Ուրբաթ, 15 Մարտի 2013 21:01

ՆԱՍԴԱՔ ՕԷՄԷՔՍ Արմենիան պարգևատրել է ՙԲորսայի Լավագույն Անդամ 2012՚ մրցանակաբաշխության հաղթողներին

ԱրմԻնֆո. Մարտի 15-ին ՆԱՍԴԱՔ ՕԷՄԷՔՍ Արմենիա ֆոնդային բորսան հատուկ արարողության ժամանակ հայտարարել է ՙԲորսայի լավագույն անդամ 2012՚ մրցանակաբաշխության հաղթողներին: Մրցանակաբաշխությունն անցկացվում է երրորդ տարին անընդմեջ և 2012թ.-ի արդյունքներով Բորսայի կողմից մրցանակներ են հանձնվել հետևյալ ավանդական անվանակարգերում` Բորսայի լավագույն անդամ կորպորատիվ արժեթղթերի շուկայում, Բորսայի լավագույն անդամ պետական պարտատոմսերի շուկայում, Բորսայի լավագույն անդամ վարկային ռեսուրսների շուկայում, Բորսայի լավագույն անդամ արտարժույթի շուկայում, Բորսայի լավագույն անդամª գեր-անվանակարգ, որի շրջանակներում հաշվի է առնվում Բորսայի անդամների գործունեությունը բոլոր հարթակներում և ներդրումը բորսայական առևտրի զարգացման նախաձեռնություններում: Արմենբրոկ ԲԲԸ-ն հաղթող է ճանաչվել ՙԲորսայի լավագույն անդամ կորպորատիվ արժեթղթերի շուկայում՚ անվանակարգում: Լավագույնների եռյակում էին նաև Կապիտալ Ինվեստմընթս ՓԲԸ-ն և Արմսվիսբանկ ՓԲԸ-ն: Արարատբանկ ԲԲԸ-ն երկրորդ անգամ ճանաչվել է Բորսայի լավագույն անդամ պետական պարտատոմսերի շուկայում: Այս անվանակարգում ներկայացված լավագույն թեկնածու-ըներություններն էին նաև Զարգացման Հայկական Բանկ ԲԲԸ-ն և Ամերիաբանկ ՓԲԸ-ն: Ամերիաբանկ ՓԲԸ-ն արժանացել է ՙԲորսայի լավագույն անդամ արտարժույթի շուկայում՚ կոչմանը` լավագույնների շարքում որպես մրցակից ունենալով Յունիբանկ ՓԲԸ-ին և ՎՏԲ-Հայաստան Բանկ ՓԲԸ-ին: Նշանակալի է, որ Ամերիաբանկ ՓԲԸ-ն որպես թեկնածու ներկայացված էր նաև ՙԲորսայի լավագույն անդամ պետական պարտատոնսերի շուկայում՚ անվանակարգում: Արարատբանկ ԲԲԸ-ն ճանաչվել է Բորսայի լավագույն անդամ վարկային ռեսուրսների շուկայում: Հարկ է նշել, որ նախորդ տարի Արարատբանկ ԲԲԸ-ն այս անվանակարգի թեկնածուների շարքում էր, իսկ այս տարի նվաճել է ՙԲորսայի լավագույն անդամª վարկային ռեսուրսների շուկայում՚ կոչումը: Այս անվանակարգի մյուս թեկնածուներն էին Հայբիզնեսբանկ ԲԲԸ-ն և Էյչ-Էս-Բի-Սի Բանկ Հայաստան ՓԲԸ-ն: Արարատբանկ ԲԲԸ-ն երկրորդ անգամ հաղթող է ճանաչվել գեր-անվանակարգում և արժանացել է ՙ2012թ. Բորսայի լավագույն անդամ՚ կոչմանը, հաշվի առնելով ընկերության ակտիվ գործունեությունը Բորսայի տարբեր հարթակներում, ինչպես նաև իր ակտիվ քաղաքականությունը` որպես թողարկող: Այս անվանակարգում լավագույնների շարքում էին նաև Ամերիաբանկ ՓԲԸ-ն և ՎՏԲ-Հայաստան Բանկ ՓԲԸ-ն: ՙԲորսայի լավագույն անդամ՚ մրցանակաբաշխությունը հիմնվել է 2010թ.