկոս տոկոսադրույքով: Ծրագրի շրջանակներում կֆինանսավորվեն արտադրության, առևտրի, ծառայութունների ինչպես նաև գյուղատնտեսության ոլորտի բիզնես նախագծերը:
ResponsAbility Social Investments AG ընկերությունը կառավարում է ավելի քան 1 միլիարդ ԱՄՆ դոլարին հասնող ակտիվներ, սոցիալական ներդրումների ոլորտում հանդիսանում է աշխարհի առաջատարներից մեկը: Responsibility ընկերությունը ներդրումային ընկերություն է, որը միտված է հաճախորդների շահերի պաշտպանությանը: ResponsAbility ընկերության գլխամասը գտնվում է Ցյուրիխում (Շվեյցարիա): ResponsAbility ընկերությունը ֆինանսական գործունեություն է ծավալում 75 զարգացող երկրների շուկաներում: Ընկերությունը համագործակցում է հանրահայտ ֆինանսական հաստատությունների և սոցիալական վենչուրային ընկերությունների հետ:
Ըստ ԱրմԻնֆո գործկալության` Հայաստանի բանկերի Ռենկինգի, Արարատբանկի վարկային ընդհանուր ներդրումները ¥միջբանկային ավանդի հետ մեկտեղ¤ 2012 թվականի հոկտեմբերի 1-ին կազմել են 66.4 մլրդ.դրամ, գրանցելով տարեկան 81.3% աճ, իսկ այս տարվա 9 ամիսներին` 36.1% աճ: Դրանց կազմում ՓՄՁ վարկավորման ծավալը կազմել է 33% կամ 21.8 մլրդ.դրամ, գրանցելով տարեկան 50% աճ, իսկ 9 ամիսներին` 32.4% աճ: ՓՄԲ վարկավորման ծավալներով Արարատբանկը գտնվում է առաջատարների տասնյակում: 2012 թվականի 9 ամիսների արդյունքներով բանկն պահովել է 2.8 մլրդ.դրամի զուտ շահույթ, գրանցելով տարեկան 66% աճ:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները