Ուրբաթ, 1 Մարտի 2013 19:35

Հայաստանի պլաստիկ քարտերի շուկայում գործարքների գրեթե 71 տոկոսը բաժին է ընկնում բանկոմատների միջոցով քարտերի կանխիկացմանը

ԱրմԻնֆո: Հայաստանի պլաստիկ քարտերի շուկայում գործարքների առավելագույն մասը`70,53%, բաժին է ընկնում բանկոմատների միջոցով քարտերի կանխիկացմանը: Ինչպես ԱրմԻնֆո գործակալությանը հաղորդել են Armenian Card-ից, երկրորդ տեղում են քարտերով կանխիկ գործարքները POS-տերմինալների միջոցով`15,73%: Իսկ անկանխիկ գործարքների բաժինը կազմում է 13,73%, ընդ որում մեծ մասն ապահովվում է POS-տերմինալների միջոցով (11,07%):

Աղբյուրի համաձայն, 2013 թվականի փետրվարի 1-ի դրությամբ Armenian Card համակարգում գործող POS-տերմինալների թիվը առևտրի/սպասարկման և կանխիկի տրամադրման կետերում կազմել է 6090, ինչը 27,5%-ով ավելի է 2012 թվականի համանման ցուցանիշից: Մասնավորապես, 570 POS-տերմինալ է տեղաբաշխված կանխիկի տրամադրման կետերում (տարեկան 12% աճ): Այդ պահի դրությամբ եղել է 966 բանկոմատ (14,3% տարեկան աճով), և դրանք բոլորը սպասարկում են տեղական ArCa քարտեր: Բացի այդ, բանկոմատների ընդհանուր թվից 883-ը սպասարկում են նաև Visa, իսկ 877-ը` նաև MasterCard: ArCa-ի տվյալներով, 2013 թվականի փետրվարի 1-ի դրությամբ գրանցված առևտրի կետերի թիվը կազմել է 4949 (30% տարեկան աճ): Այդ առևտրի կետերում տեղադրված է 5520 POS-տերմինալ (29,3% տարեկան աճ), որոնցից գործառնություններ իրականացվել 3842-ով (29,4% տարեկան աճ): Տարեկան կտրվածքով ՙաշխատած՚ POS-տերմինալների թիվը (որոնցով գործարքներ են իրականացվել) գրանցված POS-տերմինալների ընդհանուր թվում 78%-ից կրճատվել է մինչև 77,6%:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի պլաստիկ քարտերի շուկայում գործարքների գրեթե 71 տոկոսը բաժին է ընկնում բանկոմատների միջոցով քարտերի կանխիկացմանը