Ուրբաթ, 27 Սեպտեմբերի 2013 18:22
ՎՏԲ-Հայաստան Բանկը և Visa ընկերությունը ամփոփում են ՙԱմառը ՎՏԲ-ի հետ՚ մարքետինգային արշավի արդյունքները
ԱրմԻնֆո. ՎՏԲ-Հայաստան Բանկը և Visa ընկերությունը հայտարարում են ՙԱմառը ՎՏԲ-ի հետ՚ մարքետինգային արշավի արդյունքները: ՙԱմառը ՎՏԲ-ի հետ՚ արշավը ուղղված էր ՎՏԲ-Հայաստան Բանկի Visa քարտերով անկանխիկ վճարումների ծավալի մեծացմանը և Visa ժամանակակից վճարային քարտերի գործառնության մասին Հայաստանի սպառողների իրազեկման բարձրացմանը:
ՎՏԲ-Հայաստան Բանկի Visa քարտապանների համար նախատեսված ակցիան գործում էր 2013թ. մայիսի 15-ից մինչև սեպտեմբերի 1-ը: Ակցիային կարող էին մասնակցել ՎՏԲ-Հայաստան Բանկի բոլոր Visa քարտապանները, որի համար պարզապես անհրաժեշտ էր ՎՏԲ-Հայաստան Բանկի քարտով ցանկացած գումարի գնումներ կատարել Հայաստանի և նրա սահմաններից դուրս գործող ցանկացած առևտրի կամ սպասարկման կետերում: ՎՏԲ-Հայաստան Բանկի Visa քարտով արված յուրաքանչյուր գնման դիմաց քարտապանները ստանում էին բոնուսային միավորներ գնման գումարից և հնարավորություն` շահելու արժեքավոր նվերներ:
ՎՏԲ-Հայաստան Բանկի Visa քարտապանները պատրաստակամությամբ արձագանքեցին ՎՏԲ-Հայաստան Բանկի և Visa ընկերության առաջարկին, ինչի մասին վկայում են արշավի արդյունքները: Ակցիայի գործելու 3,5 ամիսների ընթացքում (2013թ.մայիսի 15-ից մինչև սեպտեմբերի 1-ը) ՎՏԲ-Հայաստան Բանկի Visa քարտերով անկանխիկ գործարքների քանակը կրկնապատկվել է, այդ թվում` շրջանառությունը Visa քարտերով ավելացել է 50%-ով նախորդ տարվա նույն ժամանակաշրջանի համեմատ: Ակցիայի շրջանակներում ՎՏԲ-Հայաստան Բանկի Visa քարտերով կատարված գործարքների միջին քանակը կազմել է օրական 8000:
ՎՏԲ-Հայաստան Բանկի առավելագույն բոնուսային միավորներ վաստակած Visa քարտապանների միջև խաղարկվեցին 100 արժեքավոր մրցանակներ ՎՏԲ-Հայաստան Բանկի և Visa ընկերության կողմից: Մրցանակների թվում էին կենցաղային տեխնիկայի գնման 50 հավաստագրեր և ՎՏԲ-Հայաստան Բանկում արտոնյալ պայմաններով բանկային պրոդուկտների ձևակերպման 50 հավաստագրեր` -1% վարկի և +1%` ավանդի համար: լխավոր մրցանակն էր ուղևորություն երկու անձի համար դեպի Իտալիա:
Ակցիայի խաղարկության արդյունքում գլխավոր մրցանակակիր ճանաչվեց ՎՏԲ-Հայաստան Բակի հաճախորդ Հայկ Մնացականյանը: Նրան ներկայացնում էր կինը` Աննա Մուրադյանը, ով ստացավ ուղեգրի հավաստագիրը:
Մարքետինգային արդյունքների վերլուծությունը ցույց տվեց, որ Visa քարտապանները մեծամասնությամբ գնումները իրականացրել են սուպերմարկետներում: Առևտրի/սպասարկման կետերից ճանաչելիությամբ երկրորդը հագուստի խանութներն են, այնուհետև էլեկտրատեխնիկայի խանութ-սրահները: Բացի այդ, նկատվել է նաև վճարումների զգալի աճ ինտերնետ-միջավայրում:
