Ուրբաթ, 16 Օգոստոսի 2013 18:38
Փորձագետ. Իրական ինֆլյացիան Հայաստանում կազմում է ավելի քան 20%, և բազային տոկոսադրույքի բարձրացումն արդյունք չի տա
ԱրմԻնֆո. Կենտրոնական բանկի կողմից վերաֆինանսավորման տոկոսադրույքը 0.5 տոկոսային կետով`մինչև 8,5%, բարձրացնելը մակրոտնտեսական տեսակետից որևէ դեր չի խաղա ինֆլյացիայի զսպան գործում, քանի որ տոկոսադրույքների ինստիտուտը Հայաստանում իրականում չի աշխատում, օգոստոսի 16-ին մամլո ասուլիսի ժամանակ այդպիսի կարծիք է հայտնել կառավարման փորձագետ, տնտեսագետ Հարություն Մեսրոպյանը:
Փորձագետի կարծիքով, ինֆլյացիայի պաշտոնական թվերը Հայաստանում աղավաղված են, իսկ վերաֆինանսավորման տոկոսադրույքի փոփոխումն ահազանգ է այն մասին, որ Հայաստանը ինֆլյացիայի հետ լուրջ խնդիրներ ունի, առաջին հերթին`կապված էներգակիրների թանկացման հետ: ՙԻնֆլյացիայի պաշտոնական ցուցանիշը որևէ ընդհանրություն չունի գնային իրողությունների հետ, քանի որ հաշվվում է`հաշվի առնելով բազմաթիվ ապրանքների գները`անկախ դրանց առաջնահերթ նշանակության՚,- նշել է Հ. Մեսրոպյանը: Նրա խոսքով, իրեն սոցիալական հանրապետություն հռչակած երկրում բնակչության տարբեր շերտերի համար ինֆլյացիան հարկավոր է հաշվել տարբեր կերպ: Առաջին հերթին բնակչության սոցիալապես խոցելի շերտերի համար անհրաժեշտ է հաշվի առնել առաջին անհրաժեշտության շուրջ 60 ապրանքների գները և կոմունալ վճարումները, միջին խավի համար` 190 ապրանքատեսակի գները և կոմունալ վճարները: ՙՀաշվարկի նման միջոց կիրառելու դեպքում անապահով խավի համար ինֆլյացիան կկազմի ավելի քան 20%`պաշտոնական 8,1%-ի փոխարեն, այնպես որ`ինֆլյացիայի զսպման մասին այսօր խոսելն առնվազն կոռեկտ չէ՚,- ընդգծել է Մեսրոպյանը:
Նա նշել է, որ Հայաստանում այժմ գործում է ինֆլյացիայի զսպան մի քանի մեխանիզմ, որոնցից մեկը դրամային զանգվածի կրճատումն է վերջինիս ստերիլացման ճանապարհով, երկրորդը`արժութային ինտերվենցիաների միջոցով: ՙԱյս մեթոդները մեկ մեծ թերություն ունեն: Դրանք դրամավարկային քաղաքականության գործիքներ են և որևէ ընդհանրություն չունեն իրական տնտեսության հետ: Սահմանադրորեն Կենտրոնական բանկին գնային կարգավորման գործառույթ վերապահելը տնտեսական անկրթության հետևանք է՚,- գտնում է փորձագետը:
Հայաստանի գործատուների հանրապետական միության նախագահ ագիկ Մակարյանն իր հերթին նշել է, որ վերաֆինանսավորման տոկոսադրույքը բարձրացնելով 0.5 տոկոսային կետով`Կենտրոնական բանկն ընդամենը ցանկացել է ցույց տալ իր զգոնությունը և հավատարմությունը Մեգակարգավորիչի կողմից գնային կայունության ապահովման վերաբերյալ ՀՀ Սահմանադրությանը:
ՙԱկնհայտ է մեկ բան` էլեկտրաէներգիայի սակագների բարձրացումը, անշուշտ, արդեն հանգեցնում է ապրանքների և ծառայությունների թանկացմանը: Այդ հանգամանքը`գնողունակության նվազման և բնակչության միգրացիայի մշտական աճի հետ միասին, կհանգեցնի սպառման զգալի կրճատման՚,- նշել է Մակարյանը: Նա նաև նշել է, որ գների ընդհանուր բարձրացման զոհ կդառնան նաև ՓՄՁ սուբյեկտները, որոնք արդեն հիմա բիզնեսի արդյունավետության էական անկում են ապրում:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները