Չորեքշաբթի, 16 Հոկտեմբերի 2013 14:35

Անելիք Բանկը ՙՀԱՐՍԱՆԵԿԱՆ՚ վարկատեսակը հասանելի է առավել մատչելի պայմաններով

ԱրմԻնֆո. ՙԱնելիք Բանկ՚ ՓԲԸ-ն բարելավել է ՙՀարսանեկան՚ քարտային վարկի տրամադրման պայմանները` զգալի իջեցնելով վարկի տարեկան տոկոսադրույքը և ընդլայնելով նշված վարկատեսակը տրամադրող մասնաճյուղերի ցանկը:

Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից,
ՙՀարսանեկան՚ քարտային վարկերը տրամադրվում են 1-ից մինչև 5 մլն ՀՀ դրամ կամ դրան համարժեք արտարժույթով` մինչև 5 տարի մարման ժամկետով Բանկի բոլոր մասնաճյուղերի կողմից: ՀՀ դրամով ՙՀարսանեկան՚ քարտային վարկերի տարեկան տոկոսադրույքը սահմանվել է 21.3%` (նախկին 23.9%-ի փոխարեն), ԱՄՆ դոլարի դեպքում` 16.3% (նախկին 18.9%-ի փոխարեն), իսկ Եվրոյի դեպքում` 15.3% (նախկին 16.9%-ի փոխարեն):

ՙաղտնիք չէ, որ մեծ թվով վարկառուների համար դժվարություն է հանդիսանում ներկայացնել բազմապիսի և բազմաթիվ փաստաթղթեր, որոնք հավաստում են իրենց վարկունակությունը, իսկ ամուսնությանը պատրաստվող զույգերն ամենաքիչը կցանկանային առնչվել նման տիպի հարցերի հետ: ՙՀարսանեկան՚ քարտային վարկերը հաճախորդներին ազատում են այս ամենից և տրամադրվում են առանց եկամուտը հաստատող և այլ փաստաթղթերի` միայն անշարժ գույքի գրավադրմամբ: Այսուհետ Բանկի մարզային մասնաճյուղերը Երևանի մասնաճյուղերի հետ համատեղ կկարողանան տրամադրել ՙՀարսանեկան՚ քարտային վարկեր, ընդ որում, մասնաճյուղերի մեծ մասը տրամադրելու է տվյալ վարկատեսակը ոչ միայն բազմաբնակարան շենքում բնակարան ունեցող, այլ նաև առանձնատուն ունեցող հաճախորդներին՚,- նշեց ՙԱնելիք Բանկ՚ ՓԲԸ Վարչության նախագահ Ներսես Կարամանուկյանը:

Բացի այդ, Բանկի կողմից վարկառուներին որպես նվեր տրամադրվում են նաև միջազգային 2 MasterCard Gold կամ VISA GOLD քարտեր, որոնցով հաճախորդները կկարողանան ստանալ զեղչեր Հայաստանի շուրջ 500 խանութներում և սպասարկման կետերում` ներառյալ զեղչեր հարսանյաց սրահներում, տուրիստական ընկերություններում, ռեստորաններում և այլ ժամանցի վայրերում, որոնց միջոցով Բանկի հաճախորդները կկարողանան կազմակերպել իրենց հարսանյաց միջոցառումներն առավել մատչելի և զեղչված գներով:

Ըստ ԱրմԻնֆո գործակալության` Հայաստանի բանկերի վերլուծության և ֆինանսական վարկանիշների, անշարժ գույքի գրավադրումով սպառողական վարկերի ծավալով Անելիք Բանկը 2013 թվականի հուլիսի 1-ի դրությամբ գտնվում է Հայաստանի առաջատարների հնգյակում, ապահովելով տարեկան 13% աճ, մինչև 3.5 մլրդ.դրամ: Բանկի վարկային քարտերի վրայի միջոցները նույն ժամանակահատվածում աճել են մոտ 44%: Ընդհանուր առմամբ, բանկի կողմից ֆիզիկական անձանց վարկավորման ծավալը հասել է 11.7 մլրդ. դրամի ¥տարեկան աճը` 12%¤ կամ վարկային պորտֆելի ավելի քան 12%-ին: Նշենք, որ Անելիք Բանկի միակ սեփականատերն է լիբանանյան CreditBank-ը, 2013 թվականի սեպտեմբերին Անելիք Բանկի կապիտալում իր բաժնեմասը 89.95%-ից հասցնելով 100%-ի: CreditBank-ը, որն արդեն 30 տարի աշխատում է Մերձավոր Արևելքի ֆինանսական շուկայում, տիրապետում է 2.5 մլրդ.դոլարի ակտիվների, ունի 20 մասնաճյուղ Լիբանանում, ինչպես նաև մոսկովյան ՙԱնելիքՌու՚ բանկը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Անելիք Բանկը ՙՀԱՐՍԱՆԵԿԱՆ՚ վարկատեսակը հասանելի է առավել մատչելի պայմաններով