Շաբաթ, 1 Հունիսի 2013 14:37

2013 թվականի մայիսին ԱՄՆ դոլարի նկատմամբ դրամի արժեվորումը կազմել է 0,1 տոկոս` տարեկան 4,5 տոկոս արժեզրկման պայմաններում

ԱրմԻնֆո: 2013 թվականի հունվար-մայիս ամիսներին ԱՄՆ դոլարի նկատմամբ դրամի արժեզրկումը կազմել է 2,5%, միայն մայիսին` 0,1% արժեվորում` տարեկան 4,5% արժեզրկման պայմաններում: Ինչպես ԱրմԻնֆո գործակալությանը հաղորդեցին ՀՀ ազգային վիճակագրական ծառայությունից, 2013 թվականի մայիսին միջին հաշվարկային փոխարժեքը կազմել է 415,8 դրամ/1դոլար` 2012 թվականի մայիսի 397,9 դրամ/1դոլարի դիմաց:

Աղբյուրի համաձայն, 2013 թվականի մայիսին սպառողական շուկայում արձանագրվել է հարաբերական կայունություն 2012 թվականի դեկտեմբերի համեմատ` 2,8% ինֆլյացիա, իսկ 2012 թվականի մայիսի համեմատ` 5,2% ինֆլյայցիա: Համեմատության կարգով հիշեցնենք, որ 2012 թվականի հունվար-մայիս ամիսներին 0,8% ինֆլյացիայի պայմաններում արձանագրվել է ԱՄՆ դոլարի նկատմամբ դրամի 3,7% արժեզրկում, միայն 2012 թվականի մայիսին սպառողական գների 1,3% անկումն ուղեկցվել է դոլարի նկատմամբ դրամի 1,4% արժեզրկմամբ` 2011 թվականի հունվար-մայիս ամիսների 5% ինֆլյացիայի և դոլարի նկատմամբ դրամի 3,8% արժեզրկման դիմաց (միայն 2011 թվականի մայիսին անփոփոխ գների պայմաններում դոլարի նկատմամբ դրամի արժեզրկումը կազմել է 0,1%):

Ազգային վիճակագրական ծառայության տվյալներով, 2012 թվականին ԱՄՆ դոլարի նկատմամբ դրամի արժեզրկումը կազմել է 5,9%, իսկ միայն դեկտեմբերին` 0,3% արժեվորում` 2012 թվականի 3,2% ինֆլյացիայի պայմաններում (միայն դեկտեմբերին` 2,1% ինֆլյացիա):

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

2013 թվականի մայիսին ԱՄՆ դոլարի նկատմամբ դրամի արժեվորումը կազմել է 0,1 տոկոս` տարեկան 4,5 տոկոս արժեզրկման պայմաններում