Չորեքշաբթի, 18 Սեպտեմբերի 2013 20:25
ՌԵՍՈ-ն այսօր հանդիսավորությամբ նշել է Կոմիտասի պողոտայում իր նոր գրասենյակի բացումը
ԱրմԻնֆո. ՌԵՍՈ ապահովագրական ընկերությունն այսօր հանդիսավորությամբ նշել է Կոմիտասի պողոտայում իր նոր գրասենյակի բացումը: Ինչպես բացման հանդիսավոր արարողությանը նշել է ընկերության ղեկավար Սամվել րիգորյանը, ընկերությունը, մշտապես ընդլայնվելով և կատարելագործվելով, կանգնել էր նոր, սեփական և հարմարավետ գրասենյակ տեղափոխվելու խնդրի առջև, որի ինտերյերը կհամապատասխաներ ընկերության կորպորատիվ ոգուն: Նա հիշեցրել է, որ ընթացիկ տարում ՌԵՍՈ-ն բացեց նաև հատուցումնների իրականացման սեփական Կենտրոնը:
650 քառ.մետր մակերեսով նոր գլխամասային գրասանյակը զբաղեցնում է ժամանակակից բազմահարկ շենքի առաջին հարկը: Այնտեղ, ինչպես նշել է ընկերության ղեկավարը, ստեղծված են անհրաժեշտ բոլոր պայմանները հարմարավետ և արդյունավետ գործունեությնա համար, քանի որ ՙգրասենյակի նրբորեն մտածված և օրիգինալ ինտերյերը պարտավորեցնում է հաճախորդների սպասարկման նոր ստանդարտների կիրառմանը: Եվ այս առումով ՌԵՍՈ-ն հանդիսանում է իր մայր ընկերության` ՙՌԵՍՈ-արանտիայի՚ օրինակելի փորձի կրողը՚: Նոր գրասենյակը հագեցված է ժամանակակից սարքավորումներով և ծրագրային ապահովումով: Իսկ ապահովադիրների սպասարկման նպատակով գրասենյակում կան նաև առանձին սենյակներ:
Ընկերության ղեկավարը հաղորդել է նաև, որ վերջին 2 տարիներին Հայաստանի ապահովագրական շուկայի ծավալն աճել է 20-25 անգամ, իսկ ապահովադիրների թիվը հասել է 500 հազարի, որոնցից 100 հազարը հանդիսանում են ՌԵՍՈ-ի հաճախորդները:
Անդրադառնալով ընկերության պրոդուկտներին, Ս.րիգորյանը տեղեկացրել է, որ ընկերությունն իր արսենալում ունի 13 ապահովագրական պրոդուկտ: Նա նշել է, որ այդ բոլոր պրոդուկտներն էլ, առաջին հերթին, աչքի են ընկնում գնային մատչելիությամբ:
Մեկնաբանելով ապահովագրական հատուցումների աճը, ընկերության ղեկավարը նկատել է, որ շուկայի ռեգուլյատորները, ի դեմս ՀՀ Կենտրոնական բանկի և ավտոապահովագրողների Բյուրոյի, շուկայում կիրառում են հատուցումների հետ կապված բոլոր գործընթացների ստանդարտացման նոր մեխանիզմներ: ՙԴա նշանակում է, որ ընկերությունները կսկսեն հատուցել միասնական սկզբունքներով, ինչը կբարձրացնի ապահովագրական բիզնեսի տնտեսական արդյունավետությունը՚,- նշել է նա:
Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, 2013 թվականի առաջին կիսամյակում ընկերության ապահովագրական պրեմիաները կազմել են 4.3 մլրդ.դրամ, մեկ տարում աճելով 10%, ապահովագրական հատուցումների ծավալը կազմել է 1.4 մլրդ.դրամ, մեկ տարում աճելով ավելի քան 2 անգամ: Ընկերության ակտիվները 2013-ի հուլիսի 1-ին կազմել են 10.1 մլրդ.դրամ, մեկ տարում աճելով 80.2%, իսկ 2-րդ եռամսյակում` 23.7%:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները