Չորեքշաբթի, 4 Սեպտեմբերի 2013 15:49
ՙԱռէկսիմբանկ-Գազպրոմբանկի խումբ՚ ՓԲԸ-ն իր 15-ամյակի կապակցությամբ MasterCard համակարգի հետ համատեղ իրականացնում է հատուկ ակցիա
ԱրմԻնֆո. Սեպտեմբերի 2-ից մինչև նոյեմբերի 29-ը ընկած ժամանակահատվածում ՙԱռէկսիմբանկ-Գազպրոմբանկի խումբ՚ ՓԲԸ-ն իր 15-ամյակի կապակցությամբ MasterCard միջազգային վճարային համակարգի հետ համատեղ իրականացնում է հատուկ ակցիա: Ինչպես ԱրմԻնֆո գործակալության տեղեկացվել է Բանկի մամուլի ծառայությունից, ցանկացած հաճախորդի ցանկության դեպքում 1 տարի ժամկետով կտրամադրվի MasterCard Standard տեսակի վճարային քարտ` առանց սպասարկման վճարի, չնվազող մնացորդի և համաձայն հաճախորդի կողմից նշված արժույթի:
Աղբյուրի համաձայն, MasterCard Standard ոչ չիպային քարտ ցանկացողներին Բանկն առաջարկում է ոչ չիպային MasterCard Gold տեսակի վճարային քարտ` 1 տարի ժամկետով, 2000 ՀՀ դրամ սպասարկման վճարով, առանց չնվազող մնացորդի և համաձայն հաճախորդի կողմից նշված արժույթի:
Բանկի առևտրային կետերում MasterCard Maestro, MasterCard Standard, MasterCard Gold տեսակի վճարային քարտերի բոլոր քարտապաններին (POS-տերմինալներից և e-commerce ծառայությունից օգտվող հաճախորդներին) անկանխիկ գործարքներ իրականացնելու դեպքում կապահովվի 1% cash-back:
Բանկի քարտով իրականացված յուրաքանչյուր անկանխիկ գործարքի դիմաց ակցիայի մասնակիցներին կհաշվեգրվեն միավորներ: Հաղթող կճանաչվեն ամենաշատ միավորներ հավաքած մասնակիցները, որոնք կպարգևատրվեն թանկարժեք նվերներով` IPhone, IPAD, թվային տեսախցիկներ, IPOD և այլն: Ակցիայի արդյունքները կհրապարակվեն դեկտեմբեր ամսին, երբ էլ տեղի կունենա նվերների հանձնման պաշտոնական արարողությունը:
Ըստ ԱրմԻնֆո գործակալության` ՙՀայաստանի բանկերը քարտային բիզնեսում՚ վերլուծականի, ՙԱռէկսիմբանկ-Գազպրոմբանկի խումբ՚ ՓԲԸ-ն միջազգային ակտիվ քարտերի քանակով գտնվում է առաջատարների տասնյակում` 2013 թվականի ապրիլի 1-ի դրությամբ ունենալով ավելի քան 27 հազ.քարտ, որոնց կազմում Visa քարտերը կազմում են 69%, իսկ MasterCard-ը` 31%: Պլաստիկ տրանսակցիաներով նույնպես բանկը գտնվում է առաջատարների տասնյակում, 2012 թվականին ապահովելով 39 մլրդ.դրամ ծավալով տրանսակցիաներ: Ակտիվ քարտերի մեջ աշխատավարձային քարտերի մասնաբաժնով բանկը հայտնվեց առաջատարների հնգյակում, 2013 թվականի ապրիլի 1-ի դրությամբ ապահովելով մոտ 80%: ՙԱռէկսիմբանկ-Գազպրոմբանկի խումբ՚ ՓԲԸ-ն առաջատարների հնգյակում է նաև բանկոմատների և POS-տերմինալների քանակով` համապատասխանաբար կազմելով 76 հատ և 339 հատ: Տարեկան կտրվածքով բանկոմատներն ավելացել են 31%, իսկ POS-թերմինալները` 32%: Բանկը, Visa և MasterCard միջազգային քարտերի թողարկումից բացի 2012 թվականից թողարկել է նաև տեղական ArCa քարտեր, որոնց հետ միասին բանկի ակտիվ քարտերի թիվը հասնում է 29 հազարի:
Նշենք, որ ՙԱռէկսիմբանկ-Գազպրոմբանկի խումբ՚ ՓԲԸ միանձնյա սեփականատերն է ռուսաստանյան ՙազպրոմբանկը՚:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները