Հինգշաբթի, 28 Մարտի 2013 16:56

HSBC Բանկ Հայաստան. չինական արժույթով ֆորվարդները հեռանկարում կհասնեն տպավորիչ չափերի

ԱրմԻնֆո. Չինական արժույթով ֆորվարդները հեռանկարում տպավորիչ չափերի կհասնեն Հայաստանի արտաքին առևտրի շրջանառության ծավալում: Ինչպես ԱրմԻնֆո գործակալության թղթակցի հետ զրույցում նշել է HSBC Բանկ Հայաստանի առևտրի ֆինանսավորման բաժնի ղեկավար Արթուր Պետրոսյանը, բանկի կողմից կազմակերպված առևտրի ֆինանսավորման Ակադեմիայի սեմինարի ընթացքում,
մեր գործարարների հետաքրքրության աճն այս պրոդուկտի նկատմամբ արդեն կարելի է նկատել:

ՙԱռայժմ այս գործիքը չունի հաճախորդների լայն շրջանակ, բայց մեր մի քանի հաճախորդներ արդեն հաջող գործարքներ իրականացրել են: Այնպես որ, հայկական ընկերությունների մեծ մասն աշխատում է հատկապես չինական գործարարների հետ: HSBC Group-ն իր ջանքերը կենտրոնացրել է այս պրոդուկտի զարգացմանը Հայաստանում՚,-նշել է Պետրոսյանը: Նա նաև հավելել է, որ չինական արժույթով ֆորվարդները ստեղծում են արժութային ռիսկերից խուսափելու յուրահատուկ հնարավորություն, ինչի շնորհիվ կրճատվում է նաև ներկրվող ապրանքների ինվոյսային արժեքը:

Նշենք, որ ավելի վաղ, խոսելով արժութային ֆորվրդներից, HSBC Բանկ Հայաստանի ֆինանսական շուկաների բիզնեսի զարգացման գծով մենեջեր Մարիամ Նիկողոսյանը ափսոսանքով նշել էր, որ հայկական շուկան դանդաղ է զարգանում արտադրվող գործիքների զարգացման ոլորտում, որոնց սահմանափակ կիրառման պատճառն է, հիմնականում, հայրենական արտադրողների ցածր տեղեկացվածությունը:

HSBC Բանկ Հայաստանի ակտիվները 2013 թվականի հունվարի 1-ի դրությամբ կազմել են $ 524 մլն, ընդհանուր վարկային պորտֆելը կազմել է 132.8 մլրդ դրամ, տարեկան աճը` 16.5%: Տնտեսությանն ուղղված վարկերը վարկերը կազմել են 108,2 մլրդ դրամ (2 դիրքը շուկայում), տարեկան աճը` 23.7%: Առևտրի վարկավորմանն ուղղվել է 39.7 մլրդ դրամ, կամ ընդհանուր վարկային պորտֆելի 31.2% - ը, տարեկան աճը` 23.5%: Բանկի հաճախորդների բազան կազմված է ավելի քան 35 հազար ֆիզիկական և հինգ հազար իրավաբանական անձանցից: HSBC Բանկ Հայաստանի բաժնետերերն են` HSBC Europe B.V.-ը` 70% և Wings Establishment ընկերությունը`30% մասնաբաժնիններով:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

HSBC Բանկ Հայաստան. չինական արժույթով ֆորվարդները հեռանկարում կհասնեն տպավորիչ չափերի