ՙՎՏԲ Հայաստան Բանկ՚ ՓԲԸ լխավոր տնօրեն-Տնօրինության նախագահ Յուրի ուսև. ՙԱմառը ՎՏԲ-ի հետե արշավը ՎՏԲ-Հայաստան Բանկի Visa քարտերվ անկանխիկ վճարումների խթանմանն ուղղված երրորդ արշավն էր, որի արդյունքները ցույց տվեցին, որ Բանկի Visa քարտապանները էլ ավելի հաճախ և ակտիվ էին օգտագործում Visa քարտերը անկանխիկ վճարումների լայն սպեկտրի համար: Մենք ծրագրում ենք անցկացնել նմանատիպ արշավներ և հետագայում, քանի որ դրանք թույլ են տալիս հաճախորդներին իմանալ ավելին մեր պրոդուկտների մասին, աջակցում են Բանկի հետ երկարատև հարաբերությունների կայացմանը՚:
Կովկասյան տարածաշրջանի երկրներում Visa տարածաշրջանային մենեջեր Իրինա Կամխաձե. ՙԱնկանխիկ վճարումների սեկտորի զարգացումը շարունակում է մնալ Հայաստանում մեր գործունեության գլխավոր առաջնահերթություններից մեկը: Այդ զարգացման գրավականը սպառողների` անկանխիկ վճարումների հնարավորությունների ու առավելությունների մասին իրազեկման մակարդակի բարձրացումն է և որպես հետևանք ապրանքների և ծառայությունների դիմաց վճարելու համար քարտի ակտիվ օգտագործումը: Այդ նպատակին հասնելուն օգնում են մարքետինգային արշավները: Առավել կարևոր է այն, որ նման նախաձեռնությունները իրականացվում են պարբերաբար: Ինչպես ցույց են տալիս արշավի արդյունքները` վճարումների քանակի և ծավալի աճը առևտրի ցանցերում և ինտերնետում, Visa քարտերը աստիճանաբար դառնում են Հայաստանի սպառողների համար վճարում կատարելու սովորական միջոց: Այս կապակցությամբ ուզում եմ շնորհակալություն հայտնել մեր գործընկեր ՎՏԲ-Հայաստան Բանկին Visa քարտերով անկանխիկ վճարումների խթանման գործում ունեցած ավանդի համար և շնորհավորել Բանկին ու Visa քարտապաններին վերջին երկու տարվա ընթացում արդեն երրորդ հաջող մարքետինգային արշավի կապակցությամբ՚:
Ըստ ԱրմԻնֆո գործակալության` ՙՀայաստանի բանկերը քարտային բիզնեսում՚ վերլուծական ամփոփագրի յոթերորդ թողարկման, Հայաստանի պլաստիկ քարտերի շուկայում ՎՏԲ-Հայաստան Բանկն առաջատարն է ինչպես ակտիվ քարտերի ընդհանուր քանակով, այնպես էլ Visa քարտերի քանակով, որոնց թիվը 2013 թվականի ապրիլի 1-ին հասել է 234 հազարի, տարեկան կտրվածքով ավելանալով 44% կամ 71 հազարով, իսկ 2 տարվա կտրվածքով աճը կազմել է ավելի քան 2 անգամ: Բանկի ակտիվ քարտերի մեջ աշխատավարձային քարտերը կազմում են մոտ 55%, կենսաթոշակային քարտերը` մոտ 26%: ՎՏԲ-Հայաստան Բանկի քարտերով կատարված տրանսակցիաների ընդհանուր ծավալը 2012 թվականին ավելացել է 65.4%, մինչև 115 մլրդ.դրամ, ինչը բանկին հնարավորություն է տվել այս դիրքով նույնպես դառնալ առաջատար: ՙՎՏԲ-Հայաստան Բանկ՚ ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: ՙՎՏԲ Բանկ՚ ԲԲԸ հանդիսանում է ՙՎՏԲ-Հայաստան Բանկ՚ ՓԲԸ 100% բաժնետոմսերի փաթեթի միանձնյա բաժնետերը:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%