Հինգշաբթի, 25 Ապրիլի 2013 17:50

ՎՏԲ-Հայաստան Բանկի մասնաճյուղերի վերակազմավորման նպատակն է քաղաքացիների սպասարկման առավելագույն հարմարավետ պայմաների ստեղծումը

ԱրմԻնֆո. ՎՏԲ-Հայաստան Բանկն ի պատասխան որոշ քաղաքական լրատվամիջոցներում շրջանառվող լուրերին, կապված մի շարք մասնաճյուղերի փակման հետ, իբր դա պայմանավորված է եղել ֆինանսական պրոբլեմներով, հայտարարել է, որ 2012 թվականից մեկնարկած` մասնաճյուղերի վերակազմավորման, արդիականացման և մասնաճյուղերի ցանցի օպտիմալացման նպատակն է քաղաքացիների սպասարկման առավելագույն հարմարավետ պայմաների ստեղծումը: Նշվում է, որ դա բանկի առանցքային խնդիրն է, որի շրջանակներում 2012 թվականին արդեն վերանորոգվել և վերակառուցվել է 20 մասնաճյուղ, իսկ 2013 թվականին կվերակազմավորվի ևս 20 մասնաճյուղ:

Ինչ վերաբերվում է ՙՏաշիր՚ մասնաճյուղին, ապա Բանկը ճշգրտում է քաղաքական որոշ ԶԼՄ-ների համար, որ այն չի լիկվիդացվել, այլ ապրիլի 15-ից դադարեցրել է գործունեությունը, ինչի հետ կապբած դրա ակտիվները և պարտավորութոյւնները փոխանցվել են Ստեփանավանի մասնաճյուղին, ապահովելով ՙՏաշիր՚ մասնաճյուղերի հաճախորդների բանկային ավանդների անվտանգությունը, ինչպես նաև նրանց հետագա սպասարկման հնարավորությունը:

ՙՎՏԲ-Հայաստան Բանկի ներկայիս քաղաքականությունն ուղղված է սպասարկման կետերի արդիականացմանը և հաճախորդների սպասարկման որակի բարձրացմանը: Հետևաբար, մասնաճյուղերը նման պայմաններով ապահովելը ենթադրում է լրացուցիչ ներդրումներ, ինչը ՙՏաշիր՚ մասնաճյուղի համար ֆինանսական առումով արդարացված չէր, այն դեպքում, երբ բանկը միջոցներ կձեռնարկի, որոնք կպահովեն սպասարկման անընդհատությունը և կշարունակի պահովել իր ներկայությունը հարևան Ստեփանավան քաղաքում: Մասնաճյուղի հաճախորդները դեռևս հնարավորություն ունեն օգտվել բանկի կողմից տեղադրված էլեկտրոնային սպասարկման միջոցներից, որոնց միջոցով նրանք կարող են կանխիկացնել իրենց միջոցները, կատարել դրամական փոխանցումներ, առանց Բանկ հաճախելու: ործում է նաև Ինտերնետ-բանկինգի ծառայությունը: Իսկ կենսաթոշակառուների սպասարկումն իրականացվում է անկանխիկ եղանակով, միջոցները նրանց հաշիվներին փոխանցելով: Անհրաժեշտ ենք համարում նշել նաև, որ մինչև ապրիլի վերջը Տաշիր քաղաքում կտեղադրվի բանկոմատ՚,-ասված է ՎՏԲ-Հայաստան Բանկի հաղորդագրության մեջ:

Նշենք, որ ներկայումս ՎՏԲ-Հայաստան Բանկն ունի 67 գործող մասնաճյուղ, որոնցից 43-ը տեղակայված է մարզերում, իսկ 24-ը` Երևանում: Իսկ 2012 թվականի նույն ժամանակահատվածում Բանկն ունեցել է 70 մասնաճյուղ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ՎՏԲ-Հայաստան Բանկի մասնաճյուղերի վերակազմավորման նպատակն է քաղաքացիների սպասարկման առավելագույն հարմարավետ պայմաների ստեղծումը