Չորեքշաբթի, 29 Մայիսի 2013 21:08

Անելիք Բանկի Վարչության նախագահ Սամվել Ճզմաչյան ընտրվել է Հայաստանի բանկերի միության նախագահ

ԱրմԻնֆո. Մայիսի 24-ին Հայաստանի բանկերի միության (ՀԲՄ) խորհրդի նիստում կայացել է Հայաստանի բանկերի միության նախագահի հերթական ընտրությունը, որի արդյունքում միաձայն ՀԲՄ նախագահ է ընտրվել ՙԱնելիք Բանկ՚ ՓԲԸ Վարչության նախագահ Սամվել Ճզմաչյանը:

Ինչպես ԱրմԻնֆո գործակալությանը տեղեկացվել է Անելիք Բանկի մամուլի ծառայությունից, Սամվել Ճզմաչյանը նախկինում ևս (2003 -2006 թվականներին) ղեկավարել է Հայաստանի բանկերի միությունը:

ՙԵս շնորհակալ եմ Հայաստանի բանկերի միության խորհրդին բանկերի համար շատ կարևոր և մարտահրավերներով լի այս ժամանակաշրջանում ՀԲՄ նախագահությունը կրկին անգամ ինձ վստահելու համար: Բանկային համակարգն ավանդաբար համարվում է Հայաստանի տնտեսության ամենամրցակցային և ամենակայացած ճյուղերից մեկը, և մենք բոլորս մեր ուժերի ներածի չափով, միշտ պետք է անենք հնարավորինս այն էլ ավելի ամուր և կայուն դարձնելու համար՚, - նշեց Սամվել Ճզմաչյանը:

Նշենք, որ Սամվել Ճզմաչյանը վերջին 25-30 տարիներին բանկային համակարգում գործող բանկային ամենամեծ փորձը ունեցող ղեկավարիից է: Շուրջ 20 տարի Սամվել Ճզմաչյանը ղեկավարում է ՙԱնելիք Բանկ՚ ՓԲԸ-ն: 1980 թվականից ստանձնել է ԽՍՀՄ Պետբանկի ՀՀ գրասենյակի էլեկտրագործարանային բաժանմունքի կառավարչի պաշտոնը, այնուհետև ղեկավարել է Արտաքին առևտրային բանկի ՀՀ բաժանմունքը (Վնեշտորգբանկ), հետագայում` ՙԱրտտնտբանկը՚, 1990 թվականից ղեկավարել է ՙՎնեշէկոնոմբանկը՚, այնուհետև հիմնադրել և ղեկավարել է ՙՀայներարտբանկը՚, իսկ 1994-1995 թվականներին` Մոսկվայի ՙլոմբանկը՚:

Նշենք նաև, որ Հայաստանի բանկերի միությունը հիմնադրվել է 1995 թվականի հուլիսի 27-ին, բանկերի շահերի պաշտպանության նպատակով: Հայաստանի տարածքում գործող բոլոր 21 կոմերցիոն բանկերը ՀԲՄ անդամ են:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Անելիք Բանկի Վարչության նախագահ Սամվել Ճզմաչյան ընտրվել է Հայաստանի բանկերի միության նախագահ