Հինգշաբթի, 6 Հունիսի 2013 16:45

Հայաստանի դրամական բազան ապրիլին աճել է 5.4%, մինչեւ 679.6 մլրդ.դրամ

ԱրմԻնֆո. Հայաստանի դրամական բազան 2013 թվականի ապրիլին աճել է 5.4%, մինչև 679.6 մլրդ.դրամ ($ 1653.6 մլրդ): Ըստ Հայաստանի Կենտրոնական բանկի նախնական տվյալների, որոնք ԱրմԻնֆո գործակալությանն են տրամադրվել ՀՀ Ազգային վիճակագրական ծառայությունից, տարեկան կտրվածքով Հայաստանի դրամական բազան աճել է 15.3%:

Դրամական բազայի կառուցվածքում Կենտրոնական բանկից դուրս կանխիկ միջոցները 2013 թվականի մայիսի 1-ին կազմել են 399.4 մլրդ դրամ (դրամական բազայի 68.8%-ը), ապրիլին աճելով 0.9%, իսկ տարեկան կտրվածքով` 5.4%:

Պարտադիր դրամական պահուստների տեսակարար կշիռն ընդհանուր դրամական բազայի ծավալում կազմել է 28.5% կամ 193.7 մլրդ դրամ, ապրիլին աճելով 19.6%, իսկ տարեկան կտրվածքով` 13.5%: Պարտադիր արտարժութային պահուստները կազմել են ընդհանուր դրամական բազայի 12.2%-ը կամ 83 մլրդ դրամ: Այս ցուցանիշը հաշվետու ամսում կրճատվել է 1.7%, իսկ տարեկան աճը կազմել է ավելի քան 2 անգամ:

Ըստ աղբյուրի, արտաքին պահուստների չափերը (առանց սեփականաշնորհման միջոցների) մայիսի 1-ին կազմել են 379.3 մլրդ դրամ, ապրիլին նվազելով 0.3%, իսկ տարեկան աճը` 5.7%: Ներքին ակտիվներն ապրիլին աճել են 13.4%, մինչեւ 300,3 մլրդ դրամ, տարեկան կտրվածքով աճելով 30,3%:

Ներքին ակտիվների կառուցվածքում պահանջների կառավարության հանդեպ արձանագրվել են մինուսային 105 մլրդ դրամ մակարդակում, ապրիլին ավելի խորանալով 0,5%-ով, իսկ տարեկան կտրվածքով` 47.3%: Բանկերի հանդեպ պահանջներն ապրիլի վերջին կազմել են 187.4 մլրդ դրամ, մեկ ամսում աճելով 22.5%, իսկ մեկ տարում` 50,3%: Բանկերի հանդեպ պահանջների ապրիլյան աճը հիմնականում պայմանավորված է եղել ռեպո գործարքների ծավալի 22.6%, մինչեւ 81.6 մլրդ դրամ աճով: Տարեկան կտրվածքով այս ցուցանիշն աճել է գրեթե 2 անգամ: (ԱՄՆ դոլարի միջին փոխարժեքը 2013 թվականի ապրիլի 30-ին կազմել է 410.98 դրամ/$1):

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.76	0.04
USD	382.28	0.19
EUR	443.94	1.90
GBP	502.81	1.36
CAD	273.14	0.55
JPY	24.72	0.05
CNY	53.87	0.19
CHF	480.49	2.58

Նորություններ

Հայաստանի դրամական բազան ապրիլին աճել է 5.4%, մինչեւ 679.6 մլրդ.դրամ