Երկուշաբթի, 10 Հունիսի 2013 14:09
ՀՀ Կենտրոնական բանկն ստիպված կլինի խստացնել դրամավարկային քաղաքականությունը
ԱրմԻնֆո. ազի և էլեկտրաէներգրայի սակագների աճի համատեսքստում ՀՀ Կենտրոնական բանկն ստիպված կլինի իրականացնել ավելի խիստ դրամավարկային քաղաքականություն: Այս մասին այսօր ՀՀ խորհրդարանում հայտարարել է ՀՀ ԿԲ նախագահ Արթուր Ջավադյանը:
Նրա խոսքերով, հաշվի առնելով գազի սակագների աճը, ինչպես նաև կարկուտի հետևանքները, ինֆլյացիան կարող է պլանավորվածից 2.5% ավելի լինել: Ընդգծելով, որ դա շատ բարձր ցուցանիշ կարող է լինել, Ա.Ջավադյանը նշել է, որ այդ համատեքստում ԿԲ կանցնի ավելի խիստ դրամավարկային քաղաքականության: Տեղեկացնելով, որ ներկայումս ԿԲ-ում քննարկվում է քաղաքականության վերանայման հարցը, նա չի բացառել վերաֆինանսավորման տոկոսադրույքի բարձրացումը: ՙԵս չգիտեմ, կարվի դա, թե ոչ, բայց ստեղծված իրավիճակում այդ քայլը կլինի արդարացված՚,-գտնում է Ա.Ջավադյանը:
Նա ընդունել է, որ դրամավարկային քաղաքականության խստացումը կարող է դանդաղեցնել տնտեսական աճի տեմպերը, սակայն ԿԲ համար առաջնահերթություն է հանդիսանում ինֆլյացիոն ճնշումների զսպումը, քանի որ գների աճն առաջին հերթին հարվածում է հասարակության անապահով շերտերին: Այս պարագայում, եթե կշեռքի նժարներին դրված լինեն տնտեսական աճը կամ ինֆլյացիան, ապա ԿԲ միջոցառումներ կձեռնարկի հատկապես ինֆլյացիայի նվազեցման ուղղությամբ: Ա.Ջավադյանը նշել է, որ ԿԲ կձգտի անել ամեն ինչ` ինֆլյացիան կայունացնելու ուղղությամբ, առանց մեծ վնասներ պատճառելու տնտեսական աճի տեմպերին:
Ա.Ջավադյանը նշել է նաև, որ Կենտրոնական բանկի չի իրականացնում ազգային ուժեղ արժույթի քաղաքականոթյուն: ՙՎերջին ինտերվենցիան մենք կատարեցինք նախորդ շաբաթ, ընդ որում` հակառակ ուղղությամբ: Վերջին 2-3 տարիներին մենք մեր ինտերվենցիաները հասցրել ենք նվազագույնի, և դրանք կրում են միայն սեզոնային բնույթ՚,-հայտարարել է նա:
Ըստ ՀՀ ԿԲ տվյալների, վերաֆինանսավորման տոկոսադրույքը 2011 թվականի ապրիլին 8.5%-ից իջեցվեց մինչև 8.0% և մինչ օրս պահպանվում է այդ մակարդակում: Իսկ լոմբարդային ռեպո և ներգրավված ավանդների սակագները վերանայվել են 2012 թվականի նոյեմբերին, ընդ որում, լոմբարդային ռեպո սակագները 10%-ից նվազեցնելով մինչև 9.5%, իսկ ներգրավված ավանդների սակագները` 6%-ից բարձրացնելով մինչև 6.5%, մինչ օրս պահպանելով այդ մակարդակում:
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները