Չորեքշաբթի, 23 Հոկտեմբերի 2013 18:03
Աուդիտորական համաշխարհային խոշորագույն ընկերություններից մեկը` BDO-ն 2013 թվականին նշում է իր գործունեության 50-ամյակը
ԱրմԻնֆո. Աուդիտորական համաշխարհային հինգերորդ խոշորագույն ընկերություններից մեկը` BDO-ն (Binder Dijker Otte & Co) 2013 թվականին նշում է իր գործունեության 50-ամյակը: Հայաստանի շուկայում ՙBDO Արմենիա՚ որ բրենդը գործում է 2012 թվականից, ՙԱմերիա Աուդիտ՚ ՓԲԸ ձեռք բերելուց հետո, որը հայաստանյան շուկայում գործում էր 1996 թվականից, հանդիսանալով ՙԱմերիա՚ խմբի անդամ: Ինչպես ԱրմԻնֆո գործակալությանը տեղեկացվել է Ընկերության մամուլի ծառայությունից, միջազգային հարուստ փորձի և հայ մասնագետների բարձր ունակությունների միավորումը հնարավորություն տվեց մեկ տարում ընդլայնել գործունեության սահմաններն` ինչպես Հայաստանում, այնպես էլ այլ երկրներում: Աղբյուրի համաձայն, BDO աուդիտորական ընկերությունը, ներկայացված լինելով Միացյալ Թագավորությունում, Լիխտենշտեյնում, Չինաստանում, Հնդկաստանում, Հունաստանում, Հորդանանում, Եթովպիայում, Մոնղոլիայում, Բարբադոսում և այլ երկրներում, վերջին տարում ընդլայնեց իր աշխարհագրական ներկայությունը, իր ծառայությունները մատուցելով 138 երկրներում և ավելի քան 1204 գրասենյակների միջոցով: 2013 թվականին հաջողությամբ ավարտվեց նաև BDO և PKF երկու խոշորագույն աուդիտորական ընկերությունների միաձուլումը, ինչը թույլ տվեց զգալիորեն ընդլայնել ընկերության ներուժը:
BDO կայուն առաջխաղացումը զգալիորեն ընդլայնում է ՙBDO Արմենիա՚-ի հնարավորությունները, ինչը Հայաստանի գործարար միջավայրի համար նոր ուղիներ է ստեղծում, նոր առավելություններ նաև ստեղծելով հայկական ձեռնարկությունների համար: ՙBDO Արմենիա՚-ն ծառայություններ կմատուցի առևտրային և ոչ առևտրային ձեռնարկություններին և հարկատուներին: Առաջարկվող ծառայությունները հետևյալն են` մասնագիտական փորձաքննություն, միջազգային ստանդարտներին համապատասխան ֆինանսական հաշվետվությունների կազմում, հարկային ոլորտի ծառայություների ամբողջական փաթեթ` հաշվապահական հաշվառում, հաշվարկներ և հարկերի, տուրքերի ու մյուս պարտավորությունների պլանավորում, բիզնեսի և գույքի գնահատում, հաշվապահական, ֆինանսական և հարկային և մենեջմենտ խորհրդատվություն և այլն:
Նշենք, որ ՙBDO Արմենիա՚-ն հանդիսանում է BDO Խմբի անդամ: Հայաստանի աուդիտորական շուկայում ընկերության հայտնվելը մեր երկրում միջազգային աուդիտորական ծառայությունների հարուստ փորձի ներդրման յուրատեսակ հնարավորություն ստեղծեց, ինչը կխթանի մրցակցությունն աուդիտի ոլորտում: ՙԱմերիա Աուդիտ՚ ընկերության որոշումը` BDO խմբին ընդգրկվելու առումով, հիմնականում, պայմանավորված էր Հայաստանի աուդիտորական օրենսդրության խստացումներով, երբ սրվեց միջազգային պրակտիկայում կիրառվող ստանդարտներին համապատասխեցնելու անհրաժեշտությունը:
Հիշեցնենք , որ BDO Խումբը, 2012 թվականի դրությամբ, իր միագումար հասույթով հանդիսանում է աշխարհի հինգերորդ անկախ միջազգային աուդիտորական և խորհրդատվական ընկերությունը: Խմբի անդամ յուրաքանչյուր ընկերություն հանդիսանում է իրավաբանական անձ: 2010 թվականի հունվարի 1-ից Խմբի յուրաքանչյուր անդամ գործում է միասնական BDO ապրանքանիշի ներքո: BDO միավորումը հիմնադրվել է 1963 թվականին` Եվրոպայի, ԱՄՆ-ի և Կանադայի ընկերութունների կողմից: Միավորման գործընկերների և աշխատակիցների թիվը 2012 թվականին ավելացել է 12.4%-ով, հասնելով 54.9 մլն մարդու: Համապատասխանաբար ավելացրել է BDO գրասենյակների թիվը: Ներկայումս ցանցը ներկայացված է 1.204 գրասենյակներով` 138 երկրներում (ինչը 7, 7 %-ով ավելի 2011 թ.ցուցանիշից): Խմբի մասնակից ընկերություններ միագումար հասույթը 2012 թվականին (ֆինանսական տարին ավարտվում է սեպտեմբերի 30-ին) կազմել է 4,63 մլրդ եվրո (6.015 մլրդ.դոլար): 2011 թվականի համեմատ զուտ եկամուտներն աճել են 13,98 % կամ 6.11 %-ով` դոլարային արտահայտությամբ:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները