Հինգշաբթի, 4 Ապրիլի 2013 19:13
Միջազգային ֆինանսական կորպորացիան ֆինանսական աջակցություն է ցուցաբերում Ինեկոբանկինª խթանելու միկրո և փոքր բիզնեսի զարգացումը
ԱրմԻնֆո. Օգտագործելով արդյունավետությանն ուղղված ֆինանսական գործիքը, Համաշխարհային բանկի խմբի անդամ ՄՖԿ-ն օգնեց Ինեկոբանկին ավելացնել փոքր և միկրո բիզնեսի վարկավորումը, նպաստելով տնտեսական աճին և աղքատության նվազեցմանը գյուղական բնակավայրերում:
Ինչպես ԱրմԻնֆո գործակալությանը տեղեկացվել է ԻՆեկոբանկի մամուլի ծառայությունից,
ՄՖԿ-ի դրամաշնորհները ընդլայնել են Բանկի միկրոֆինանսավորման կարողությունները` վարկավորման ոլորտում բացերը հայտնաբերելու և այդ խնդիրների լուծման մոտեցումները փոփոխելու միջոցով: Արդյունքում Ինեկոբանկը տրամադրել է 101160 միկրովարկ 2010թ. – 2012թ. ընթացքումª, ինչև զգալի աճ է նախորդ 3 տարիների համեմատ, որից 84% տրամադրվել են գյուղական բնակավայրերում:
ՙՄՖԿ-ն օգնել է մեզ հասնելու մեր հավակնոտ նպատակինª այն է ներդնել միկրոֆինանսավորման սկզբունքները Բանկի հիմնական գործառույթների ցանկում և կատարելագործել փոքր բիզնեսի սեփականատերերին և միկրո ձեռներեցներին ավելի լավ ծառայելու մեր կարողությունները՚,- նշել է Ինեկոբանկի գործադիր տնօրեն Ավետիս Բալոյանը: ՙՄիևնույն ժամանակ, ՄՖԿ-ի հետ մեր համագործակցությունը մեզ հնարավորություն է տվել առավել արդյունավետ տեղաբաշխել տրամադրված գումարները՚:
ՙՄիջազգային Ֆինանսական Կորպորացիայի նորարարական գործիքը օգնել է Ինեկոբանկին կենտրոնանալ միկրոֆինանսավորման վրա, որը կարևոր գործիք է մարդկանց կյանքի որակը բարձրացնելու համար, հատկապես առավել անտեսված գյուղական բնակավայրերում: Այս համագործակցությունն առավել օգտակար է այն անձանց համար, ովքեր հաճախ դժվարանում են ֆինանսական միջոցներ հայթայթել իրենց բիզնեսի արդիականացման և ընդլայնման համար՚,-նշել է Հարավային Կովկասի ՄՖԿ-ի տարածաշրջանային մենեջեր Թոմաս Լյուբեկը.:
Աղբյուրի համաձայն, այս նախաձեռնությունը հանդիսանում է ՄՖԿ-ի նոր Խորհրդատվական ծառայության` արդյունքների վրա հիմնված դրամաշնորհային ծրագրի մի մաս, որի նպատակն է ֆինանսավորել արդյունավետ ծրագրեր և զարգացնել նոր բիզնես մոդելներª ընդլայնելով ֆինանսական ծառայությունների հասանելիությունը: Այս միջոցները տրվում են այն ծրագրերին, որոնք սահմանում են չափելի թիրախային արդյունքներ, որոնք պետք է կատարվեն դրամաշնորհը ստացող կազմակերպության կողմից: Այս դրամաշնորհներով ֆինանսավորված ծրագրերը խթանում են այն հաստատությունները, որոնք մշակում են նախկինում անտեսված հատվածներին հասնելու ռազմավարություններ:
Ըստ ԱրմԻնֆո գործակալության` Հայաստանի բանկերի վերլուծության և ֆինանսական վարկանիշների, 2013 թվականի հունվարի 1-ի դրությամբ Ինեկոբանկի վարկային ներդրումները կազմել են 82 մլրդ.դրամ ¥9 դիրքը շուկայում¤, գրանցելով տարեկան 28.2% աճ: Դրանց կազմում ՓՄՁ ոլորտի վարկավորման ծավալը կազմել է 56.6% կամ 46.5 մլրդ. դրամ ¥4 դիրքը¤, տարեկան կտրվածքով աճելով 32.4%: յուղատնտեսական վարկերի ծավալը 2012 թվականին աճել է 47.2%, մինչև 1 մլրդ.դրամ: 2012 թվականն Ինեկոբանկը եզրափակել է 3.7 մլրդ.դրամ շահույթով ¥6 դիրքը շուկայում¤, տարեկան կտրվածքով գրանցելով 41% աճ:
Հայաստանը ՄՖԿ-ի անդամ և բաժնետեր է դարձել 1995 թվականին: Սկսած այդ ժամանակից մինչ օրերս ՄՖԿ-ն շուրջ 244 միլիոն ԱՄՆ դոլարի ներդրում է կատարել 40 նախագծերում, որոնք իրենց մեջ ընդգրկում են տարբեր սեկտորներ, ներառյալ ֆինանսական շուկան, արդյունաբերությունը և հանքարդյունաբերությունը: ՄՖԿ-ն մատուցում է նաև խորհրդատվական ծառայություններ, մասնավորապես ֆինանսական, կայուն էներգետիկայի, կարգավորման պարզեցման և սննդի անվտանգության ոլորտներում:
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները