Երեքշաբթի, 29 Հոկտեմբերի 2013 18:19

ՎՏԲ-Հայաստան Բանկի հաճախորդները կարող են կատարել գործառնություններ Ինտերնետ-բանկինգ համակարգով հաշված վայրկյանների ընթացքում

ԱրմԻնֆո. ՎՏԲ-Հայաստան Բանկի հաճախորդները այժմ կարող են կատարել առցանց գործառնություններ Բանկի գործառնական ժամերի ընթացքում (ամեն աշխատանքային օր ժամը 09:30-17:30), իսկ այլ ժամերին արված գործարքները կատարվում են հաջորդ աշխատանքային օրը` ժամը 09:30: Այս մասին ԱրմԻնֆո գործակալությանը տեղեկացվել է մամուլի ծառայությունից:

Աղբյուրի համաձայն, մինչև 5 մլն ՀՀ դրամի (կամ համարժեք արտարժույթի) գործառնությունները կատարվում են վայրկենական առանց Բանկի հաստատման: Հաշվի առնելով քարտային հաշվին մուտքերի ու ելքերի առցանց պրոցեսավորման հարմարավետ ու ճկուն հնարավորությունները սեփական պրոցեսինգային կենտրոնի առկայության պայմաններում` քարտային հաշիվների միջոցով ՎՏԲ-Հայաստան Բանկի գործառնական ժամերի ընթացքում արված գործառնությունները անհապաղ երևում են քարտի վրա, այն դեպքում, երբ բանկերի կողմից այս կամ այն գործառնության հաստատման վրա երբեմն ծախսվում են ժամեր:

Նշենք, որ ՎՏԲ-Հայաստան Բանկը գործարկել է ՙԻնտերնետ բանկինգ՚ համակարգը այս տարվա փետրվարի սկզբին: Ինտերնետ-բանկինգը հաճախորդի համար պարզ և հարմար հեռակառավարման միջոց է ՎՏԲ-Հայաստան Բանկում բացված հաշիվների կառավարման համար: Շնորհիվ այս ծառայության հաճախորդները կարող են հետևել իրենց հաշիվներին և նրանց ցանկացած շարժին, ակնթարթորեն փոխանակել արտարժույթ, կատարել ինտերնետի, բջջային կապի, կոմունալ ծառայությունների վճարումներ, ներդնել և համալրել ավանդ, մարել վարկեր, ձևակերպել ոչ միայն քարտային և ավանդային, այլ նաև վարկային հայտեր առանց Բանկ այցելելու:

ՎՏԲ-Հայաստան Բանկի Ինտերնետ բանկինգ համակարգը թույլ է տալիս իրականացնել բանկային վճարումները մաքսիմալ արագությամբ և հարյուր տոկոսանոց ապահովությամբ, ցանկացած բանկային գործառնություններ ցանկացած օր և ցանկացած պահի աշխարհի ցանկացած կետից առանց տանից կամ գրասենյակից դուրս գալու` ինտերենտ կապի առկայության դեպքում:

Ինտերնետ-բանկինգ համակարգին միանալը շատ հեշտ է: Ծառայությունն ակտիվացնելու համար բավական է դիմել ՎՏԲ-Հայաստան Բանկի ցանկացած մասնաճյուղ և ձևակերպել համապատասխան դիմում: Դրանից հետո հաճախորդին տրամադրվում է տոկեն (հաճախորդի ցանկության դեպքում), մուտքանուն և ծածկագիր Ինտերնետ-բանկինգ համակարգ մուտք գործելու համար: Ծառայությանը միանալու մեկանգամյա միջնորդավճարը կազմում է 5 հազ.դրամ, իսկ տոկենն արժե 10 հազ.դրամ: Համակարգում կատարված գործառնությունների հավաստագրումը կատարվում է տոկենի կամ sms-հաղորդագրության միջոցով ստացվող մեկանգամյա ծածկագրերի հիման վրա:

ՙՎՏԲ-Հայաստան բանկի Ինտերնետ-բանկինգ համակարգն այսօր թույլ է տալիս կատարել գործառնություններ առանց ավելորդ ժամանակ վատնելու: Եվ քանի որ հաճախորդների համար առավել կարևոր է կատարվող գործարքների օպերատիվությունը, մենք կատարելագործել ենք Ինտերնետ-բանկինգ համակարգը` համալրելով այն առցանց գործառնությունների ակնթարթային կատարման հնարավորությամբ առանց Բանկի կողմից լրացուցիչ հաստատման և գործառնական ժամերով սահմանափակման՚,-նշել է ՎՏԲ-Հայաստան Բանկի լխավոր տնօրեն-Տնօրինության նախագահ Յու. ուսևը:

Նշենք, որ ՙՎՏԲ-Հայաստան Բանկ՚ ՓԲԸ-ն ՙՎՏԲ՚ միջազգային ֆինանսական խմբի մասնակից է դարձել 2004 թվականի ապրիլին: ՙՎՏԲ Բանկ՚ ԲԲԸ հանդիսանում է ՙՎՏԲ-Հայաստան Բանկ՚ ՓԲԸ 100% բաժնետոմսերի փաթեթի միանձնյա բաժնետերը: Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի ամենալայն մասնաճյուղային ցանցը ողջ երկրում` 67 մասնաճյուղ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.56	0.06
USD	383.47	0.72
EUR	449.96	2.75
GBP	519.91	2.59
CAD	277.17	1.47
JPY	25.95	0.08
CNY	53.85	0.12
CHF	481.44	2.76

Նորություններ

ՎՏԲ-Հայաստան Բանկի հաճախորդները կարող են կատարել գործառնություններ Ինտերնետ-բանկինգ համակարգով հաշված վայրկյանների ընթացքում