Հինգշաբթի, 27 Հունիսի 2013 14:36
HSBC Բանկ Հայաստանը կողմնորոշվում է այն SME սուբյեկտներով, որոնց գործունեությամբ նախատեսվում են միջազգային գործառույթներ
ԱրմԻնֆո. Վարկավորման քաղաքականության մեջ HSBC Բանկ Հայաստանը կողմնորոշվում է այն SME սուբյեկտներով, որոնց գործունեությամբ նախատեսվում են միջազգային գործառույթներ: Ինչպես ԱրմԻնֆո գործակալության թղթակցի հետ զրույցում նշել է բանկի գլխավոր գործադիր տնօրեն Թիս Քլեմենցը, բանկի վարկային ընդհանուր պորտֆելում SME-վարկառուների քանակական աճը բանկի համար ինքնանպատակ չի հանդիսանում:
ՙՄեր ռազմավարությունն առաջատար SME սուբյեկտներին օժանդակում է ներգրավվել միջազգային հնարավորություններին: Փաստորեն, այդ ոլորտի սուբյեկտներին, երբ նրանց գործունեությունը հատում է Հայաստանի սահմանները և դուրս է գալիս արտաքին շուկա, մենք պատրաստ ենք առաջարկել հստակ օժանդակություն, ընդ որում, մրցունակ պրոդուկտների տեսքով: Այդ ոլորտը, իհարկե, ավելի հետաքրքիր է ֆինանսական կառույցներին, որոնք մասնագիտանում են փոքր ձեռնարկությունների վարկավորման հատվածում, բայց մենք կենտրոնացած ենք, այսպես կոչված, ՙմիջազգային առևտրի՚ ֆինանսավորման ուղղությամբ, իսկ դա հատկապես այն հատվածն է, որտեղ մենք կարող ենք առաջարկել ֆինանսական հետաքրքիր լուծումներ, ընդ որում, լավագույն պայմաներով: Մասնավորապես, HSBC Բանկ Հայաստանում առևտրի ֆինանսավորման գործող տոկոսադրույքը կազմում է մինչև 7%, այն ժամանակ, երբ շուկայում վարկավորման միջին տոկոսադրույքները կազմում են 10% և ավելի: Այս ուղղությամբ մենք ամենամրցունակն ենք և կարող ենք մեր հաճախորդներին առաջարկել իրական առավելություններ՚,-ընդգծել է նա:
Բազմաթիվ հայ գործարարներ հետաքրքրված են աշխատել չինական գործընկերների հետ, բայց վերջիններիս համար հայկական շուկան շատ փոքր է լուրջ գործարքներ կատարելու համար: Որպես օրինակ նա նշել է, որ հայ գործարարները Չինաստանից հիմնականում ներկրում են տեխնիկա: Առևտրի ֆինանսավորումը հանդիսանում է այդ պրոբլեմների այն լուծումը, որը կարող է առաջանալ միջազգային առևտրի գործարքներ կնքելիս, առանձ բանկին ներգրավելու այդ գործընթացին: Մասնավորապես, կնքելով առևտրի ֆինանսավորման ներկրումային կողմնորոշում ունեցող գործարք, հայ գործարարը, մեր բանկի հաճախորդը, կարող է լինել վստահ, որ ոչ միայն կստանա բեռն ու կապահովվի դրա որակը, այլ նաև կորուստներ չեն լինի: ՙԱյս առումով ավելի հարմար է ոնենալ HSBC-ի նման գործընկեր: Քանի որ չինական շուկայում մենք զբաղեցնում ենք առանցքային դիրք, ի դեմս մեր գործընկերների, հաճախորդը կարող է կապեր ունենալ նաև բիզնես-հանրության հետ, և լավագույն ձևով սկսել տիրապետել չինական շուկայում տիրող իրավիճակին, և, դրանից ելնելով, կարող է հստակորեն իմանալ, թե ում հետ կարելի է համագործակցել, չանհանգստանալով պրոբլեմների առաջացմամբ՚,-տեղեկացրել է նա, հավելելով նաև, առևտրի ֆինանսավորման գործարքների մշակույթը բարձրացնելու նպատակով ստեղծվել է համապատասխան ակադեմիա, որտեղ հայ գործարարները ձեռք են բերում միջազգային առևտրի գործարքների իրականացման վերաբերյալ անհրաժեշտ գիտելիքներ և ունակություններ:
HSBC Բանկ Հայաստանը նաև նախատեսում է, և պատրաստ է, առաջարկել ներդրումային հետաքրքիր նախագծեր, մանավանդ, որ HSBC Խումբը տիրապետում է պատրաստի փաթեթի, որն արդեն վաղուց կիրառում է բազմաթիվ զարգացած երկրներում: ՙՀայկական շուկան դեռ ամբողջովին պատրաստ չէ նման նախագծերի ընկալմանը, իսկ ներդրումային պրոդուկտներն այստեղ պահանջված չեն, սակայն, երբ կգա ժամանակը, մենք արդեն պատրաստ կլինենք հայկական շուկա դուրս գալ մեր ներդրումային բանկային ծառայություններով՚,-գտնում է Թ.Քլեմենցը:
Անդրադառնալով բանկի 2013 թվականի վարկային քաղաքականության գերադասություններին, նա նշել է, որ դրանք կպահպանվեն այն հաճախորդների աջակցության վրա, որոնց գործունեությունը կապված է միջազգային առևտրի հետ, որոնց համար էական է նաև բանկի հաճախորդների բազան: ՙՍակայն, այս ամենի հետ մեկտեղ, մենք չենք նվազեցնի ակտիվությունը նաև շինարարության, առևտրի և այլ ոլորտներում: Մեզ համար դրանք հավասարապես հետաքրքիր են, բայց կարևորը, որպեսզի դրանց գործունեության մեջ նույնպես առկա լինի միջազգային առևտրի տարրը, որով մենք կարող ենք մեծ առավելություններ առաջարկել հաճախորդին՚,-եզրափակել է նա:
Ըստ ԱրմԻնֆո գործակալության` Հայաստանի բանկերի ֆինանսական Ռենկինգի, HSBC Բանկը Հայաստանը SME վարկավորման գծով գտնվում է Հայաստանի առաջատար բանկերի հնգյակում, 2013 թվականի ապրիլի 1-ին ապահովելով 34.8 մլրդ.դրամ ծավալ ¥վարկային պորտֆելի մոտ 26%-ը¤, գրանցելով տարեկան 32% աճ, իսկ միայն առաջին եռամսյակում` 10% աճ: Ըստ ոլորտների, բանկի վարկային պորտֆելը հիմնականում կենտրոնացած է առևտրի, արդյունաբերության և շինարարությնա ոլորտներում: Ընդհանուր առմամբ, տնտեսության վարկավորմանը բանկն ուղղել է պարտֆելի ավելի քան 80%-ը, զբաղեցնելով 2 դիրքը բանկային համակարգում: Բանկի հաճախորդների բազան կազմված է ավելի քան 35 հազ.ֆիզիկական և 5 հազ. իրավաբանական անձանցից:
Նշենք, որ HSBC Բանկը Հայաստանում գործում է 1996 թվականից: Բանկի բաժնետերերն են HSBC Europe B.V.-ը` 70% և Wings Establishment-ը` 30%:
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները