Շաբաթ, 12 Հոկտեմբերի 2013 11:48

Ամերիաբանկի նոր առաջարկը ՓՄՁ-ներին`որքան շուտ, այնքան շահավետ վարկավորում

ԱրմԻնֆո: Ամերիաբանկը շարունակում է հանդես գալ ՓՄՁ-ների վարկավորման նոր ու առանձնահատուկ առաջարկով: Ինչպես տեղեկացնում է բանկի մամլո ծառայությունը, մինչև տարեվերջ ՓՄՁ-ները վարկ ստանալու համար որքան արագ դիմեն Ամերիաբանկ, նրանց համար այնքան շահավետ կդառնա վարկավորումը: Բանկն իր նոր վարկառուներին հնարավորություն է ընձեռում մինչև տարեվերջ վարկի դիմաց ընդհանրապես տոկոսագումար չվճարել և դեռ ավելին` օգտվել մի շարք առավելություններից: Վարկի տրամադրման համար միջնորդավճար չի գանձվում, անշարժ գույքի` որպես գրավ ապահովագրությունը և գրավի գնահատումն իրականացվում են Բանկի միջոցների հաշվին, տրամադրվում են VISA/MC Business և/կամ Gold տեսակի միջազգային վարկային քարտեր առանց հավելյալ ապահովության:

Վարկավորման ներկայացված առաջարկից օգտվելու դեպքում ՓՄՁ-ները հնարավորություն կունենան ստանալ վարկ 5մլն դրամից մինչև 80 մլն դրամի չափով:

Նշենք նաև, որ վարկի տրամադրման նախնական հաստատման համար պահանջվում է ընդամենը երկու օր, ընդ որում, ներկայացվում են նվազագույն փաստաթղթեր: Ամերիաբանկի այս նոր առաջարկը կնպաստի ՓՄՁ-ների գործունեության զարգացմանը, նրանց մրցակցային առավելությունների մեծացմանը:
Համաձայն ԱրմԻնֆո գործակալության կողմից պատրաստված`Հայաստանի բանկերի ֆինանսական ռեյտինգի, Ամերիաբանկը ՓՄՁ վարկավորման ծավալով մտնում է բանկերի առաջատար տասնյակի մեջ` 2013 թ. հուլիսի 1-ի դրությամբ ապահովելով 25.2 մլրդ դրամ պորտֆել` 18,2% կիսամյա աճով: Բանկի ընդհանուր վարկային պորտֆելում ՓՄՁ ոլորտին բաժին է ընկնում շուրջ 16%:

ՙԱմերիաբանկ՚ ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

Ամերիաբանկի նոր առաջարկը ՓՄՁ-ներին`որքան շուտ, այնքան շահավետ վարկավորում