Ուրբաթ, 1 Փետրվարի 2013 17:54
ՎՏԲ-Հայաստան Բանկում արդեն հասանելի է ՙԻնտերնետ բանկինգ՚ ծառայությունը ֆիզիկական անձանց համար
ԱրմԻնֆո: ՎՏԲ-Հայաստան Բանկը օրերս մեկնարկեց ՙԻնտերնետ բանկինգ՚ ծառայությունը: Ինչպես ԱրմԻնֆո-ին հաղորդել են բանկի մամլո ծառայությունում, Ինտերնետ-բանկինգը հաճախորդի համար պարզ և հարմար հեռակառավարման միջոց է ՎՏԲ-Հայաստան Բանկում բացված իրենց հաշիվների կառավարման համար: Ի շնորհիվ այդ ծառայության բազմաբնույթ վճարումների իրականացումը, քաղվածքների դիտումը, ավանդների ձևակերպումը, վարկերի մարումը և բանկային այլ պահանջված ծառայությունները հաճախորդները կարող են իրականացնել առանց Բանկ այցելելու:
Ինտերնետ-բանկինգը հանդիսանում է բանկային ծառայությունների պրակտիկ և ժամանակակից փաթեթ: ՎՏԲ-Հայաստան Բանկի ՙԻնտերնետ բանկինգ՚ ծառայությունը թույլ է տալիս իրականացնել բանկային վճարումները մաքսիմալ արագությամբ և հարյուր տոկոսանոց ապահովությամբ: Համակարգը թույլ կտա հաճախորդներին կատարել ցանկացած բանկային ծառայություններ ցանկացած օր և ցանկացած պահի, աշխարհի ցանկացած կետից առանց տանից կամ գրասենյակից դուրս գալու` ինտերենտ կապի առկայությամբ:
Ինտերնետ-բանկինգ ծառայությունը թույլ կտա ՎՏԲ-Հայաստան Բանկի հաճախորդներին կատարել հետևյալ գործարքները` հետևել հաշիվներին և նրանց ցանկացած շարժին; կատարել դրամական փոխանցումներ և վճարումներ; ակնթարթորեն փոխանակել արտարժույթ; կատարել ինտերնետի, բջջային կապի, կոմունալ ծառայությունների և այլ հաստատությունների ծառայությունների վճարումներ; վճարել տուգանքներ, տուրքեր, այլ պետական կառույցների ծառայությսւնների վճարներ; ներդնել և ցանկության դեպքում համալրել ավանդ; մարել վարկեր; պատվիրել դեբետային քարտեր և իրականացնել դրանց կառավարումը: Ինտերնետ-բանկինգ ծառայության հիմնական առավելություններն են `աշխատաժամանակի և միջոցների խնայում; դրամական միջոցների կառավարման բարձր օպերատիվություն և անվտանգություն; Բանկի աշխատանքի ռեժիմից կախվածության ազատում:
Ինտերնետ-բանկինգ համակարգին միանալը շատ պարզ է: Այն չի պարտադրում հատուկ ծրագրերի առկայություն և ունի շատ հարմար ինտերֆեյս: Ինտերնետ-բանկինգ ծառայության ակտիվացման համար բավական է դիմել ՎՏԲ-Հայաստան Բանկի ցանկացած մասնաճյուղ և ձևակերպել համապատասպան դիմում: Դրանից հետո հաճախորդին տրամադրվում է տոկեն, մուտքանուն և ծածկագիր Ինտերնետ-բանկինգ համակարգ մուտք գործելու համար:
ՙՎՏԲ-Հայաստան Բանկ՚ ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: ՙՎՏԲ Բանկ՚ ԲԲԸ, ներկայումս իր խոշորությամբ երկրորդը Ռուսաստանում, հանդիսանում է ՙՎՏԲ-Հայաստան Բանկ՚ ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով ներառված է ՀՀ խոշորագույն բանկերի առաջին եռյակում: Ներկա դրությամբ Բանկն ունի ամենալայն մասնաճյուղային ցանցը` 67 մասնաճյուղ ողջ ՀՀ տարածքում:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%