Երեքշաբթի, 5 Փետրվարի 2013 17:32

ՊրոԿրեդիտ Բանկի վարկային պորտֆելը 2012 թ.ավարտին անցել է 82 մլն.դոլարից, իսկ ավանդների պորտֆելը հասել է 98 մլն.դոլարի, գրանցելով տարեկան 39-42% աճ

ԱրմԻնֆո. ՊրոԿրեդիտ Բանկի վարկային պորտֆելը 2012 թվականի ավարտին անցել է 82 մլն.դոլարից, իսկ ավանդների պորտֆելը հասել է 98 մլն.դոլարի, գրանցելով տարեկան 39-42% աճ: Այս մասին ԱրմԻնֆո գործակալությանը տեղեկացվել է Բանկի մամուլի ծառայությունից:

Աղբյուրի համաձայն, Բանկն իր գործունեությունը ՀՀ-ում սկսել է 5 տարի առաջª որպես երմանիայում հիմնադրված ՊրոԿրեդիտ խմբի մի մաս, որը հաջողությամբ գործում է աշխարհի 21 երկրներում: Այս 5 տարիների ընթացքում Բանկը բացել է 15 մասնաճյուղª Երևանում և մարզերում գտնվող 4 քաղաքներում, ինչպես նաև ներգրավել 17,000 հաճախորդ: Բացման առաջին իսկ օրից Բանկը հետևել է իր առաքելությանըª սպասարկել փոքր և միջին ձեռնարկություններին, ինչպես նաև խթանել խնայողությունների մշակույթը ՀՀ-ումª նպաստելով տնային տնտեսությունների կայունությանն ու ապահովությանը: 2012թ. վերջի դրությամբ Բանկի վարկային պորտֆելը կազմում է ավելի քան 82մլն. ԱՄՆ դոլար, իսկ ընդհանուր ավանդների ծավալըª մոտ 38մլն. ԱՄՆ դոլար:

2009 թվականից ՊրոԿրեդիտ Բանկն իր ուշադրությունը կենտրոնացրեց նաև գյուղատնտեսության ոլորտի զարգացմանը, ինչը սոցիալական և տնտեսական կարևորություն ունի երկրի համար: Այս տարիների ընթացքում բանկը հասցրել է ֆինանսավորել մոտ 1800 գյուղացիական տնտեսություն և կազմակերպել մի շարք ֆինանսական կրթության դասընթացներª իր ագրո հաճախորդների համար: Բանկը կարողացել է նաև էականորեն նպաստել գյուղատնտեսության ֆինանսավորման պայմանների բարելավմանըª ստեղծելով կայուն ու առողջ մրցակցային միջավայր:
Բանկին հաջողվել է դառնալ շուկայի լավագույն գործատուներից մեկը, քանի որ այն առանձնահատուկ ուշադրություն է դարձնում իր անձնակազմի վերապատրաստմանն ու զարգացմանը և զգալի ներդրումներ կատարում այդ նպատակով: երմանիայում, Մակեդոնիայում, ինչպես նաև այն երկրներում, որտեղ գործում է ՊրոԿրեդիտ Բանկը, մշտապես անցկացվում են գիտաժողովներ, սեմինարներ, վերապատրաստման և փորձի փոխանակման դասընթացներ: Ներկա պահին Բանկն ունի ավելի քան 350 շնորհաշատ և տաղանդավոր աշխատակիցներ, ովքեր բանկի ամենակարևոր ակտիվն են:

ՙՄենք հուսով ենք, որ կարողացել ենք երկարաժամկետ համագործակցություն հաստատել մեր հաճախորդների հետª հիմնված փոխադարձ վստահության վրա: Դա է վկայում այն փաստը, որ մենք կարողացել ենք առաջատար դիրք գրավել փոքր բիզնեսի ֆինանսավորման ոլորտում: Ցանկանում եմ շնորհակալություն հայտնել մեր բոլոր հաճախորդներին, գործընկերներին և ընկերներին մեր ծառայություններից օգտվելու և մեզ հետ համագործակցելու համար: Ապագայում մենք կշարունակենք շարժվել մեր դինամիկ աճի ուղղությամբ և նպաստել Հայաստանում տնտեսական կլիմայի բարելավմանը՚,-Բանկի տարելիցի կապակցությամբ ասել է գործադիր տնօրեն Ասմուս Ռոտնեն:

Ըստ ԱրմԻնֆո գործակալության`Հայաստանի բանկերի Ռենկինգի, ՊրոԿրեդիտ Բանկի վարկային պորտֆելի բաժինը ակտիվների կազմում հասել է 82%-ի կամ 33.4 մլրդ.դրամի, 2012 թվականի աճելով 39%: ՓՄՁ ոլորտի վարկավորման ծավալը 2013 թվականի հունվարի 1-ին կազմել է 28 մլրդ.դրամ կամ վարկային ընդհանուր պորտֆելի 81.7%-ը, գրանցելով տարեկան 41% աճ: Բանկի ավանդային պորտֆելը հաշվետու ժամանակահատվածում աճել է 41.8%, մինչև 15.6 մլրդ.դրամ: Բանկի ընդհանուր կապիտալը 2013 թվականի հունվարի 1-ին կազմել է 6.1 մլրդ.դրամ, գրանցելով տարեկան 13.3% աճ:

Նշենք, որ ՊրոԿրեդիտ Բանկը Հայաստանում բանկային և ֆինանսական ծառայությունների ամբողջական փաթեթ տրամադրող 100% արտերկրյա կապիտալով բանկ է, որի գործունեությունն ուղղված է փոքր և միջին բիզնեսի զարգացմանը, ինչպես նաև հասարակության լայն շրջաններում խնայողության մշակույթի խթանմանը:
Հայաստանի ՊրոԿրեդիտ Բանկը ՊրոԿրեդիտ խմբի մի մասն է կազմում, որը բաղկացած է աշխարհի 3 մայրցամաքներում գործող 21 ֆինանսական կառույցներից, որոնց գործունեությունը ղեկավարվում և վերահսկվում է խմբի մայր ընկերության`Մայնի Ֆրանկֆուրտում (երմանիա) գտնվող ՙՊրոԿրեդիտ Հոլդինգ՚-ի (ProCredit Holding) կողմից:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ՊրոԿրեդիտ Բանկի վարկային պորտֆելը 2012 թ.ավարտին անցել է 82 մլն.դոլարից, իսկ ավանդների պորտֆելը հասել է 98 մլն.դոլարի, գրանցելով տարեկան 39-42% աճ