Երեթշաբթի, 12 Նոյեմբերի 2013 14:05
Հայաստանի ապահովագրական շուկան շարունակում է աշխատել վնասներով
ԱրմԻնֆո. Հայաստանի ապահովագրական շուկան 2013 թվականի 3-րդ եռամսյակը եզրափակել է 191 մլն.դրամ զուտ վնասով: Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, 2013 թվականի նախորդ` 2-րդ եռամսյակն ապահովագրական ընկերությունները եզրափակել էին 472 մլն.դրամ զուտ վնասով:
Ըստ Ռենկինգի, հաշվետու եռամսյակը զուտ շահույթով են եզրափակել միայն 4 ընկերություններ, որոնց մեջ առաջատարն է Նաիրի Ինշուրանսը` 152 մլն դրամ: Երկրորդ եւ երրորդ տեղերում են ՍԻԼ Ինմշուրանսը և Արմենիա Ինշուրանսը, համապատասխանաբար կազմելով` 58 մլն.դրամ և 36 մլն դրամ դրամ: Հաշվետու եռամսյակում ամենացածր շահույթն արձանագրվել է ԻՆՈ Արմենիան` 7.6 մլն դրամ:
Հաշվետու եռամսյակը վնասով են եզրափակել հիմնականում ապահովագրական շուկայի առաջատար մասնակիցները: Ամենամեծ վնասն արձանագրել է արանտ Ինշուրանսը` 241,8 մլն դրամ, որին հաջորդում են Ռոսգոսստրախ Արմենիան` 117,5 մլն դրամ և ՌԵՍՈ-ն`85.5 մլն դրամ:
Հարկ է նշել, որ շուկայի առաջատար խաղացողներից վնասները հիմնականում պայմանավորված են եղել իրականացված մեծ ապահովագրական հատուցումներով: Այսպես, 2013 թվականի երրորդ եռամսյակում ապահովագրողների պրեմիաները կազմել են 5.5 մլրդ դրամ, եռամսյակի անկումը` 2 անգամ: Իսկ ապահովագրական հատուցումները պահպանվել են անցյալ տարվա մակարդակում` 5 մլրդ դրամ: 2013 թվականի առաջին 9 ամիսներին ապահովագրական պրեմիաները կազմել են 27.8 մլրդ դրամ, տարեկան կտրվածքով կրճատվելով 4 %: Մինչդեռ, ապահովագրական շուկայի փոխհատուցումներնաճել է ավելի քան կեսով, հոկտեմբերի 1-ին կազմելով 14.7 մլրդ դրամ:
Ըստ ԱրմԻնֆո գործակալության` Հայաստանի ապահովագրական ընկերությունների Ռենկինգի, 2013 թվականի առաջին 9 ամիսներին Հայստանի ապահովագրական ընկերությունների զուտ վնասը կազմել է 338 մլն դրամ: 2012 թվականի նույն ժամանակահատվածում այս ցուցանիշը կազմել էր 1,1 մլրդ դրամ: 9 ամիսների աճող զուտ շահույթով, ապահովագրական ընկերությունները գործնականում դասավորվել են նույն հաջորդականությամբ, ինչ եռամսյակի արդյունքում, միայն այն տարբերությամբ, որ ԻՆՈ Արմենիան առաջին 9 ամիսներին արձանագրել է 73 մլն.դրամի զուտ վնաս:
Հիշեցնենք, որ 2013 թվականի հոկտեմբերի 1-ի դրությամբ Հայասատնում գործում է 7 ապահովագրական ընկերություն, որոնք իրականացնում են 16 տեսակի ապահովագրական գործունեություն ¥Հայաստանում եղած 18 տեսակներից¤: Ի դեպ, 2013 թվականի վերջին կդադարեցնի իր գոյությունը նաև արանտ Ինշուրանս ընկերությունը, որի բանակցությունները` գործող ապահովագրական ընկերություններից որևէ մեկին միանալու ուղղությամբ դեռ շարունակվում են: