Հինգշաբթի, 4 Հուլիսի 2013 12:12
Առէկսիմբանկ-Գազպրոմբանկի խմբի մասնագետները համոզված են, որ մինչև տարեվերջ վարկերի ու ավանդների տոկոսադրուքները չեն փոխվելու
ԱրմԻնֆո. . Առէկսիմբանկ-Գազպրոմբանկի խմբի մասնագետները համոզված են, որ մինչև տարեվերջ վարկերի ու ավանդների տոկոսադրուքները չեն փոխվելու: Այս մասին ԱրմԻնֆո գործակալությանը տեղեկացրել է Բանկի գլխավոր տնօրենի տեղակալ Վիգեն Բարսեղյանը:
ՙՄեր վերլուծաբաններն այս տարի չեն կանխատեսում վարկերի ու ավանդների տոկոսադրույքների փոփոխություն՚, - հայտատարել է ՙԱռէկսիմբանկ-Գազպրոմբանկի խումբ՚ ՓԲԸ լխավոր տնօրենի տեղակալ Վիգեն Բարսեղյանը: ՙՏոկոսադրույքների չափը կախված է ինչպես ներտնտեսական, այնպես էլ արտաքին շուկաներում առկա իրավիճակից: Տոկոսադրույքը` դա օբյեկտիվ մեծություն է, որը ձևավորվում է շուկայում: Բարձր տոկոսադրույքներ արձանագրելիս միաժամանակ պետք է նշել այն ցուցանիշը, որի հետ հարաբերակցում ենք վարկերի դրույքաչափերը: Եթե նշում ենք, որ Հայաստանում վարկային ռիսկի մակարդակը բարձր է` դա նշանակում է, որ տոկոսադրույքները նույնպես պետք է համապատասխանեն վարկային ռիսկի ցուցանիշին: Բացի այդ, իրենց գործունեության արդյունքում բանկերը պետք է ձեռք բերեն այնպիսի մարժա, որի շնորհիվ առաջին հերթին հնարավոր կլինի ապահովել ամբողջ բանկի գործունեության արդյունավետությունը, երկրորդ հերթին` վարկավորման ընթացքում հնարավոր ռիսկերի նվազեցումը: Կենտրոնական բանկի դրամային քաղաքականությունը միանշանակորեն ուղղված է բանկային համակարգի կայունացմանը: Այսինքն` կարգավորող մարմնի քաղաքականությունն ուղղված է վարկային շուկայի կայունացմանն ու բանկերի կողմից բոլոր պլանային գործակիցների աճի ապահովմանը: Կենտրոնական բանկի կողմից նախաձեռնվող բոլոր նորմատիվային փոփոխությունների մասին տեղական առևտրային բանկերն տեղեկանում են նախօրոք: Եթե որևիցէ բանկի չի հաջողվում հարմարվել նոր պայմաններին, ապա վերջինիս մոտ առկա է ներքին կառավարման համակարգի ցածրարդյունավետության խնդիր՚,-ասել է նա:
Ըստ ՀՀ Կենտրոնական բանկի տվյալների, որոնք ԱրմԻնֆո գործակալությանն են տրամադրվել ՀՀ ազգային վիճակագրական ծառայությունից, ՀՀ դրամով վարկերի տոկոսադրույքերը Հայաստանում մայիսին իջել են 0.43 կետով, տարեկան կտրվածքով իջնելով 1.41 կետով, մինչև 16.04%: Իսկ ՀՀ դրամով ավանդների տոկոսադրույքները 2013 թվականի մայիսին բարձրացել են 0.03 կետով մինչև 10.04%, տարեկան կտրվածքով աճելով 0.9 կետով:
Նշենք, որ ՙԱռէկսիմբանկ-Գազպրոմբանկի խումբ՚ ՓԲԸ բաժնտոմսրի 100% փաթեթի տիրապետողն է ռուսական ՙազպրոմբանկը՚:
Հանքարդյունաբերությունը շարունակում է մնալ Հայաստանի մարզերի սոցիալական հենարանը. հետազոտություն
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները