Ուրբաթ, 9 Օգոստոսի 2013 16:23

Հայաստանի բանկային համակարգում 2013 թ. I կիսամյակում զուտ շահույթի ամենամեծ մակարդակ շարունակում են ապահովել HSBC Բանկ Հայաստանը, Ամերիաբանկը և ACBA-Credit Agricole Bank-ը

ԱրմԻնֆո. Հայաստանի բանկային համակարգում զուտ շահույթի ամենամեծ մակարդակ շարունակում են ապահովել HSBC Բանկ Հայաստանը, Ամերիաբանկը և ACBA-Credit Agricole Bank-ը, որոնց ցուցանիշները 2013 թ. I կիսամյակի արդյունքներով կազմել են համապատասխանաբար 4.1 մլրդ դրամ ($9.9 մլն), 2.8 մլրդ դրամ ($6.8մլն) և 2.393 մլրդ դրամ ($5.8 մլն): Զուտ շահույթի մակարդակով չորրորդ տեղում է ԻՆԵԿՈԲԱՆԿ-ը` 2.353 մլևդ դրամ և հինգերորդ տեղում`Արդշինինվեստբանկը` 2.1 մլրդ դրամ:

Ըստ Արմինֆո ռեյտինգային մարկետինգային գործակալության կողմից կազմված` Հայաստանի առևտրային բանկերի Ռենկինգի, ակտիվների շահութաբերության մակարդակով (մաքուր շահույթի բաժինը ակտիվներում` ROA) առաջատար հնգյակում առաջին չորս տեղերն զբաղեցնում են ԻՆԵԿՈԲԱՆԿ-ը` 2,08%, HSBC Բանկ Հայաստանը`1,82%, Արմսվիսբանկը`
1,80% և ԱՐԱՐԱՏԲԱՆԿ-ը` 1,34%, որոնց մոտեցել է Պրոմեթեյ Բանկը` 1,22%`վեցերորդ տեղը մղելով Ամերիաբանկին`1,02%: Կապիտալի եկամտաբերության մակարդակով (ROE )
առաջին երեք տեղերը TOP-5-ում շարունակում են պահպանել ԻՆԵԿՈԲԱՆԿ-ը`13%, HSBC Բանկ Հայաստանը` 10,64% և ԱՐԱՐԱՏԲԱՆԿ-ը`9,38%, չորրորդ տեղն զբաղեցրել է Ամերիաբանկը` 7,36%, իսկ հինգերորդ տեղում հայտնվել է Արմսվիսբանկը`5,94%.:

Հայաստանի բանկային համակարգի միագումար չբաշխված շահույթը 2013 թ. I-ին կիսամյակի արդյունքներով կազմել է 20.6 մլրդ դրամ ($50.3 մլն)`տարեկան կտրվածքով ավելանալով 15,7%-ով` II եռամսյակում 48,8% աճի պայմաններում: Ըստ 21 գործող բանկերի հաշվետվությունների (հաշվի առնելով Ամերիաբանկի հետ Կասկադ Բանկի միաձուլումը), 2013 թ. I կիսամյակը 22.2 մլրդ դրամ միագումար շահույթով եզրափակել են 18 բանկ, իսկ 1.6 մլրդ դրամ վնասով` 3 բանկ: Չբաշխված շահույթի տարեկան անկում է արձանագրել 13 բանկ, ըստ որում` ամենամեծ անկում արձանագրել է Byblos Bank Armenia`գրեթե 4 անգամ: Չբաշխված շահույթի ամենամեծ տարեկան աճ ապահովել է Հայէկոնոմբանկը`ավելի քան 9 անգամ`կապված վարկային պորտֆելի 13,3% ավելացման հետ:

Բանկային համակարգի ընդհանուր կապիտալը 2013 թ. I կիսամյակում աճել է 5,8%-ով, իսկ տարեկան կտրվածքով 10,3%-ով, միայն II եռամսյակում` 2,3%-ով`հուլիսի 1-ի դրությամբ հասնելով 427.2 մլրդ դրամի ($1 մլրդ): Ըստ որում, հիշյալ ցուցանիշի տարեկան աճն ապահովվել է կանոնադրական ֆոնդի 4,4% (երեք բանկերի կապիտալացման հետևանքով) և վերագնահատման պահուստի (11,1%) ավելացման հաշվին: Մասնավորապես` կանոնադրական կապիտալը տարեկան կտրվածքով համալրել են HSBC Բանկ Հայասանը (III եռամսյակում 76,6%-ով. կապիտալացում կուտակված շահույթի և ստացված եռամսյակային շահույթի հաշվին), Արարատբանկը (IV եռամսյակում 16,6% -ով. կապիտալացում բելգիական Incofin Investment Management կառավարիչ ֆոնդի`կապիտալ մուտք գործելու հաշվին) և ProCredit Bank-ը (III եռամսյակում 15,4% -ով. կապիտալացում բաժնետոմսերի թողարկման հաշվին):

Ընդհանուր կապիտալի չափով 2013 թ. հուլիսի 1-ի դրությամբ առաջատարների հնգյակի մեջ են մտնում ACBA-Credit Agricole Bank –ը` 51.4 մլրդ դրամ (տարեկան աճը 8,6%), HSBC Բանկ Հայաստանը` 39.8 մլրդ դրամ (տարեկան աճը 19,3%), Ամերիաբանկը 39.2 մլրդ դրամ (տարեկան աճը 6,8%), Արդշինինվեստբանկը` 38.6 մլրդ դրամ (տարեկան աճը 17,1%) և ՎՏԲ Հայաստան Բանկը`33.4 (տարեկան աճը 12,4%):

Բանկային համակարգի ակտիվները տարեկան կտրվածքով աճել են 19,6%-ով, իսկ 2013 թ, II եռամսյակում դանդաղել են 6,4%-ից մինչև 3,1%`հուլիսի 1-ի դրությամբ կազմելով
2.6 տրլն դրամ ($6.4 մլրդ): Ակտիվների չափով առաջատարների հնգյակի մեջ են մտնում Ամերիաբանկը`366.4 մլրդ դրամ (տարեկան աճ 65,1%), ACBA-Credit Agricole Bank` 260.9 մլրդ դրամ (աճը 8,8%), ՎՏԲ Հայաստան Բանկը` 259.9 մլրդ դրամ (աճը 43,2%), Արդշինինվեստբանկը` 233.5 մլրդ դրամ (աճը 32,1%) և HSBC Բանկ Հայաստանը` 222 մլրդ դրամ (աճը 12,3%):

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հայաստանի բանկային համակարգում 2013 թ. I կիսամյակում զուտ շահույթի ամենամեծ մակարդակ շարունակում են ապահովել HSBC Բանկ Հայաստանը, Ամերիաբանկը և ACBA-Credit Agricole Bank-ը