-ին և նպատակ է հետապնդում խրախուսելու Բորսայի տարբեր հարթակներում առավելագույն ներգրավվածություն ունեցող, ինչպես նաև Հայաստանում կապիտալի շուկայի զարգացմանն ու կատարելագործմանն ուղղված միջոցառումներին մասնակցող և մասնագիտական էթիկայի կանոններին հավատարիմ ներդրումային ծառայություններ մատուցող ընկերություններին: Մրցանակը շնորհվում է տարին մեկ անգամ` յուրաքանչյուր տարվա դեկտեմբերի 31-ի դրությամբ Բորսայի անդամ հանդիսացող ընկերություններից լավագույններին: NASDAQ OMX-ի մասին Էլեկտրոնային բորսայական հարթակի հիմնադիրª NASDAQ OMX Group-ը ապահովում է տնտեսական զարգացումները և նորարար տեխնոլոգիաներ բորսայական առևտրի ամբողջ ցիկլի համարª սկսած ռիսկի կառավարումից մինչ առևտուրը, վերահսկողությունը և քլիրինգը: ԱՄՆ-ում և Եվրոպայում NASDAQ OMX Group-ը գործարկում է շուրջ 23 շուկաներ, 3 քլիրինգային ընկերություններ և 5 կենտրոնական դեպոզիտարիաներ, որոնք սպասարկում են բազմաթիվ գործիքներª բաժնետոմսեր, օպցիոններ, պարտատոմսեր, ածանցյալ գործիքներ, ապրանքներ, ֆյուչրսներ և կառուցվածքային գործիքներ: NASDAQ OMX Group-ի տեխնոլոգիական լուծումները թույլ են տալիս մշակել վարկյանում ավելի քան 1 մլն հաղորդագրություններ 40 միկրովարկյան արագությամբ և համակարգի 99.999% հասանելիությամբ: NASDAQ OMX-ը աշխատում է 50 զարգացած և զարգացող երկրների ավելի քանի 70 շուկաներում. աշխարհի 10 գործարքներից 1-ը իրականացվում է NASDAQ OMX-ի միջոցով: NASDAQ OMX Group-ի մրցանակակիր տեղեկատվական պրոդուկտները և համաշխարհային ինդեքսները հանդիսանում են ֆինանսական շուկաների չափորոշիչներ: NASDAQ OMX Group հարթակներում ցուցակված են 6 տրլն ԱՄՆ դոլարի շուկայական կապիտալիզացիա ունեցող շուրջ 3,400 ընկերություններ, որոնց ինովացիաները ձևավորում են մեր աշխարհը: NASDAQ OMX Group- այսօր է ստեղծում կապիտալի հնարավորություններ ապագա գաղափարների համար: Այստեղ յուրաքանչյուր օր աշխարհը մեծ քայլերով առաջ է գնում: Բարի գալուստ NASDAQ OMX-ի դար: 26.01.2009թ.-ից “Հայաստանի ֆոնդային բորսա” ԲԲԸ-ն պաշտոնապես վերանվանվել է “ՆԱՍԴԱՔ ՕԷՄԷՔՍ Արմենիա” ԲԲԸ-ի: 05.06.2009թ.-ին “ՆԱՍԴԱՔ ՕԷՄԷՔՍ Արմենիա” ԲԲԸ-ն դարձավ “Հայաստանի Կենտրոնական Դեպոզիտարիա” ԲԲԸ-ի բաժնետոմսերի 100%-ի սեփականատերը: Վերջին տվյալների համաձայն, “ՆԱՍԴԱՔ ՕԷՄԷՔՍ Արմենիա” բորսայի անդամ են 20 առևտրային բանկեր և 6 ներդրումային ընկերություններ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

ՆԱՍԴԱՔ ՕԷՄԷՔՍ Արմենիան պարգևատրել է ՙԲորսայի Լավագույն Անդամ 2012՚ մրցանակաբաշխության հաղթողներին