Ուրբաթ, 9 Օգոստոսի 2013 16:02
Հայաստանի բանկերում ֆիզիկական անձանց ավանդների աճի տեմպերը դանդաղել են 2013 թ. II եռամսյակում 7,6%-ից մինչև 2,6%
ԱրմԻնֆո. Հայաստանի բանկերում ֆիզիկական անձանց ավանդների աճի տեմպերը դանդաղել են 2013 թ. II եռամսյակում 7,6%-ից մինչև 2,6% (2012թ. II եռամսյակի 9% աճի փոխարեն), իսկ տարեկան կտրվածքով աճել են 26,6%-ով (2012 թ. II եռամսյակի 38,3% տարեկան աճի փոխարեն)` 2013 թ. հուլիսի 1-ի դրությամբ կազմելով 823.3 մլրդ դրամ ($2 մլրդ): 2009 թ. II եռամսյակի համեմատ այս ցուցանիշը ավելացել է 3 անգամ, ինչը պայմանավորված է 2009 թ. մարտի 3-ին դրամի 22% արժեզրկմամբ, ինչի հետևանքով ավանդների ծավալը դրամային արտահայտմամբ զգալիորեն բարձրացել է:
Ըստ Արմինֆո ռեյտինգային մարկետինգային գործակալության կողմից կազմված` Հայաստանի առևտրային բանկերի Ռենկինգի, տարեկան կտրվածքով ֆիզիկական անձանվ ժամկետային ավանդներն աճել են 30,8%-ով`ֆիզիկական անձանց ցպահանջ ավանդների 10,9% աճի պայմաններում, իսկ եռամսյակային կտրվածքով ֆիզիկական անձանց ժամկետային ավանդների աճի տեմպերը դանդաղել են 9% -ից մինչև 2,2%`ֆիզիկական անձանց ցպահանջ ավանդների եռամսյակային աճի` 2,1% մինչև 4,7% արագացման պայմաներում: Հարկ է նշել, որ շատ բանկեր, 2010 թ. երկրորդ կիսամյակից սկսած, բարձրացրել են ավանդների տոկոսադրույքները:
Ֆիզիկական անձանց ավանդների ամենամեծ ծավալներ 2013 թ. հուլիսի 1-ի դրությամբ
կրկին գրանցել է HSBC Բանկ Հայաստանը`ապահովելով ֆիզիկական անձանց ավանդների ծավալ /ցպահանջ պարտավորությունների և ժամեկտային ավանդների/ 100.3 մլրդ դրամ
($244.6 մլն) մակարդակի վրա, որոնց կառուցվածքում շարունակում են գերիշխել ժամկետային ավանդաները` 51,4%, մինչդեռ ցպահանջ պարտավորությունների բաժինը նվազել է մինչև 48,4%: Երկրորդ տեղում ՎՏԲ-Հայաստան Բանկն է`87.4 մլրդ դրամ կամ $213.3 մլն (որոնց 85%-ը ժամկետային ավանդներն են/`երրորդ տեղը մղելով Յունիբանկին`78.3 մլրդ դրամ կամ $190.9 մլն (որոնց գրեթե 93%-ը ժամկետային ավանդներ են/: Չորրորդ տեղն է բարձրացել Արդշինինվեստբանկը` 70.1 մլրդ դրամ $171.1 մլն (որոնց շուրջ 88%-ը ժամկետային ավանդներն են)`հինգերորդ տեղը զիջելով Ամերիաբանկին` 67.9 մլրդ դրամ կամ $165.8 մլն (ավելի քան 83%-ը ժամկետային ավանդներն են), ինչի հետևանքով Հայբիզնեսբանկը դուրս է մղվել առաջատարների հնգյակից և զբաղեցրել վեցերորդ տեղը` 62.6 մլրդ դրամ կամ $152.8 մլն
(ավելի քան 91%-ը ժամկետային ավանդներ են): Այնուհետև առաջատարների տասնյակում իրենց դիրքերն ըստ այս ցուցանիշի պահպանել են ACBA-Credit Agricole Bank-ը` 62.2 մլրդ դրամ (7-րդ տեղ), Կոնվերս Բանկ`41.8 մլրդ դրամ (8–րդ տեղ), Զարգացման Հայկական Բանկ` 34.1 մլրդ դրամ (9-րդ տեղ ), Առէկսիմբանկ – ազպրոմբանկի Խումբ 33.7 մլրդ դրամ (10-րդ տեղ), և բոլոր այս բանկերի մոտ ֆիզիկական անձանց ավանդների կառուցվածքում գերիշխում են ժամկետային ավանդները:
Ընդհանուր պարտավորություններում ֆիզիկական անձանց ավանդների ամենամեծ բաժինը 2013 թ. հուլիսի 1-ի դրությամբ գրանցել է Զարգացման Հայկական Բանկ (ADB)` 72,7% և Յունիբանկը` 65,9%, որոնց ոչ մեծ տարբերությամբ հաջորդում են Byblos Bank Armenia-ն` 59,4%, HSBC Բանկ Հայաստանը` 55% և Անելիք Բանկը` 54,3%: Վերջիններից միայն HSBC Բանկ Հայաստանի ժամկետային ավանդներն են աննշան կերպով գերիշխում ցպահանջ ավանդների նկատմամբ, մինչդեռ մնացածների մոտ ժամկետային ավանդներն զգալիորեն գերիշխում են: Առաջատար բանկերի հիշյալ տասնյակից զգալի տարեկան աճ ապահովել են Զարգացման Հայկական Բանկը, ՎՏԲ-Հայաստան Բանկը և Առէկսիմբանկ – ազպրոմբանկի Խումբը`43-54%:
Առաջատարների հնգյակին բաժին է ընկնում ֆիզիկական անձանց ավանդների շուրջ 50%-ը, որից ավելի քան 32%-ն ընդգրկում են երեք բանկ`HSBC Բանկ Հայաստան (12,2%), ՎՏԲ-Հայաստան (10,6%) և Յունիբանկ (9,5%): Ֆիզիկական անձնաց ավանդների ամենափոքր մասնաբաժինը պահպանել են Մելլաթ Բանկ և ԲՏԱ Բանկը` 0,2-0,3%:
Ֆիզիկական անձերի ավանդների միակ տարեկան անկում արձանագրել է Հայբիզնեսբանկը 3,1%-ով, իսկ եռամսյակային անկում` 4 բանկերի գծով, ըստ որում`ամենամեծ անկում գրանցել են Հայբիզնեսբանկը և Մելլաթ Բանկը` 10-17%: Ֆիզիկական անձանց ավանդների ծավալների ամենամեծ տարեկան աճ շարունակում է ապահովել Պրոմեթեյ Բանկը (72%`բացարձակ ցուցանիշով ապահովելով 18-րդ տեղը): 2013 թ. II եռամսյակում ֆիզիկական անձանց ավանդների ամենամեծ աճ արձանագրել են ԲՏԱ Բանկը և ProCredit Բանկը`գրեթե 16%-ով`ինչպես ցպահանջ ավանդների, այնպես էլ ժամկետային ավանդների եռամսյակային աճի հաշվին: Չնայած եռամսյակային աճին` ԲՏԱ Բանկն առայժմ ֆիզիկական անձանց ավանդների գծով զբաղեցնում է 20-րդ տեղը:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%