Շաբաթ, 18 Մայիսի 2013 20:59
Հայաստանի Կենտրոնական Դեպոզիտարիան ներդնում է Հայաստանի դեպոզիտար համակարգի գործունեության նոր մոդել
ԱրմԻնֆո. Այսօր ՆԱՍԴԱՔ ՕԷՄԷՔՍ Արմենիայում կայացած հատուկ արարողության ժամանակ Հայաստանի Կենտորնական Դեպոզիտարիան (ՀԿԴ) հայտարարեց Հայաստանի դեպոզիտար համակարգի գործունեության նոր մոդելի մեկնարկումը: Այս բարեփոխումը ուղղված է առաջին հերթին թողարկողների և արժեթղթերի սեփականատերերի սպասարկման բարելավմանը և իրավունքների առավել արդյունավետ իրականացմանն ու պահպանմանը: Արդյունքում Հայաստանում դեպոզիտար գործունեությունը համապատասխանեցվել է լավագույն միջազգային չափանիշներին, ապահովվել է անվտանգության և արդյունավետության առավել բարձր մակարդակ:
Ինչպես ԱրմԻնֆո գործակալությանը տեղեկացվել է Բորսայի մամուլի ծառայությունից,
նոր մոդելի շրջանակում, ՀԿԴ-նª նոր հատուկ ծրագրային ապահովման, ինչպես նաև համակարգչային և անվտանգության կատարելագործված համակարգերի շնորհիվ ապահովելու է Հայաստանում բաժնետիրական ընկերությունների ռեեստրերի կենտրոնացված վարում, արժեթղթերի պահառություն, ինչպես նաև բորսայական գործարքների քլիրինգը և վերջնահաշվարկը: Ռեեստրի վարման և արժեթղթերի պահառության ծառայությունները հաճախորդներին մատուցվելու են հաշվի օպերատորներիª ՀԿԴ-ի հետ համապատասխան պայմանագրեր կնքած ներդրումային ընկերությունների և բանկերի, միջնորդությամբ:
Աղբյուրի համաձայն, ծառայությունների այդպիսի միջնորդավորումը թողարկողների և ներդրողների համար առավել հասանելի կդարձնի դեպոզիտար ծառայությունները Հայաստանի մարզերում, կնպաստի ռիսկերի առավել արդյունավետ կառավարմանը, համակարգի վերահսկելիության, ինչպես նաև հաճախորդների սպասարկման մակարդակի բարձրացմանը և լրացուցիչ մրցակցություն կստեղծի հաշվի օպերատորների միջև` հաճախորդների համար կորպորատիվ և ներդրումային բանկային ծառայությունների ամբողջական փաթեթների մշակման ոլորտում:
Բացելով արարողությունը, ՀԿԴ-ի տնօրեն Վահան Ստեփանյանը նշեց. ՙՀայաստանի դեպոզիտար համակարգի այս բարեփոխումները հնարավոր դարձան ՀԿԴ-ի մասնագետների, NASDAQ OMX խմբի մեր գործընկերների ջանքերի և ՀՀ Կենտրոնական Բանկի աջակցության շնորհիվ և այժմ հպարտությամբ հայտարարում ենք, որ մեզ հաջողվել է համապատասխանեցնել այն միջազգային լավագույն չափանիշներին, բարձրացնել համակարգի հուսալիությունը և գործառնությունների արդյունավետությունը, ինչպես նաև դեպոզիտար ծառայությունների հասանելիությունը ՀՀ մարզերում՚: Ներկա պահին գործող հաշվի օպերատորների ցանկը հասանելի ՙՀաշվի օպերատորներ՚ էջում (http://www.nasdaqomx.am/am/account_operators.htm):
ՙNASDAQ OMX-ի մասին Էլեկտրոնային բորսայական հարթակի հիմնադիրª NASDAQ OMX Group-ը ապահովում է տնտեսական զարգացումները և նորարար տեխնոլոգիաներ բորսայական առևտրի ամբողջ ցիկլի համարª սկսած ռիսկի կառավարումից մինչ առևտուրը, վերահսկողությունը և քլիրինգը: ԱՄՆ-ում և Եվրոպայում մենք գործարկում ենք շուրջ 23 շուկաներ, 3 քլիրինգային ընկերություններ և 5 կենտրոնական դեպոզիտարիաներ, որոնք սպասարկում են բազմաթիվ գործիքներª բաժնետոմսեր, օպցիոններ, պարտատոմսեր, ածանցյալ գործիքներ, ապրանքներ, ֆյուչրսներ և կառուցվածքային գործիքներ: Մեր տեխնոլոգիական լուծումները թույլ են տալիս մշակել վարկյանում ավելի քան 1 մլն հաղորդագրություններ 40 միկրովարկյան արագությամբ և համակարգի 99.999% հասանելիությամբ: NASDAQ OMX-ը աշխատում է 50 զարգացած և զարգացող երկրների ավելի քանի 70 շուկաներում. աշխարհի 10 գործարքներից 1-ը իրականացվում է NASDAQ OMX-ի միջոցով: Մեր մրցանակակիր տեղեկատվական պրոդուկտները և համաշխարհային ինդեքսները հանդիսանում են ֆինանսական շուկաների չափորոշիչներ: Մեր հարթակներում ցուցակված են 6 տրլն ԱՄՆ դոլարի շուկայական կապիտալիզացիա ունեցող շուրջ 3,400 ընկերություններ, որոնց ինովացիաները ձևավորում են մեր աշխարհը: Մենք այսօր ենք ստեղծում կապիտալի հնարավորություններ ապագա գաղափարների համար: Այստեղ յուրաքանչյուր օր աշխարհը մեծ քայլերով առաջ է գնում: Բարի գալուստ NASDAQ OMX-ի դար՚,-նշված է բորսայից ստացված հաղորդագրության մեջ:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները