Չորեքշաբթի, 22 Մայիսի 2013 18:52
Հայաստանի ապահովագրողներն սկսել են ձգձգել ԱՊՊԱ գծով հատուցումների վճարումը
ԱրմԻնֆո. Հայաստանի ապահովագրական ընկերություններն սկսել են արհեստականորեն ձգձգել ԱՊՊԱ գծով հատուցումների վճարումը: Ինչպես այսօր Երևանում կայացած մամուլի ասուլիսում հայտարարել է Վարորդների իրավունքների պաշտպանության ՙԱքիլլես՚ կենտրոնի ղեկավար Էդուարդ Հովհաննիսյանը, վթարային կոմիսարները, անկախ վնասի չափերից, ավելի հաճախ են սկսել ՃՏՊ գրանցմանը ՙհրավիրել՚ Ճանապարհային ոստիկանությանը, որն էլ իր հերթին սկսում է վարչական վարույթներ հարուցել:
Սակայն, ինչպես նշել է ՙԱքիլլես՚ կազմակերպությնա իրավաբան Արմինե Մկրտչյանը, եթե վթարի հետևանքով առաջացած վնասի չափը չի գերազանցում 200 հազ.դրամը, ՃՏՊ կողմերը կարող են առանց Ճանապարհային ոստիկանության լրացնել երկկողմ համաձայնագիրը և ստանալ իրենց հասանելիք ապահովագրական հատուցումը: Բայց, վթարային կոմիսարները, նշում է իրավաբանը, առանց ճշտելու վնասի չափը, անմիջապես կանչում են ՃՈ-ին, գրանցելով պատահարը: Նա ճշգրտել է, որ ՃՏՊ կարգավորման գործընթացն ընթանում է 15 օր ¥հարուցվում է վարչական վարույթ¤, իսկ մարմնական վնասների առաջացման դեպքում հարուցվում է նաև քրեական գործ, որը կարող է ձգձգվել մինչև 2 ամիս:
Նշենք, որ Հայաստանի ապահովագրողները հաճախ են նշում, որ ՃՏՊ թիվն ավելացել է, լռելով սակայն վարչական մեծ ծախսերի մասին: ԱՊՊԱ բարձր վնասաբերությունը դառնում է պահովագրական շուկայի գլխավոր մարտահրավերը, իսկ որոշակի առումով` նաև օրինաչափությունը: Բոնուս-մալուս համակարգի ներդրումով ապահովագրական ընկերոությունն ակնկալում է` եթե չնվազեցնի, ապա գոնե պահպանի վնասաբերության ընթացիկ մակարդակը, ինչն անկախ փորձագետների կարծիքով քիչ հավանական է, հաշվի առնելով մի շարք անլուիծելի խնդիրների առկայությունը, մասնավորապես, կապված տրանսպորտային միջոցի տեխիկական զննման հետ, որը Հայաստանում արդարացիորեն համարում են բյուրոկրատական ձևականություն:
Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, 2012 թվականի արդյունքներով ԱՊՊԱ գծով հատուցումները կազմել են ավելի քան 9 մլրդ.դրամ, մեկ տարում աճելով 76%:
Հանքարդյունաբերությունը շարունակում է մնալ Հայաստանի մարզերի սոցիալական հենարանը. հետազոտություն
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները