Երկուշաբթի, 15 Ապրիլի 2013 18:20

ՙԵրևան-Սիթի՚ ցանցի մայրաքաղաքային սուպերմարկետներում գործարկվել են Idram դրամարկղեր

ԱրմԻնֆո. Idram վճարային համակարգի օպերատորը ՙԵրևան-Սիթի՚ ցանցի մայրաքաղաքային սուպերմարկետներում գործարկել է սեփական դրամարկղերը: Այդ մասին ապրիլի 15-ի մամուլի ասուլիսում հաղորդել է ՙԻդրամ՚ ՍՊԸ զարգացման բաժնի ղեկավար Նարեկ Վարդանյանը:

Նրա ասելով, Idram դրամարկղերը հնարավորություն են ընձեռում իրականացնել բազմաշերտ ֆինանսական գործարքներ` առանց մեկ վայրում ժամանակային սահմանափակումների. խոսքը վերաբերում է միջազգային դրամական փոխանցումներին, կոմունալ վճարումներին, վարկերի մարմանը և այլ ֆինանսական գործառնությունների: Դրամարկղերն աշխատում են շաբաթվա բոլոր օրերին` մինչև 24:00:

ՙՀայաստանի ինտեգրման մակարդակն առայժմ բավականին ցածր է, և խիստ զգացվում է վճարումների ընդունման ունիվերսալ ծառայության անհրաժեշտություն: ՙԵրևան-Սիթի՚ խանութներում դրամարկղեր տեղադրելու որոշումը պայմանավորված է այն հանգամանքով, որ դրանք աշխատում են շուրջօրյա և ունեն լայն աշխարհագրական տեղակայում, ինչը կբարձրացնի բնակչության համար մեր ծառայությունների մատչելիությունը՚, - նշել է Ն.Վարդանյանը: Նա տեղեկացրել է, որ նույնպիսի դրամարկղեր են գործարկվել մայրաքաղաքի 8 մունիցիպալ հաստատություններում: ՏԵղադրված Idram դրամարկղերի ընդհանուր թիվը կազմում է 12, որոնցից ՙԵրևան-Սիթի՚ սուպերմարկետներում տեղադրվել է 4-ը: Ընկերությունը մտադիր է դրամարկղեր գործարկել ՙԵրևան-Սիթի՚ ցանցի բոլոր խանութներում: Նախատեսվում է նաև ինտեգրում մարզերում:

ՙԵրևան-Սիթի՚ սուպերմարկետների ցանցի մարքեթինգի և քարտերի բաժնի ղեկավար Դավիթ Մարտիրոսյանն իր հերթին հաղորդել է, որ ՙԵրևան-Սիթիի՚ բոնուսային քարտապանները, օգտվելով Idram դրամարկղերի ծառայություններից, բոնուս են ստանում յուրաքանչյուր վճարումից: Կուտակված բոնուսները քարտապանները կարող են ծախսել գնումների դիմաց վճարելիս. մեկ բոնուսը համարժեք է մեկ դրամին: ՙԱյսուհետև մեր հաճախորդները հնարավորություն ունեն բոնուսներ կուտակել ոչ միայն գնումների դիմաց վճարումներից, այլև կոմունալ վճարումներից, դրամական փոխանցումներից և վարկերի մարումից՚, - նշել է նա:

ՙԻդրամ՚ ՍՊԸ-ն` ՙԻդրամ՚ վճարային համակարգի օպերատորը, հիմնադրվել է 2008 թվականի մայիսի 8-ին: Ընկերությունը Հայաստանի Հանրապետության կենտրոնական բանկի կողմից լիցենզավորվել է 2009 թվականի դեկտեմբերի 29-ին, իսկ 2012 թվականի մարտի 6-ին առաջինը Հայաստանում Կենտրոնական բանկի խորհրդի կողմից ստացել է էլեկտրոնային փող թողարկելու թույլտվություն: Ընկերության գործունեության նպատակը ինտերնետ միջավայրում դրամական փոխանցումների և այլ վճարումների իրականացման հնարավորությունների զարգացումն է: Ընկերությունը համագործակցում է Coinstar, BLIZKO, Webmoney, ՙՅանդեքս.դենգի՚, 2pay.ru միջազգային կազմակերպությունների հետ: Idram համակարգն ընձեռում է համակարգչով կամ բջջային հեռախոսով արագ վճարումներ իրականացնելու հնարավորություն: Համակարգում գրանցված է 60 օգտատեր, որոնցից 6 հազարն ակտիվ է:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ՙԵրևան-Սիթի՚ ցանցի մայրաքաղաքային սուպերմարկետներում գործարկվել են Idram դրամարկղեր