Երեքշաբթի, 13 Օգոստոսի 2013 19:12
ԿԲ 8%-ից մինչև 8,5% բարձրացրել է վերաֆինանսավորման տոկոսադրույքը` գնաճային սպասումները խարսխելու և էներգակիրների սակագների աճի երկրորդային ազդեցությունները մեղմելու նպատակով
ԱրմԻնֆո. Օգոստոսի 13-ի նիստում ԿԲ խորհուրդը որոշել է վերաֆինանսավորման տոկոսադրույքը 8%-ից բարձրացնել մինչև 8,5%:
Ինչպես ԱրմԻնֆո գործակալությանը հաղորդել են ԿԲ հասարակայնության հետ կապերի ծառայությունից, ԿԲ որոշումը միտված է ներքին զարգացումների հետևանքով ձևավորված գնաճային սպասումների խարսխմանը և էներգակիրների սակագների աճի երկրորդային ազդեցությունների մեղմմանը: Բացի այդ, Խորհուրդը նաև կարևորում է դրական իրական տոկոսադրույքների պահպանումը: ԿԲ քաղաքականության արդյունքում ակնկալվում է, որ գնաճը մոտակա ամիսներին աստիճանաբար կնվազի: նաճի աստիճանական նվազման և տնտեսական աճի հնարավոր դանդաղման պայմաններում Խորհուրդը համապատասխանորեն կարձագանքիª թուլացնելով դրամավարկային պայմանները: Խորհուրդը համակարծիք է, որ գնաճը աստիճանաբար նվազելով կվերադառնա նպատակային մակարդակին և կանխատեսվող հորիզոնում կպահպանվի տատանումների թույլատրելի միջակայքում:
ԿԲ տվյալներով, 2013 թ. հուլիսին, պայմանավորված առավելապես էներգակիրների սակագների բարձրացմամբ, արձանագրվել է 0.4% գնաճª նախորդ տարվա նույն ժամանակահատվածի 1.5% գնանկման դեպքում, ինչը հանգեցրել է 12-ամսյա գնաճի բարձրացմանըª հուլիսի վերջին կազմելով 8.5%: ԿԲ Խորհուրդը գնահատել է, որ ներքին տնտեսության առաջին կիսամյակի զարգացումների ներքո ձևավորվել է սպասվածից բարձր գնաճ, որին մեծապես նպաստել են երկրորդ եռամսյակում գյուղատնտեսության ճյուղի զարգացումները (կարկտահարություն և վեգետացիոն շրջանի մասնակի հետաձգում) և որոշ ծառայությունների գների աճը:
ԿԲ Խորհուրդն արձանագրել է, որ արտաքին հատվածը գտնվել է կանխատեսվածի շրջանակներում: Պահպանվել են համաշխարհային տնտեսական աճի տեմպերի դանդաղման միտումները, և ինչպես հումքային, այնպես էլ պարենային ապրանքների միջազգային շուկաներում հիմնականում գրանցվել են որոշակի գնանկումային միտումներ: Այս զարգացումների ներքո, կանխատեսվող հորիզոնում արտաքին միջավայրից լրացուցիչ գնաճային ճնշումներ չեն ակնկալվում:
ԿԲ Խորհուրդը վերանայել է նաև ներգրավված ավանդների տոկոսադրույքը` այն 6,5 %-ից բարձրացնելով մինչև 7%ª ընդ որում լոմբարդային ՌԵՊՈ տոկոսադրույքը պահպանելով 10% մակարդակում:
Հիշեցնենք, որ 2011 թվականի ապրիլի 12-ին ՀՀ ԿԲ վերաֆինանսավորման տոկոսադրույքը 8,5%-ից իջեցրել էր մինչև 8%` այդ մակարդակում պահպանելով մինչև այսօրվա վերանայումը:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները