Ուրբաթ, 1 Նոյեմբերի 2013 18:46
Հայաստանի բանկերի վարկային ներդրումները հոկտեմբերի 1-ի դրությամբ տարեկան աճել են ընդամենը 11,5 տոկոսով` ժամկետանց վարկերի աճի պահպանվող բարձր տեմպերի պայմաններում
ԱրմԻնֆո. 2013 թվականի հոկտեմբերի 1-ի դրությամբ Հայաստանի բանկերի վարկային ներդրումները կազմել են 1.696 տրլն դրամ, սեպտեմբերին ավելանալով 1,2%-ով` մեկ տարվա վաղեմության ցուցանիշի համեմատ 11,5%, իսկ ընթացիկ տարվա հունվար-սեպտեմբեր ամիսներին 6,6% աճի պայմաններում: Չհաշված երկարաձգված և ժամկետանց վարկերը` բանկերի վարկային ներդրումները կազմել են 1.579 տրլն դրամ:
ՀՀ ազգային վիճակագրական ծառայությունից ԱրմԻնֆո գործակալությանը տրամադրված ՀՀ ԿԲ նախնական տվյալների համաձայն, բանկերի վարկային պորտֆելում (չհաշված երկարաձգված և ժամկետանց վարկերը) դրամային վարկերին բաժին է ընկել 37% կամ 583.4 մլրդ դրամ, իսկ արտարժութային վարկերին` 63% կամ 996 մլրդ դրամ: Սեպտեմբերին դրամային վարկավորումն ավելացել է 0,8%-ով` տարեկան կտրվածքով 11,7%, իսկ ընթացիկ տարվա 9 ամիսներին 7,4% աճի պայմաններում: Արտարժութային վարկավորումը մեկ ամսում ավելացել է 0,5%-ով, իսկ 9 ամսվա ընթացքում` 1,1%-ով` մեկ տարում աննշան փոփոխությամբ:
Ընթացիկ տարվա հոկտեմբերի 1-ի դրությամբ բանկային վարկերի կառույցում երկարաձգված վարկերի տեսակարար կշիռը կազմել է 5,3% կամ 90.2 մլրդ դրամ: Սեպտեմբերին երկարաձգված վարկերն ավելացել են 11%-ով` տարեկան գրեթե 3 անգամ, իսկ ը.տ. 9 ամսում 2 անգամ աճի պայմաններում: Մեկ ամսում բանկային վարկերի միագումար պորտֆելում երկարաձգված վարկերի բաժինը 0,5 տոկոսային կետով` տարեկան կտրվածքով 3,3 տ.կ., իսկ հունվար-սեպտեմբերին 2 տ.կ. աճի պայմաններում:
Սեպտեմբերի վերջին ժամկետանց վարկերի տեսակարար կշիռը կազմել է 1,5% կամ կամ
25.4 մլրդ դրամ: Ժամկետանց վարկերի ծավալը սեպտեմբերին ավելացել է 10%-ով` տարեկան տկրվածքով ավելի քան 2 անգամ, իսկ 9 ամսում 3 անգամ աճի պայմաններում: ՀՀ բանկային համակարգի միագումար վարկային կորտֆելի կառույցում ժամկետանց վարկերի բաժինը մեկ ամսում աճել է 0,1 տ.կ., տարեկան 0,7տ.կ., իսկ 9 ամսում 1 տ.տ. :
Երկու դեպքում էլ (երկարաձգված և ժամկետանց) ավանդաբար աճի դինամիկան ապահովել է ՙկարճաժամկետը՚: Այսպես, երկարաձգված վարկերի կառույցում կարճաժամկետ վարկերին բաժին է ընկել 88% կամ 90.2 մլրդ դրամ, իսկ ժամկետանց վարկերի պորտֆելում դրանց բաժինը կազմել է 97,5% կամ 26 մլրդ դրամ:
Աղբյուրի համաձայն, սեպտեմբերին Հայաստանում դրամային վարկերի տոկոսադրույքները նվազել են 0,75կ., տարեկան 0,6կ., իսկ 9 ամսում 0,2կ.` արձանագրվելով 15,8% մակարդակում: (30.09.13 դրությամբ դոլարի վաշվարկային փոխարժեքը կազմել է 405,29 դրամ 1 դոլարի դիմաց):
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները