Հինգշաբթի, 12 Սեպտեմբերի 2013 19:41
Ինեկոբանկը կնքել է 5 միլիոն Եվրոյի վարկային պայմանագիր Հարավ-Արևելյան Եվրոպայի Եվրոպական հիմնադրամի հետ, որն ուղղված է ՓՄՁ բիզնեսի զարգացմանը Հայաստանում
ԱրմԻնֆո. Հարավ-Արևելյան Եվրոպայի Եվրոպական հիմնադրամը (EFSE), նախաձեռնած KfW Զարգացման Բանկի կողմից, երմանիայի Տնտեսական Համագործակցության և Զարգացման Ֆեդերալ Նախարարության և Եվրոպական Հանձնաժողովի ֆինանսական աջակցությամբ, ստորագրեց 5 մլն. Եվրո գումարի վարկային պայմանագիր Ինեկոբանկի հետ:
Ինչպես ԱրմԻնֆո գործակալության տեղեկացվել է Բանկի մամուլի ծառայությունից,
վարկի նպատակն է հզորացնել Ինեկոբանկի ֆինանսական բազան’ Հայաստանի միկրո և փոքր ձեռնարկություններին օժանդակելու նպատակով: Ինեկոբանկը Հայաստանյան բանկային շուկայում դիրքավորված է որպես հզոր և կայուն ֆինանսական կառույց, որը տարիներ շարունակ ֆինանսական աջակցություն է ցուցաբերում միկրո և փոքր ձեռնարկություններին (ՄՓՁ)’ նպաստելով վերջիններիս զարգացմանը և մրցունակությանը:
ՙՄիկրո և փոքր ձեռնարկությունների ֆինանսավորման շուկայում Ինեկոբանկի հետագա աճի ապահովումը ամբողջությամբ ներդաշնակ է EFSE-ի կողմից մշակված ռազմավարությանը: 2012թ. ապրիլից սկսած մենք արդյունավետ համագործակցություն ենք հիմնել Ինեկոբանկի հետ և հետագայում նույնպես ակնկալում ենք աջակցել Բանկի կայուն զարգացմանը՚, - նշել է իր խոսքում EFSE-ի Խորհրդի նախագահ Մոնիկա Բեքը: ՙԱյս վարկային պայմանագիրը EFSE-ի հետ նոր հնարավորություններ կընձեռի Ինեկոբանկին ընդլայնել վարկավորման ծավալը միկրո և փոքր ձեռնարկությունների ֆինանսավորման ոլորտում` նպաստելով երկրի տնտեսության մասնավոր հատվածի կայուն զարգացմանը՚,- նշել է Ինեկոբանկի ործադիր տնօրեն Ավետիս Բալոյանը:
Հարավ-Արևելյան Եվրոպայի Եվրոպական հիմնադրամը նպատակ ունի խթանել տնտեսական զարգացումը և բարգավաճումը այնպիսի երկրներում, ինչպիսիք են Հայաստանը, Ալբանիան, Բելարուսիան, Բոսնիա և Հերցեգովինան, Բուլղարիան, Խորվաթիան, Ուկրաինան և այլն: Համարելով ֆինանսավորման հասանելիությունը միկրո և ՓՄՁ ոլորտի զարգացման հաջողության առանցքային գրավական, EFSE-ն աջակցում է տեղական ֆինանսական ոլորտի ուժեղացմանը և զարգացմանը բավարար և կայուն ֆինանսավորման ապահովման միջոցով: EFSE հիմնադրամը տրամադրում է ոչ միայն երկարաժամկետ ֆինանսավորում միկրո և փոքր ձեռնարկությունների և մասնավոր տնային տնտեսությունների համար, , որոնք ուղղվում են վարկառուներին տեղական գործընկեր ֆինանսական հաստատությունների միջոցով: KfW Զարգացման Բանկի նախաձեռնությամբ 2005 թվականի դեկտեմբերի 15-ին չորս բազմաբնույթ դոնոր ծրագրերիցց EFSE-ն առաջին հանրային մասնավոր կազմակերպությունն է իր տեսակի մեջ, որը ֆինանսական աջակցություն է ցուցաբերում նշված երկրների ՄՓՁ ոլորտում:
Ըստ ԱրմԻնֆո գործակալության` Հայաստանի բանկերի ֆինանսականՌենկինգի, ՓՄՁ վարկավորման ծավալով Ինեկոբանկը Հայստանի բանկային համակարգում զբաղեցնում է 2-րդ հորիզոնականը, 2013 թվականի հուլիսի 1-ի դրությամբ արձանագրելով ավելիլ քան 48 մլրդ.դրամ ցուցանիշ կամ վարկային ընդհանուր պորտֆելի 57%-ը, տարեկան կտրվածքով աճելով 21%, իսկ միայն երկրորդ եռամսյակում` 5%: Ընդ որում, բանկն ընդգրկում է ՓՄՁ վարկավորման շուկայի գրեթե 10%-ը: Ինկոբանկի մաժորիտար բաժնետերն է բանկի գործադիր տնօրեն Ավետիս Բալոյանը` 35.23%, ինչպես նաև Կարեն Սաֆարյանը` 30.34%, KfW բանկային խմբի անդամ` Deutsche Investitions-und Entwicklunsgesellschaft mbH (DEG)-ը` 12.58% և Միջազգային Ֆինանսական Կորպորացիան (IFC)` 9.32%:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները