Չորեքշաբթի, 24 Հուլիսի 2013 17:00
Հայաստանի ապահովագրական շուկայի տարեկան զուտ շահույթը 2013 թվականի առաջին եռամսյակի վերջին աճել է 3 անգամ
ԱրմԻնֆո. Հայաստանի 7 ապահովագրական ընկերությունների տարեկան զուտ շահույթը 2013 թվականի առաջին եռամսյակի արդյունքներով կազմել է 340,8 մլն դրամ ($ 814.1 մլն), նախորդ տարվա նույն ժամանակահատվածի 648,5 մլն դրամ վնասի փոխարեն:
Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, ապահովագրական շուկայում գործող 7 ապահովագրական ընկերութոյւններից 5-ը տարեկան կտրվածքով արձանագրել են զուտ շահույթի աճ, ընդ որում, ամենաբարձր աճն ապահովել է ՙԱրմենիա Ինշուրանսՙ ընկերությունը` մոտ 11 անգամ, մինչեւ 70.5 մլն դրամ: Զուտ շահույթի զգալի աճ է ապահովել նաեւ ՙՆաիրի Ինշուրանսը՚` մոտ 4 անգամ, մինչեւ 130,9 մլն դրամ (նախորդ տարվա 83.4 մլն դրամ վնասի փոխարեն), այս ցուցանիշի բացարձակ արտահայտությամբ զբաղեցնելով առաջին տեղը շուկայում: Զուտ շահույթի գծով երկրորդ տեղում է ԻՆՈ Արմենիան` 121.9 մլն դրամ, տարեկան աճը` գրեթե 3 անգամ, իսկ առաջատարների եռյակը եզրափակում է ՙԱրմենիա Ինշուրանսը՚: Զուտ շահույթի ամենացածր ցուցանիշը գրանցել է ՌԵՍՈ-ն` 19 մլն դրամ, տարեկան կտրվածքով գրանցելով եռակի աճ:
Ըստ ԱրմԻնֆո-ի Ռենկինգի, ընթացիկ տարվա առաջին եռամսյակը վնասով են եզրափակել ՍԻԼ ԻՆՇՈՒՐԱՆՍ-ը` 53 մլն դրամ և Ռոսգոսստրախ Արմենիան` 1.2 մլն դրամ:
Նշենք, որ ապահովագրական ընկերությունները Հայաստանի 2013 թվականի առաջին եռամսյակում հավաքագրել են 11.4 մլրդ դրամ ($ 27.2 մլն) ապահովագրական պրեմիաներ, տարեկան կտրվածքով գրանցելով 0.3% անկում: Իսկ ապահովագրական հատուցումներն աճել են 83%, մինչեւ 4.9 մլրդ դրամ ($ 11.7 մլն): Առաջին երկու եռամսյակներում հավաքագրված ապահովագրական պրեմիաների ծավալներով առաջատարներն են Ռոսգոսստրախ Հայաստան եւ ԻՆՈ Արմենիան, որոնց է պատկանում հավաքագրված ապահովագրական պրեմիաների եւ իրականացված հատուցումների ակեսից ավելին: 2013 թվականի ապրիլի 1 – ի դրությամբ Հյաստանի ապահովագրական շուկայում գործում էր 7 ապահովագրական ընկերություն: Հայաստանում առկա ապահովագրական 18 դասերից այսօր գործարկվում են 16-ը: Չի բացառվում, որ տարեվերջին Հայաստանի ապահովագրական շուկան կպակասի եւս մեկ ընկերությունով, մասնավորապես, խոսքը գնում է արանտ Ինշուրանս-ի մասին, որի միավորման ուղղությամբ բանակցությունները դեռ շարունակվում են: