Երկուշաբթի, 21 Հունվարի 2013 20:41
Հայաստանի վարկային կազմակերպությունների միագումար վարկային պորտֆելը տնտեսության վարկավորման հետևանքով մեկ տարում աճել է 41 տոկոսով
Արմինֆո. Հայաստանի վարկային կազմակերպությունների միագումար վարկային պորտֆելը 2012 թվականի նոյեմբերի 1-ի դրությամբ կազմել է 150.7 մլրդ դրամ կամ $ 371.7 մլն, տարեկան կտրվածքով աօելով 41% (2011 թվականի նոյեմբերի համեմատ), մեկ ամսում` 1,9%: Վարկերի առյուծի բաժինը կազմել են դրամային վարկեր` 68,2%:
Ըստ ՀՀ Կենտրանական բանկի տվյալների, վարկային կազմակերպությունների վարկային պորտֆելի աճը հիմնականում պայմանավորված է եղել տնտեսության վարկավորման աճով` 119.5 մլրդ դրամ ($ 294.8 մլն), տարեկան աճը` 56.2%, նոյեմբերի աճը` 1.4%: Տնտեսության վարկավորման ծավալներում առաջատարներն են ֆինանսական հատվածը` 36.6% - ը, գյուղատնտեսության` 22.9% և առևտի` 16% ոլորտները:
Ամենամեծ ծավալները գրանցվել են ֆինանսական ոլորտում `43.8 մլրդ դրամ, որից 83,9% կազմել են դրամային վարկերը: Տարեկան կտրվածքով այս ոլորտում ներդրումների աճը կազմել է 30.3%, իսկ նոյեմբերին կրճատվել է 1.1%: Դրանց կազմում միջբանկային վարկերը կազմել են 89.5% :
Երկրորդ տեղում է գյուղատնտեսության ոլորտը` 27.4 մլրդ դրամ ($67.6 մլն), տարեկան կտրվածքով աճելով 36.3%, իսկ նոյեմբերին` 5.4%: յուղատնտեսական վարկերի կազմում անասնաբուծության բաժինը կազմել է 50.7%, իսկ բուսաբուծության բաժինը` 46.5%:
Երրորդ տեղում է առևտրի ոլորտը` 19.1 մլրդ դրամ ($ 47.2 մլն), տարեկան աճը` 37.4%, իսկ միայն նոյեմբերի աճը` 2.1%: Այստեղ գերակշռում են արտարժութային վարկերը` 57.6%:Մանրածախ առևտրի բաժինը կազմել է 81%, իսկ մեծածախ առևտրի բաժինը` 17.3%:
Աղբյուրի համաձայն, 2012 թվականի նոյեմբերի վերջին վարկային կազմակերպությունները տրամադրել են 17 մլրդ.դրամի հիփոթեքային վարկեր ($ 41.9 մլն), տարեկան աճը` 39.3%, իսկ նոյեմբերի աճը` 1.8%: Սպառողական վարկերը կազմել են 14 մլրդ դրամ, տարեկան աճը` 81.9%, իսկ ամսական աճը` 4.7%: Սպառողական վարկերի կազմում ոսկու գրավադրումով վարկերը կազմել են 19.6%, ապառիկ վարկավորումը` 11.8%, իսկ ավտովարկավորումը` 2%:
Ըստ ՀՀ ԿԲ տվյալների, 2012 թվականի դեկտեմբերի 1 – ին Հայաստանում եղել է 32 վարկային կազմակերպություն, ավելանալով 1 ընկերությունով (ՙՖասթ Կրեդիտ՚): Հիշեցնենք, որ Հայաստանում կա 28 ունիվերսալ վարկային կազմակերպություն, 3 լիզինգային ընկերություն և մեկ վարկային միություն: Ունիվերսալ վարկային կազմակերպությունների շարքում չորսը մասնագիտանում է հիփոթեքի շուկայում: Դրանք աեն`Առաջին հիփոթեքային ընկերությունը, ՙՖիդես՚-ը, Ազգային հիփոթեքային ընկերությունը և ՙՄատչելի բնակարան երիտասարդ ընտանիքներին՚ ընկերությունը:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները