Շաբաթ, 24 Օգոստոսի 2013 12:30
Կենտրոնական բանկի կուտակված վնասների խորացումն 2013 թվականի երկրորդ եռամսյակում սեփական կապիտալի մինուսային մակարդակն ավելացրել է 18.1 տոկոսով
ԱրմԻնֆո. Կենտրոնական բանկի կուտակված վնասների խորացումն 2013 թվականի երկրորդ եռամսյակում սեփական կապիտալի մինուսային մակարդակն ավելացրել է 18.1%: Ըստ ՀՀ Կենտրոնական բանկի տվյալների, առաջին կիսամյակում ԿԲ կուտակված վնասն աճել է 2.3%, մինչեւ 149,4 մլրդ դրամ, ընդ որում, առաջին եռամսյակի 0,5% անկումից հետո երկրորդ եռամսյակում տեղի ունեցավ 2.8% աճ: ԿԲ սեփական կապիտալն առաջին կիսամյակում մինուսային մակարդակն ավելացրել է գրեթե 15%, առաջին եռամսյակում գրանցելով 2.7% անկում, երկրորդ եռամսյակում փոփարինվելով զգալի աճով: Տարեկան կտրվածքով ԿԲ կուտակված վնասն աճել է 34.5%, կրճատելով սեփական կապիտալը 4 անգամ` դրականից դեպի բացասական մակարդակ: Ըստ աղբյուրի, սեփական կապիտալի կառուցվածքում լրացուցիչ սեփական կապիտալը, որը 2011 թվականին 85,7 մլրդ-ից ավելացել էր մինչեւ 107.5 մլրդ դրամ` սովորական, ցպահանջ, անտոկոս պետական մուրհակի հաշվին, մինչեւ 2013 թվականի հուլիսի 1-ը չփոփոխվեց: Անփոփոխ մնացին նաեւ գլխավոր պահուստը` 17.4 մլրդ դրամ եւ էմիսիան կապիտալը` 100 մլն դրամ: Ընդ որում, վաճառքի համար ընդունելի ակտիվների վերագնահատման պահուստը, մնալով մինուսային մակարդակում, առաջին կիսամյակում կրճատվեց 16.7%, մինչեւ 1,045 մլրդ դրամ, առաջին եռամսյակում աճելով 8.3%, որից հետո, երկրորդ եռամսյակում հետեւեց 23.1 % անկում, ինչը գրեթե նույնն է` այս ցուցանիշի տարեկան անկման համեմատ:
ԿԲ ընդհանուր ակտիվները տարեկան կտրվածքով աճեցին 1.1%, առաջին կիասամյակում ցուցադրելով 4% անկում, մինչեւ 1,109 տրլն դրամ ($ 2.706 մլրդ), ինչը պայմանավորված էր առաջին եռամսյակում տեղի ունեցած 3.7% անկումով, երկրորդ եռամսյակում դանդաղեցնելով տեմպերը 0.2 %: ԿԲ ակտիվների կառուցվածքում 65% կամ 719,6 մլրդ դրամ ($ 1.8 մլրդ) կազմում են արտարժութային ակտիվները, 35% կամ 389,7 մլրդ դրամ` ($ 950.7 մլն)`դրամային ակտիվները: Ընդ որում, արտարժութային ակտիվների 7.5% կրճատման ֆոնի ներքո, դրամային ակտիվներն աճեցին 22.2%: Միայն երկրորդ եռամսյակում արտարժույթն ակտիվներում դանդաղեցրել է իր անկումը` 5.5% - ից մինչեւ 2,8%, իսկ դրամային բաղադրիչը գրեթե անփոփոխ է մնացել, երկրորդ եռամսյակում ավելանալով 5.1%:
ԿԲ ընդհանուր պարտավորությունները տարեկան կտրվածքով աճել են 4.7%, միայն առաջին կիսամյակում կրճատվելով 3.6% (հիմնականում առաջին եռամսյակի անկման հետևանքով), կազմելով հուլիսի 1-ին 1.135 տրլն դրամ ($ 2.768 մլրդ): Պարտավորությունների կառուցվածքում արտարժույթային բաղադրիչն աճել է 39.1% կամ 443,3 մլրդ դրամ ($ 1.1 մլրդ), իսկ դրամային բաղադրիչը նվազել է 60.9% կամ 691,5 մլրդ դրամով ($ 1.7 մլրդ): Ընդ որում դրամային պարտավորությունները տարեկան կտրվածքով ավելացել են 3.8%, գրանցելով առաջին կիսամյակում եռամսյակային անկում, իսկ արտարժույթային պարտավորությունները, տարեկան կտրվածքով ավելանալով 6%, միայն առաջին եռամսյակում ցուցադրեցին անկում, որը հետագայում փոխարինվեց բուռն աճով, վերադառնալով տարեսկզբի մակարդակին:
Արտարժութային ակտիվների կառուցվածքում եռամսյակի կտրվածքով նկատելի աճ է գրանցվել միայն այլ ակտիվների, ինչպես նաեւ ԱՄՀ – ում տեղաբաշխված ակտիվների գծով, իսկ դրամային ակտիվների կառուցվածքում աճ արձանագրվել գրեթե բոլոր հոդվածներով: Արտարժութային պարտավորությունների կառուցվածքում աճ է արձանագրվել միայն ֆինանսական կազմակերպություններից ներգրավված միջոցների գծով, իսկ դրամային պարտավորությունների կառուցվածքում աննշան աճ է գրանցվել միայն շրջանառվող թղթադրամների եւ մետաղադրամների գծով:
Հիշեցնենք, որ կուտակված վնասների ծածկելու նպատակով ՀՀ Կենտրոնական բանկին 77.513 մլրդ դրամ նոմինալ արժեքով մուրհակի տրամադրման մասին որոշումը կառավարության կողմից ընդունվել է 2011 թվականի օգաստոսի 18-ին: 2012 թվականի առաջին կիսամյակում ԿԲ կուտակված վնասը կրճատվեց 10%, որից հետո, երրորդ եռամսակից, նկատվեց վնասի խորացում, երրորդ եռամսյակում` 3.6%, չորրորդ եռամսյակում` 25.5%: Կառավարության մուրհակի շնորհիվ ԿԲ սեփական կապիտալը 2012 թվականի սկզբին մինուսային մակարդակից բարցրացվեց դրական մակարդակ, այդ մակարդակում մնալով մինչեւ հոկտեմբերի 1-ը:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները