Ուրբաթ, 4 Հոկտեմբերի 2013 19:58
ԿԲ. Օգոստոսին վերաֆինանսավորման տոկոսադրույքի աճի հետևանքնով Հայաստանի ֆինանսական շուկայում տոկոսադրույքները նախ կտրուկ ավելացել են, այնուհետև` կայունացել
ԱրմԻնֆո. Հայաստանի ֆինանսական շուկայում օգոստոսի երկրորդ կեսին արձանագրվել են տոկոսադրույքների աճի միտումներª կրելով ամսվա ընթացքում ԿԲ կողմից վերաֆինանսավորման տոկոսադրույքի 0.5 տոկոսային կետով բարձրացման ազդեցությունը: Ինչպես ԱրմԻնֆո գործայկալությանը հաղորդեցին ԿԲ հասարակայնության հետ կապերի ծառայությունից, այդուհանդերձ, ամսական կտրվածքով դրանք ցուցաբերել են համեմատաբար կայուն վարքագիծ:
Աղբյուրի համաձայն, միջբանկային ռեպո միջին ամսական տոկոսադրույքը օգոստոսի վերջի դրությամբ կազմել է 8.25% (հուլիսի վերջի նկատմամբ նվազումը 0.3 տոկոսային կետ), մինչև 1 տարի մարման ժամկետով պետական պարտատոմսերի առաջնային շուկայում միջին տոկոսադրույքըª 8.8% (նվազումըª 0.1 տոկոսային կետ), բորսայական միջբանկային վարկերի միջին տոկոսադրույքըª 8.6% (աճըª 0.3 տոկոսային կետ):
ՀՀ արտարժույթի շուկայում օգոստոսին ՀՀ դրամի փոխարժեքը այլ արժույթների նկատմամբ ցուցաբերել է համեմատաբար կայուն վարքագիծ. ԱՄՆ դոլարի նկատմամբ դրամի միջին փոխարժեքըª հուլիսի միջինի համեմատությամբ արժևորվել է 0.8%-ով` կազմելով 407.3 դրամ, եվրոյի նկատմամբª արժեզրկվել 0.8%-ովª կազմելով 542.2 դրամ, ՌԴ ռուբլու նկատմամբª արժևորվել 1.8%-ով` կազմելով 12.3 դրամ:
Հիշեցնենք, որ 2011 թվականի ապրիլի 12-ին ՀՀ ԿԲ վերաֆինանսավորման տոկոսադրույքը նվազեցրել էր 8,5 %-ից մինչև 8%, այն թողնելով նույն մակարդակում մինչև 2013 թվականի օգոստոսի 13-ը, երբ տոկոսադրույքը դարձյալ բարձրացվեց մինչև 8,5 % և մինչ օրս պահպանվել է նույն մակարդակում: Մեգակարգավորողի օգոստոսյան որոշումը թելադրված էր ձևավորված ինֆլյացիոն սպասումների զսպմամբ և էներգակիրների թանկացման երկրորդային ազդեցության մեղմմամբ: 2013 թվականի օգոստոսի 13-ին ԿԲ խորհուրդը վերանայեց նաև ներգրավված ավանդների տոկոսադրույքը, այն բարձրացնելով 6,5 %-ից մինչև 7%` լոմբարդային ռեպոյի տոկոսադրույքները պահպանելով 10% մակարդակում:
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%