Երեքշաբթի, 16 Հուլիսի 2013 17:53
ՙԿամուրջ՚ ՈՒՎԿ սեփական շահույթի հաշվին մեղմել է Արմավիրի և Արագածոտնի մարզերում կարկտից տուժածների վարկային պայմանները
ԱրմԻնֆո. ՙԿամուրջ՚ ունիվերսալ վարկային կազմակերպությունը, հավատարիմ մնալով իր սոցիալական առաքելությանն ու մատչելի գյուղատնտեսական վարկավորման քաղաքականությանը, մեղմել է մայիսի 12-ին Արմավիրի և Արագածոտնի մարզերում աննախադեպ ուժգին կարկտից տուժածների վարկերի մարման պայմանները: Այդ մասին հուլիսի 16-ին մամուլի ասուլիսում հաղորդել է ՙԿամուրջ՚ ՈՒՎԿ ՓԲԸ խորհրդի նախագահ Արա Աղայանը:
Տուժածների կողմից ներկայացված առաջարկությունների հիման վրա ՙԿամուրջը՚ մշակել է վարկային պարտավորությունների վերանայման և այդ խմբի շուրջ 1037 փոխառուների վարկերի վերաձևակերպման ճկուն մոդելներ: Ընդ որում վերանայվել են ոչ միայն գյուղատնտեսական, այլև վարկերի այլ տեսակներ, որոնք ավելի վաղ տրամադրվել են կարկտից տուժածներին: Կախված վնասի չափից, աճեցվող մշակաբույսերից, ընկերությունը 1-2 տարով երկարաձգել է վարկի հիմնական գումարի մարման ժամկետը, ինչպես նաև նվազեցրել է ամենամսյա տոկոսավճարների չափերը: Բերքի 100 տոկոս կորուստ ունեցող 600 հաճախորդների համար վարկերի տոկոսադրույքները 5 տոկոսային կետով նվազեցվել են: Պակաս տուժած հաճախորդների համար տոկոսադրույքը նվազեցվել է 3 տոկոսային կետով (18%-22%): Նոր պայմանները հետադարձ ուժ ունեն, քանի որ գործում են հունիսի 1-ից:
ՙԱրդյունքում` վերանայված վարկերի պորտֆելը հասել է 750 մլն դրամի, ինչը կազմում է ընկերության ընդհանուր վարկային պորտֆելի 10 %: Ընդ որում կարկտից տուժածների վարկային պայմանները բարելավվել են ՙԿամուրջ՚ ՈՒՎԿ շահույթի հաշվին՚, - ընդգծել է Ա.Աղայանը: Նա ավելացրել է, որ ՙԿամուրջի՚ ղեկավարությունը որոշում է կայացրել հետագայում այդ մարզերում նոր արտոնյալ պայմաններով վարկեր տրամադրելու մասին:
Նշենք, որ ՙԿամուրջ՚ ունիվերսալ վարկային կազմակերպություն ՓԲԸ 100 բաժնետերը Միկրո ձեռներեցության զարգացման բարեգործական հիմնադրամն է: Ընկերությունը հիմնադրվել է 2010 թվականին և զբաղվում է, հիմնականում, գուղատնտեսության վարկավորմամբ: 2013 թվականի օգոստոսի 1-ի դրությամբ ՙԿամուրջի՚ վարկային պորտֆելը կազմել է 8.6 մլրդ դրամ, որի 80 տոկոսը բաժին է ընկել գյուղատնտեսության վարկավորմանը: Ընկերության շահույթի ընթացիկ տարվա առաջին կիսամյակի արդյունքում հասել է 480 մլն դրամի: Կանոնադրական կապիտալի չափը կազմում է 4.5 մլրդ դրամ: ՙԿամուրջի՚ հաճախորդների բազան ներառում է 17 հազար հաճախորդ: Ընկերությունն ունի 13 մասնաճյուղ, որոնցից 12-ը մարզային են, 1-ը` մայրաքաղաքում:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%