Երեքշաբթի, 1 Հոկտեմբերի 2013 15:53

ՎՏԲ-Հայաստան Բանկի վարկերի մարման ծառայությունն այժմ հասանելի է Telcell-ի բոլոր վճարային տերմինալների միջոցով

ԱրմԻնֆո. TelCell® վճարային տերմինալների միջոցով ՎՏԲ-Հայաստան Բանկի բանկային և քարտային հաշիվների համալրման, ինչպես նաև ոսկյա իրերի գրավադրմամբ վարկերի մարման ծառայությունը վերազինվում է նոր աննախադեպ հնարավորությամբ: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, շարունակելով արդյունավետ համագործակցությունը` Բանկը Telcell® վճարային համակարգի հետ համատեղ զարգացրեց մատուցվող ծառայության տեխնոլոգիական հենքը:

Աղբյուրի համաձայն, սկսած ս.թ. հոկտեմբերի 1-ից` ՎՏԲ-Հայաստան Բանկի հաճախորդները կունենան հնարավորություն Բանկի` ՀՀ դրամով տրված բոլոր տեսակի վարկերի մարումն իրականացնելու մայրաքաղաքում և Հայաստանի մարզերում տեղակայված ավելի քան 1000 Telcell® վճարային տերմինալների միջոցով: Բոլոր տեսակի վարկերի մարումները հասանելի կդառնան ժամանակի իրական ռեժիմում` երկուշաբթիից-ուրբաթ 09:00-19:00, շաբաթ օրը` 09:00-18:00, իսկ մնացած օրերին և ժամերին` հաջորդ բանկային օրը 09:00-ին:

Հիշեցնենք նաև, որ ՎՏԲ-Հայաստան Բանկը 2013 թվականի սկզբին անցում կատարեց քարտային գործարքների իրականացման օնլայն եղանակին: Դա նշանակում է, որ Telcell® վճարային տերմինալների միջոցով օնլայն ռեժիմում կատարված քարտային հաշիվների համալրումները ոչ միայն անմիջապես հաստատվում են ավտոմատացված բանկային համակարգում, այլև նույն առցանց եղանակով փոխանցվում են պրոցեսինգային կենտրոն` այդպիսով ապահովելով քարտերի` հաշված վայրկյանների ընթացքում համալրման հնարավորությունը: Սա հիրավի, բացառիկ և մրցակցային հնարավորություն է ընձեռում Բանկի քարտապաններին ակնթարթորեն համալրելու քարտային հաշիվները և նույն պահին իսկ տնօրինելու համալրված միջոցները:

ՙՄենք շարունակում ենք զարգացնել և կատարելագործել Telcell® վճարային տերմինալների միջոցով կատարված առցանց գործառնությունները: Ընդլայնելով տերմինալների միջոցով Բանկի վարկերի մարման հնարավորությունները` մենք մեր հաճախորդներին տալիս ենք հնարավորություն ավելի արդյունավետ տնօրինելու իրենց ժամանակը և մարելու հեռահար վարկերը, անկախ Բանկի աշխատանքային ռեժիմից՚,-նշել է ՙՎՏԲ-Հայաստան Բանկ՚ ՓԲԸ լխավոր տնօրեն-Տնօրինության նախագահ Յու. ուսևը:

ՙՄենք ջանացել ենք առավելագույնս պարզեցնել ՎՏԲ-Հայաստան Բանկի հաճախորդների կողմից մարումների գործընթացը և ողջունում ենք մեր գործընկերների` մեզ հետ իրական ժամանակային ռեժիմում աշխատելու ցանկությունը: Վճարողի համար դա նշանակում է հասանելիություն, արագություն և հավատարմություն, բանկի համար` հաճախորդամետ մոտեցման շնորհիվ ֆինանսական ծառայությունների էլ ավելի զարգացում, Telcell® ընկերության համար` գործունեության հեռանկարային ուղղություն, այդ թվում նաև` ծառայությունների սպեկտրի ընդլայնում՚,-նշել է ՙԹելՍել՚ ՓԲԸ տնօրեն Արամ Ազատյանը:

Telcell® համակարգի տերմինալների միջոցով բանկային/քարտային հաշիվների համալրման և վարկերի մարման գործընթացը բավականին պարզ է և մատչելի: Վճարման գործընթացը պահանջում է հաշված րոպեներ և հասանելի է 24/7 ռեժիմում: ործարքի ավարտին հաճախորդի բջջային հեռախոսահամարին ուղարկվում է գործարքը հաստատող SMS հաղորդագրություն, իսկ հաշվին համալրված կամ վարկի մարված գումարը հաճախորդի հաշվին հասանելի է դառնում գործարքը կատարելու պահին:

Նշենք, որ ՙՎՏԲ-Հայաստան Բանկ՚ ՓԲԸ ՎՏԲ միջազգային ֆինանսական խմբի մասնակից է դարձել 2004 թվականի ապրիլին: ՙՎՏԲ Բանկ՚ ԲԲԸ հանդիսանում է ՙՎՏԲ-Հայաստան Բանկ՚ ՓԲԸ 100% բաժնետոմսերի փաթեթի միանձնյա բաժնետերը; Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի ամենալայն մասնաճյուղային ցանցը ողջ երկրում` 67 մասնաճյուղ:

ՙԹելՍել՚ ՓԲԸ ներկայացված է Հայաստանի վճարումների ընդունման շուկայում 2007 թվականի օգոստոսից: Այժմ Telcell® պրոցեսինգային կենտրոնին միացված են վճարումների ընդունման ավելի քան 1000 կետեր հայաստանի ողջ տարածքում, որոնք ընդունում են վճարումներ բջջային օպերատորների, ինտերնետ-պրովայդերների, բնակչությանը կոմունալ ծառայություններ մատուցող ընկերությունների, ֆինանսկան ծառայությունների պետական պորտալների օգտին: Շուկայում ընկերությունը հանդես է գալիս Telcell® բրենդի ներքո:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.91	0.01
USD	381.46	-0.01
EUR	448.71	-0.43
GBP	514.86	0.30
CAD	278.58	-0.23
JPY	24.40	0.01
CNY	54.45	0.01
CHF	482.74	-0.38

Նորություններ

ՎՏԲ-Հայաստան Բանկի վարկերի մարման ծառայությունն այժմ հասանելի է Telcell-ի բոլոր վճարային տերմինալների միջոցով