Երեքշաբթի, 21 Մայիսի 2013 16:26
Արարատբանկը հայտարարել է 1 մլն.դոլար ծավալով և 8.5% եկամտաբերությամբ արտարժութային պարտատոմսերի թողարկման մասին
ԱրմԻնֆո. Արարատբանկն այսօր հայտարարել է 1 մլն.դոլար ծավալով և 8.5% եկամտաբերությամբ արտարժութային պարտատոմսերի հերթական թողարկման մասին: Ինչպես NASDAQ OMX Armenia բորսայում կայացած մամուլի ասուլիսում հայտարարել է Բանկի փոխտնօրեն Դավիթ Հարությունյանը, կորպորատիվ պարտատոմսերի վեցերորդ տրանշի տեղաբաշխումը տեղի կունենա 2013 թվականի մայիսի 23-ից հունիսի 13-ը: Այդ ժամանակահատվածում բանկը կտեղաբաշխի 25 դոլար անժեքով 40 հազար դիսկոնտային պարտատոմսեր, 3 տարի շրջանառությամբ:
Մեկնաբանելով բանկի պարտատոմսերի թողարկման տնտեսական օգուտը, Դ.Հարությունյանը նշել է դրանց բարձր իրացվելիությունը: ՙԻ տարբերություն, օրինակ, ավանդի, որն ապահովում է մեծ եկամտաբերություն, կորպորատիվ պարտատոմսերը կարելի է ցանկացած պահի վաճառել երկրորդային շուկայում՚,-ասել է նա:
NASDAQ OMX Armenia բորսայի ղեկավար Կոնստանտին Սարոյանը նշել է, որ Կենտրոնական Դեպոզիտարիայի նոր մոդելի վերջերս կայացած ներդրումից հետո պարտքային գործիքների տեղաբաշխման գործընթացը ներդրողի համար դարձել է ավելի ճկուն ու հարմարավետ, քանի որ յուրաքանչյուր տարր, որը բորսայում ունի հաշվի օպերատորի կարգավիճակ, այսուհետ իր թողարկումը կիրականացնի սեփական գրասենյակում:
Բանկի պարտատոմսերի մարկետ-մեյքերն է ՙՌենեսա՚ ներդրումային ընկերությունը:
Հիշեցնենք, որ Արարատբանկը կորպորատիվ պարտատոմսերի շուկա է դուրս եկել 2007 թվականից, 250 մլն.դրամ ծավալով: Առաջին թողարկման տարեկան եկամտաբերությունը կազմել է 8%, շրջանառության ժամկետը` 1 տարի: Երկրորդ թողարկման շրջանակներում ընդհանուր ծավալը կազմեց 400 մլն.դրամ, եկամտաբերությունը` 9%, իսկ շրջանառության ժամկետը` 1.5 տարի: Երրորդ թողարկման շրջանակներում ընդհանուր ծավալը կազմեց 250 մլն.դրամ, եկամտաբերությունը` 10%, իսկ շրջանառությնա ժամկետը` 1.5 տարի: Չորրորդ թողարկումը տեղի ունեցավ 2011 թվականին, ընդհանուր ծավալը կազմեց 250 մլն.դրամ, եկամտաբերությունը` 12%: Հինգերորդ թողարկումը տեղի ունեցավ 2012 թվականին, և բանկը շուկա դուրս եկավ արտարժութային պարտատոմսերով, որոնց ընդհանուր ծավալը կազմեց 1 մլն.դոլար, իսկ եկամտաբերությունը` 9%: Ներկայումս բորսայում շրջանառվում են բանկի 4-րդ և 5-րդ թողարկումների պարտատոմսերը, որոնց ընդհանուր շրջանառությունը համապատասխանաբար կազմում է 980 մլն.դրամ և 450 հազ.դոլար:
Իստ Արարատբանկի տվյալների, 2013 թվականի առաջին եռամսյակում բանկի ակտիվներն աճել են 1,6%, մինչև 115.5 մլրդ դրամ, վարկային ներդրումները`7,1%, մինչև 57.5 մլրդ դրամ, իսկ ժամկետային ավանդները` 14.5%, մինչև 23.1 մլրդ դրամ է դրամ: Բանկի ընդհանուր կապիտալը, ապրիլի 1-ին կազմել է 17.4 մլրդ դրամ, ընդհանուր պարտավորությունները` 98.1 մլրդ դրամ: 2013 թվականի առաջին եռամսյակը բանկը եզրափակել է 729 մլն.դրամ զուտ շահույթով: Ըստ ԱրմԻնֆո գործակալության` Հայաստանի բանկերի ֆինանսական վարկանիշ, Արարատբանկը տնտեսությանն ուղղված վարկերի ծավալով առաջին եռամսյակում տեղ է գրավել առաջատարների տասնյակում` 44 մլրդ դրամ (վարկային պորտֆելի 55%-ը), գրանցելով տարեկան 32% աճ:
Հանքարդյունաբերությունը շարունակում է մնալ Հայաստանի մարզերի սոցիալական հենարանը. հետազոտություն
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները