Երկուշաբթի, 21 Հունվարի 2013 20:01
Արդշինինվեստբանկը ֆինանսավորել է John Deere (Ջոն Դիր) ապրանքանիշի գյուղատնտեսական տեխնիկայի ներմուծումը Հայաստան
Արմինֆո. ՙԱրդշինինվեստբանկ՚ ՓԲԸ իր հաճախորդների արտաքին առևտրային գործունեությունը ողջ ծավալով ապահովելու նպատակով տրամադրում է բանկային ծառայությունների լայն ընտրանի` իրականացնելով միջազգային հաշվարկներ փաստաթղթային ակրեդիտիվների և երաշխիքային գործառնությունների կիրառմամբ:
Ինչպես ԱրմԻնֆո գործակալությանը տեղեկացվել է Բանկի Մամուլի ծառայությունից,
2012 թվկանի դեկտեմբերին Արդշինինվեստբանկը ֆինանսավորել է գյուղատնտեսական և ճանապարհաշինարարական տեխնիկայի առաջատար համաշխարհային արտադրող` John Deere (Ջոն Դիր) ապրանքանիշի գյուղատնտեսական տեխնիկայի առաջին խմբաքանակի ներմուծումը Հայաստան: Ֆինանսավորումը իրականացվել է փաստաթղթային ակրեդիտիվի միջոցով` գերմանական Euler Hermes Deutschland AG արտահանման ապահովագրական գործակալության ծածկույթով, գերմանական Landesbank Baden-Wurttemberg (LBBW) բանկից մինչև 5 տարի ժամկետով նպատակային ֆինանսական միջոցների ներգրավմամբ: յուղատնտեսական տեխնիկայի առաքումները կավարտվեն մինչև 2013թ, գարուն, իսկ ֆինանսավորման ընդհանուր ծավալը կկազմի մոտ 1.4 մլն. եվրո:
Վերոհիշյալ նախագծի իրականացման ընթացքում Արդշինվեստբանկը սերտորեն համագործակցել է ՙՔԱՐԴ Ագրոսերվիս՚ ՓԲԸ` Հայաստանում Ջոն Դիր ընկերության պաշտոնական ներկայացուցչի հետ: ՙՔԱՐԴ Ագրոսերվիս՚ ՓԲԸ հանդես է եկել որպես բանակցային գործընթացի համակարգող և անմիջական մասնակցություն է ունեցել նախագծի հետագա իրականացման ընթացքում:
Ներմուծվող գյուղատնտեսական տեխնիկան առանձնանում է բարձր արտադրողականությամբ և տրամադրվում է Բանկի գործող և պոտենցիալ հաճախորդներին` արդյունավետ զարգացող գյուղարտադրողներին, երկարաժամկետ լիզինգի պայմաններով:
Աղբյուրը նշում է, որ ՙԱրդշինինվեստբանկ՚ ՓԲԸ բարձր է գնահատում Հայաստանում գյուղատնտեսության զարգացման պոտենցիալը և նմանատիպ նախագծերի ֆինանսավորման միջոցով նպաստում է միջին բիզնեսի զարգացմանը այս ոլորտում:
Տեղեկատվություն John Deere (Ջոն Դիր) ապրանքանիշի մասին:
Նշենք, որ John Deere ընկերությունը հիմնադրվել է ԱՄՆ-ում` 1837 թվականին: Այսօր Deere & Company հանդիսանում է ամենահաջողակ մեքենաշինական ընկերություններից մեկը և գյուղատնտեսական և ճանապարհաշինարարական տեխնիկայի խոշորագույն արտադրողը աշխարհում: John Deere ընկերությունը ներառված է Thomson Reuters գործակալության կողմից կազմված` 100 առաջատար գլոբալ իննովացիոն ընկերությունների 2012 թվականի ցանկում:
Ըստ ԱրմԻնֆո գործակալության` Հայաստանի բանկեր Ռենկինգի, գյուղատնտեսական վարկերի ծավալներով Արդշինինվեստբանկը Հայաստանի բանկային համակարգում զբաղեցնում է 2-րդ տեղը, իսկ այդ պորտֆելն 2012 թվականի հոկտեմբերի 1-ի դրոթյամբ կազմել է 7.4 մլրդ.դրամ, 9 ամիսներին գրանցլով 18% աճ: Վարկային ընդհանուր պորտֆելում գյուղատնտեսական վարկերի բաժինը կազմել է 6.2%:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%