Հինգշաբթի, 18 Հուլիսի 2013 21:00

IFC-ը ՙՖինքա՚ ՈՒՎԿ-ին 4 մլն դոլարին համարժեք դրամի վարկ կտրամադրի

ԱրմԻնֆո. Համաշխարհային բանկի խմբի անդամ IFC-ն աջակցում է Հայաստանում գործող առաջատար վարկային կազմակերպությանը ընդլայնելու վարկավորման ծավալներըª միկրո, փոքր և միջին ձեռնարկություններին ֆինանսավորում տրամադրելու նպատակով, ինչը կնպաստի վերջիններիս գործունեության ընդլայնմանը, աշխատատեղերի ստեղծմանը և աղքատության մակարդակի նվազեցմանը:

Ինչպես ԱրմԻնֆո գործակալությանը հաղորդեցին ընկերության մամուլի ծառայությունում, IFC-ն ՙՖԻՆՔԱ՚ ունիվերսալ վարկային կազմակերպությանը կտրամադրի վարկ 4 միլիոն ԱՄՆ դոլարին համարժեք ՀՀ դրամ ª միկրո, փոքր և միջին ձեռնարկություններին և ձեռներեցներին ֆինանսավորելու նպատակով: Փոքր ձեռնարկությունների ֆինանսավորումը կնպաստի երկրի տնտեսական աճին: IFC-ի կողմից ազգային արժույթով ֆինանսավորման տրամադրումը կօգնի նաև ՖԻՆՔԱ կազմակերպությանը նվազեցնել արտարժույթի հետ կապված ռիսկերը:

ՙՖԻՆՔԱ՚ կազմակերպության գլխավոր տնօրեն Երվանդ Բարսեղյանի խոսքերով ՙՖինանսական ծառայությունների տրամադրման միջոցով ՙՖԻՆՔԱ՚ կազմակերպությունը հնարավորություններ է ստեղծում տարածաշրջանի անապահով համայնքների համար` բարելավելու իրենց կյանքի պայմանները՚:

ՙՖԻՆՔԱ՚ ունիվերսալ վարկային կազմակերպությունը հանդիսանում է ՙՖԻՆՔԱ Մայքրոֆայնենս Հոլդինգ՚ ընկերության դուստր կազմակերպություն, որը պատկանում է ՙՖԻՆՔԱ Ինթերնեյշնլ Ինք՚ª աշխարհում խոշորագույն միկրոֆինանսական ընկերությանը:

ՙՄիկրոֆինանսավորումը հնարավորություն է տրամադրում նվազագույն եկամուտ ունեցող գործարարների համար, որոնք չունեն ֆինանսավորման այլ տարբերակներ՚, - ասել է Թոմաս Լյուբեքըª IFC Հարավային Կովկասի տարածաշրջանի տնօրենը: - ՙՖԻՆՔԱ՚ կազմակերպության հետ համագործակցության միջոցով մենք ընդլայնում ենք ձեռներեցներին մատուցվող ֆինանսական ծառայություններըª օգնելով ձեռնակությունների զարգացմանը և Հայաստանի մարզերի համայնքներում աշխատատեղերի ստեղծմանը՚:

ՙՀամաշխարհային բանկի խմբի անդամ IFC-ն համաշխարհային զարգացման ամենախոշոր հաստատությունն է, որի ուշադրությունն ուղղված է բացառապես մասնավոր հատվածին: Մենք օգնում ենք զարգացող երկրներին ապահովել կայուն զարգացում, տրամադրելով ֆինանսավորում, մատուցելով խորհրդատվական ծառայություններ գործարարներին ու կառավարություններին, և մոբիլիզացնելով կապիտալ միջազգային ֆինանսական շուկաներում: 2012 ֆինանսական տարում` օգնել ենք մասնավոր հատվածին օգտագործել իրենց ներուժը ստեղծելու աշխատատեղեր, խթանել ենք նորարարությունը և աջակցել աշխարհի առավել հրատապ զարգացման մարտահրավերների լուծմանը, հասցնելով մեր ներդրումները ռեկորդային շուրջ 20 միլիարդ ԱՄՆ դոլարի՚, - նշվում է հաղորդագրությունում:

ՙՖինքա՚ ՈՒՎԿ գրանցվել է 2006 թվականի մարտին: ՙՖինքա՚ ՓԲԸ միակ բաժնետերը "FINCA Inc" միկրոֆինանսական հոլդինգն է: ԱրմԻնֆո գործակալության պատրաստած Հայաստանի վարկային ընկերությունների ռենքինգի տվյալներով, ՙՖինքա՚ ՈՒՎԿ ակտիվները 2013թ. հունիսի 30-ի դրությամբ կազմել են 22.3 մլրդ դրամ, տարեկան կտրվածքով ավելանալով 15%-ով, իսկ միայն 2-րդ եռամսյակում` 2,4%-ով: Ընկերության վարկային պորտֆելը նույն ժամանակահատվածում հասել է 19.7 մլրդ դրամի, 23,4% տարեկան աճով, իսկ միայն 2-րդ եռամսյակում` 2,2%-ով: Ընկերության ընդհանուր կապիտալը կազմում է 5.1 մլրդ դրամ, տարեկան կտրվածքով ավելանալով 86,6%-ով (կանոնադրական հիմնադրամի համալրման հաշվին):

Հիշեցնենք, որ Հայաստանը IFC անդամ է 1995 թ.: Այդ ժշամանակվանից ի վեր IFC 244 մլն դոլար է ներդրել երկրի մասնավոր հատվածում` ֆինանսական հատվածին և արդյունաբերությանը աջակցելուն նպատակաուղղված 40 ծրագրերի իրագործման համար: Համաշխարհային մասծտաբով IFC ներդրումները 2012 տարեվերջին հասել են ռեկորդային 20 մլրդ դոլարի:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.73	-0.02
USD	382.65	-0.07
EUR	442.76	-1.39
GBP	502.42	-1.81
CAD	273.11	-1.10
JPY	24.83	-0.03
CNY	53.79	-0.02
CHF	477.00	-1.40

Նորություններ

IFC-ը ՙՖինքա՚ ՈՒՎԿ-ին 4 մլն դոլարին համարժեք դրամի վարկ կտրամադրի