Չորեքշաբթի, 2 Հոկտեմբերի 2013 20:09

Գարեգին Թոսունյան. Բանկային գործը ոչ միայն ինքնահաճ է, այլ նաև աստվածահաճ

ԱրմԻնֆո. Ռուսաստանի Բանկերի ասոցիացիայի նախագահ Գարեգին Թոսունյանը բանկային գործունեությունը համարում է աստվածահաճ զբաղմունք: ՙՉնայած, որ մենք, բանկիրներս, ժլատ ժողովուրդ ենք, և բազմաթիվ անգամներ որոշումներ ենք ընդունում մեր օգտին, բանկերի գործունեությունը ոչ միայն ինքնահաճ, այլ նաև աստվածահաճ գործունեություն է՚,-նշել է Գ. Թոսունյանը, ՙՖինանսական Օմբուդսմենի Ինստիտուտն ուղղված հանրության վստահության ամրապնդմանը և ֆինանսական միջնորդության ավելացմանը 4՚ թեմայով կոնֆերանսում, որը տեղի է ունենում հոկտեմբերի 2-3 Երևանի ՙԱրմենիա Մարիոթ՚ հյուրանոցում:

Նրա խոսքերով, բնակչության ֆինանսական կրթվածության անբավարար մակարդակը, ինչպես նաև ֆինանսական կառույցների օրենսդրական թերությունը չպետք է արդարացնեն այն իրավիճակները, երբ բանկային համակարգի ներկայացուցիչները չեն կարողանում հաշվի առնել մարդկային տարրական գործոնը: ՙԻնչպիսին էլ լինի իրավական համակարգը, ինչպիսին էլ լինեն ֆինանսական կազմակերպությունների կողմից իրենց շահերը հաճախորդի շահերին ի վնաս վիճարկելու հնարավորութոյւնները, վերջին հաշվով, մեզնից յուրաքանչյուրը պետք է լինի մարդ և հասկանա, թե ինչ բան է արդարության սկզբունքը՚,-ընդգծել է Թոսունյանը: Նա նաև նշել է, որ որքանով էլ հաճախորդներն իրավական տեսանկյունից սխալ լինեն ֆինանսական կազմակերպությունների հետ վեճեր առաջանալիս, այնուամենայնիվ, առաջին հերթին պետք է գործեն արդարության սկզբունքով, անգամ եթե արդարությունը պահանջում է գնալ զիջումների: Այս կապակցությամբ նա նշել է, որ ֆինանսական հաշտարարի օրենսդրորեն ստեղծումը Հայաստանում վկայում է հասարակության նոր մշակույթի և քաղաքակրթության մասին:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Գարեգին Թոսունյան. Բանկային գործը ոչ միայն ինքնահաճ է, այլ նաև աստվածահաճ