Երեքշաբթի, 1 Հոկտեմբերի 2013 20:12

Հիփոթեքի ծավալները Հայաստանում մեկ տարում աճել են 11 տոկոսով

ԱրմԻնֆո. Հայաստանում 2013 թվականի սեպտեմբերի 1-ի դրությամբ ֆինանսական հաստատությունների կողմից տրամադրված հիփոթեքային վարկերի ծավալը կազմել է 155.3 մլրդ դրամ: Հիպոթեկային վարկավորումը երկրում տարեկան կտրվածքով աճել է 11% , իսկ օգոստոսի աճը կազմել է ընդամենը 1%: Ըստ ՀՀ ԿԲ տվյալների, բանկերի եւ վարկային կազմակերպությունների ընդհանուր վարկային պորտֆելում հիփոթեքի մասնաբաժինը սեպտեմբերի 1-ի դրությամբ կազմել է 8.3 %, նախորդ տարվա 8%-ի փոխարեն:

Աղբյուրի համաձայն, ֆինանսական հաստատությունների հիփոթեքային պորտֆելի տարեկան աճը հիմնականում պայմանավորված է եղել բանկային հիփոթեքի աճի հաշվին, որի տեսակարար կշիռը հիփոթեքային վարկերի ընդհանուր պորտֆելում կազմել է 88 % կամ 136.8 մլրդ դրամ (տարվա աճը` 11 %, իսկ օգոստոսի աճը` 1%): ՎԿ-ների կողմից տրամադրված հիփոթեքային վարկերի մասնաբաժինը կազմել է 12 % կամ 18.5 մլրդ դրամ, տարեկան կտրվածքով աճելով 14%, իսկ միայն օգոստոսին` 2.5%:

Բանկային հիփոթեքային վարկերի կառուցվածքում անշարժ գույքի ձեռքբերման նպատակով տրամադրված վարկերի մասնաբաժինը տարեկան կտրվածքով աճել է 13%, իսկ օգոստոսին` 2%, մինչեւ 106.3 մլրդ դրամ: Վերանորոգման նպատակով վարկերը կազմել են 23 մլրդ դրամ, տարեկան կտրվածքով նվազելով 2%, իսկ ամսվա կտրվածքով աճելով 0.5 %:

Վարկային կազմակերպությունների կողմից տրամադրված հիփոթեքի կառուցվածքում անշարժ գույքի ձեռքբերման նպատակով տրամադրված վարկերի մասնաբաժինը կազմել է 9.7 մլրդ դրամ, տարեկան աճը` 10%, իսկ միայն օգոստոսին` 2%: Վերանորոգման նպատակով վարկերը տարեկան կտրվածքով աճել են 19.5%, օգոստոսին` 4 %, մինչեւ 8,6 մլրդ դրամ: (ԱՄՆ դոլարի փոխարժեքը 30/08/13 դրությամբ կազմել է 406,24 դրամ/ $ 1):

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Հիփոթեքի ծավալները Հայաստանում մեկ տարում աճել են 11 տոկոսով