Երկուշաբթի, 30 Սեպտեմբերի 2013 18:05
ՀՀ Կենտրոնական բանկը Խնայողութոյւնների միջազգային օրվա կապակցությամբ հոկտեմբերը հայտարարել է անձնական ֆինանսներին նվիրված ամիս
ԱրմԻնֆո. Այսօր ՀՀ կենտրոնական բանկում մեկնարկել ՙԻմ Ֆինանսների միամսյակ՚ ծրագիրը: Կենտրոնական բանկը հոկտեմբերը հայտարարվել է անձնական ֆինանսներին նվիրված ամիս: Ինչպես ԱրմԻնֆո գործակալությանը տեղեկացվել է ՀՀ ԿԲ մամուլի ծառայությունից, այդ կապակցությամբ այսօր Երևանում կայացած մամուլի ասուլիսում ՀՀ կենտրոնական բանկի խորհրդի անդամ Արմենակ Դարբինյանը նշել է, որ ծրագրի նպատակն անձնական ֆինանսների ՙգրագետ՚ կառավարումն է, որը ֆինանսական կրթման մակարդակի բարձրացման հետ մեկտեղ ֆինանսական բարեկեցության և սոցիալական վիճակի բարելավման կարևոր նախադրյալներից է: Նա ընդգծել է, որ ծրագիրը կարևոր է հատկապես մարզերի համար, որտեղ մարդիկ առավել քիչ են օգտվում ֆինանսական ծառայություններից:
Արմենակ Դարբինյանը նշել է, որ ՙԻմ Ֆինանսների միամսյակ՚ ծրագրին մասնակցում են ֆինանսական համակարգի գրեթե բոլոր ոլորտների կառույցներըª ՀՀ կենտրոնական բանկը, Ավանդների հատուցումը երաշխավորող հիմնադրամը, Հայաստանի բանկերի, Վարկային կազմակերպությունների միությունները, Ապահովագրական շուկայի մասնակիցների ասոցիացիան, Հայաստանի հիփոթեքային շուկայի մասնակիցների ասոցիացիան, Ֆինանսական համակարգի հաշտարարը, Հայաստանի ավտոապահովագրողների բյուրոն, ՆԱՍԴԱՔ ՕԷՄԷՔՍ Արմենիան, առևտրային բանկերը, ապահովագրական ընկերությունները ու վարկային կազմակերպությունները, ինչպես նաև ԱՄՆ-ՄԶ ՙՖինանսներ տնտեսական զարգացման համար՚ ծրագիրը, KfW – երմանական Զարգացման բանկը, SBFIC–երմանիայի խնայբանկերի միջազգային համագործակցության հիմնադրամը:
Հայաստանի Բանկերի միության ղեկավար Սամվել Ճզմաչյանն իր հերթին նշել է, որ ֆինանսական միամսյակի շրջանակներում Երևանում և երկրի 10 մարզերում կկազմակերպվեն մի շարք կրթական և տեղեկատվական միջոցառումներ, մասնավորապես, թեմատիկ մրցույթներ, խաղեր, հարցումներ, ֆիլմերի դիտումներ, էքսկուրսիաներ, ցուցահանդեսներ, սեմինարներ, դասախոսություններ և ինտերաիտիվ պարապմունքներ հանրակրթական հաստատություններում և բուհերում: Ֆինանսական կազմակերպություններում կկազմակերպվեն բաց դռների օրեր: Նախատեսվում է նաև ՙցանկությունների՚ պատի կառուցում: Հատուկ ուշադրություն կհատկացվի կենսաթոշակային համակարգի բարեփոխումների թեմային:
ՀՀ կենտրոնական բանկի Ֆինանսական համակարգի կայունության և զարգացման վարչության Սպառողների շահերի պաշտպանության և շուկայի վարվելակերպի բաժնի պետ Արմենուհի Մկրտչյանը ներկայացրել է ՙԻմ Ֆինանսների միամսյակ՚ ծրագրի շրջանակում նախատեսված միջոցառումները. իրականացվելու են բազմազան մրցույթներ (պատկերապատման մրցույթ ՙԱպահովագրությունը մարդու կյանքում՚ թեմայով, լուսանկարների մրցույթ ՙԽնայողություններ՚ թեմայով, հեռախոսային հավելվածի մրցույթ ՙԲյուջեի պլանավորում թեմայով՚, երեխաների նկարների մրցույթ ՙԵս և փողը՚ և ՙՓողը իմ ընտանիքում՚ թեմաներով), ավտոբուսով ֆինանսական շրջագայություն, ՙԵրազանքների պատի՚ կառուցում, հանդիպումներ ու սեմինարներ դպրոցներում ու համալսարաններում, ինտերակտիվ դասընթացներ, բացօթյա ցուցահանդես, ֆինանսական կազմակերպություններում բաց դռների օրեր և այլ միջոցառումներ: Միամսյակը կեզրափակվի հոկտեմբերի 31-ինª Խնայողությունների միջազգային օրը:
Ծրագրին մասնակցում են ՀՀ Կենտրոնական բանկը, Հայաստանի Ավանդների հատուցումը երաշխավորող հիմնադրամը, ԱՄՆ ՄԶ-ի ՙՖինանսներ տնտեսական զարգացման համար՚ ծրագիրը, Հայաստանի բանկերի միությունը (ՀԲՄ), Հայաստանի վարկային կազմակերպությունների միությունը, ՀՀ ֆինանսական համակարգի հաշտարարի գրասենյակը, Հայստանի ավտոապահովագրողների Բյուրոն, NASDAQ OMX Արմենիան, երմանական KfW Բանկը, Խնայողական բանկերի միջազգային համագործակցության երմանական հիմնադրամը, (SBFIC), ինչպես նաև Հայաստանի բանկեր, վարկային և ապահովագրական կազմակերպություններ:
Նշենք, որ Խնայողությունների միջազգային օրը (World Savings Day) նշվում է ամեն տարի, հոկտեմբերի 31-ին: Այն սկսվել է Միլանում, որտեղ 1924 թվականին 29 երկրների խնայողական դրամարկղների ներկայացուցիչները հավաքվեցիւին առաջին միջազգային մասնագիտացված կոնգրեսին:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները