Ուրբաթ, 28 Հունիսի 2013 16:12

NASDAQ OMX Armenia-ի ղեկավար. Մենք ակնկալում ենք կապիտալի շուկայի զգալի աշխուժացում` կուտակային կենսաթոշակային համակարգի ներդրման առնչությամբ

ԱրմԻնֆո. Հայաստանի կապիտալի շուկան զգալի աշխուժացում կցուցադրի 2014 թվականի հունվարի 1-ից կուտակային կենսաթոշակային համակարգի ներդրման առնչությամբ: Հունիսի 28-ին այդպիսի կարծիք է հայտնել NASDAQ OMX Armenia ֆոնդային բորսայի գլխավոր տնօրեն Կոնստանտին Սարոյանը: Նա ավելացրել է, որ երկրի ֆոնդային շուկայի զարգացմանը նպաստում է արտարժութային պարտատոմսերի հարթակների ստեղծումը, ինչպես նաև նոր առևտրային համակարգերի ձևավորումը:

ՙԿապիտալի շուկայի զարգացման համատեքստում 2013 թվականը, անկասկած, ակտիվ է: Բանկերին զուգընթաց կորպորատիվ փոխառությունների շուկայում սկսել է ակտիվություն դրսևորել նաև մասնավոր հատվածը, ինչի առնչությամբ մենք ակնկալում ենք գործարքների թվի և նոր թողարկումների հետագա աճ՚, - նշել է Կ.Սարոյանը: Նա հիշեցրել է, որ ընթացիկ տարվա հունվար-ապրիլ ամիսներին կորպորատիվ պարտատոմսերի շուկայում կատարվել է 1 մլրդ դրամի գործարք, ինչը երկու անգամ գերազանցում է 2012 թվականի տարեկան ցուցանիշը:

Հիշեցնենք, որ այսօրվա դրությամբ NASDAQ OMX Armenia բորսայում շրջանառվում են Արցախ ՀԷԿ (1-ին թողարկման, դրամային), SAS Group առևտրային ցանցի (1-ին թողարկման արտարժութային), Արարատբանկի (4, 5 և 6-րդ թողարկումների դրամային և արտարժութային) պարտատոմսերը: Բոլոր նշված կորպորատիվ պարտատոմսերը արժենշվում են Bbond հարթակում:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

NASDAQ OMX Armenia-ի ղեկավար. Մենք ակնկալում ենք կապիտալի շուկայի զգալի աշխուժացում` կուտակային կենսաթոշակային համակարգի ներդրման առնչությամբ