Երկուշաբթի, 18 Նոյեմբերի 2013 19:21

ՀՀ ԿԲ կուտակված վնասի աննշան փոփոխությունը 2013 թվականի երրորդ եռամսյակում սեփական կապիտալը պահպանել է մինուսային մակարդակում

ԱրմԻնֆո. ՀՀ ԿԲ կուտակված վնասի աննշան փոփոխությունը 2013 թվականի երրորդ եռամսյակում սեփական կապիտալը պահպանել է մինուսային մակարդակում: Ըստ ՀՀ Կենտրոնական բանկից ԱրմԻնֆո գործակալությանը տրամադրված տվյալների, ԿԲ կուտակված վնասը 2013 թվականի առաջին 9 ամիսներին աճել է 1.8%, միայն երրորդ եռամսյակում նվազել է 0.5%, հոկտեմբերի 1-ին կազմելով 148.6 մլրդ դրամ կամ $ 366.7 մլն: Արդյունքում, ԿԲ սեփական կապիտալի մինուսային մակարդակը 9 ամիսներին խորացել է 11%, իսկ երրորդ եռամսյակում նվազել է 3.5%, կազմելով հոկտեմբերի 1-ին 24.6 մլրդ դրամ ($ 60.6 մլն ):

Ըստ աղբյուրի, սեփական կապիտալի կառուցվածքում լրացուցիչ կանոնադրական կապիտալը 2013 թվականի հոկտեմբերի 1-ին չի փոփոխվել, կազմելով 107.5 մլրդ դրամ: Անփոփոխ է մնացել նաև գլխավոր պահուստը` 17.4 մլրդ դրամ, իսկ էմիսիոն կապիտալը կազմել է 100 մլն դրամ: Ընդ որում, վաճառքի համար ընդունելի ակտիվների վերագնահատման պահուստը պահպանվել է մինուսային մակարդակում, նվազելով 9 ամիսներին 19.3%, իսկ միայն երրորդ եռամսյակում` 8.7%, կազմելով 953,8 մլն դրամ:

Կենտրոնական բանկի ընդհանուր ակտիվներ 9 ամիսներին աճել են 33.6 %, իսկ միայն երրորդ եռամսյակում` 45.5 %, մինչև 1,5 տրլն դրամ: Դրանց կառուցվածքում արտարժութային ակտիվները կազմել են 72% կամ 1,047 տրլն դրամ ($ 2.6 մլրդ), իսկ դրամային ակտիվները` 28 % կամ 411.7 մլրդ դրամ ($ 1.015 մլրդ ): 2013 թվականի առաջին 9 ամիսների ընթացքում արտարժութային ակտւվներն աճել են 33.6 %, իսկ միայն երրորդ եռամսյակում` 45.4 %, իսկ ակտիվների դրամային բաղադրիչն առաջին 9 ամիսներին աճել է 10.9%, իսկ միայն երրորդ եռամսյակում`5.6%:

ԿԲ ընդհանուր պարտավորությունները տարվա առաջին 9 ամիսներին աճել են 26%, իսկ միայն երրորդ եռամսյակում` 30.7%, հոկտեմբերի 1-ին հասնելով 1,5 տրլն.դրամի: Պարտավորությունների կառուցվածքում արտարժութային բաղադրիչը կազմել է 51 % կամ 753,3 մլրդ դրամ ($ 1,8 մլրդ), իսկ դրամային բաղադրիչը`49 % կամ 729,7 մլրդ դրամ: Ընդ որում, դրամային պարտավորությունները 9 ամիսներին նվազել են 0.2%, իսկ միայն երրորդ եռամսյակում աճել են 5.5%, իսկ արտարժութային պարտավորություններն աճել են առաջին 9 ամիսներին 69.2 %, ընդ որում, հիմնականում, երրորդ եռամսյակում`69.9 %:

Արտարժութային ակտիվների կառուցվածքում եռամսյակային աճ է արձանագրվել բանկերում և այլ ֆինանսական կազմակերպություններում տեղաբաշխված միջոցների գծով, իսկ արտարժութային պարտավորությունների գծով` կառավարության հանդեպ պարտավորություններում: Դրամային ակտիվների գծով եռամսյակային ամենամեծ աճն է արձանագրվել վարկերի և հակադարձ ռեպո համաձայնագրերի գծով, իսկ դրամային պարտականություններում` կառավարության հանդեպ, ինչպես նաև ֆինանսական կազմակերպություններում ունեցած ավանդային հաշիվների գծով: Արտարժութային ակտիվներով ամենամեծ տեսակարար կշիռն է արձանագրվել բանկերում և այլ ֆինանսական կազմակերպություններում տեղաբաշխված միջոցների գծով, դրամային ակտիվներում` վարկերի և ռեպո-համաձայնագրերի գծով, իսկ արտարժութային պարտավորություններում` կառավարության և ԱՄՀ հանդեպ պարտավորությունների գծով, կապված թղթադրամների ու մետաղադրամների շրջանառության հետ:

Հիշեցնենք, կուտակված վնասները ծածկելու նպատակով ՀՀ Կենտրոնական բանկին 77,513 մլրդ դրամի մուրհակ տրամադրելու մասին որոշումը (2010թ. - 123,968 մլրդ դրամ, 2011 - 123,504 մլրդ դրամ, կամ $ 320 մլն) ՀՀ կառավարության կողմից ընդունվել է 2011 թվականի օգոստոսի 18-ին: 2012 թվականի առաջին կիսամյակում Կենտրոնական բանկի կուտակված կորուստները նվազեցին 10%, որից հետո, երրորդ եռամսյակից, նկատվեց վնասի խորացում, ընդ որում` երրորդ եռամսյակում - 3.6%, իսկ IV եռամսյակում - 25.5 %: Կառավարության մուրհակի շնորհիվ ՀՀ ԿԲ սեփական կապիտալը 2012 թվականի սկզբին մինուսային մակարդակից բարձրացավ դրական մակարդակ, պահպանելով այն մինչև հոկտեմբերի 1-ը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.87	0.05
USD	381.55	0.05
EUR	450.11	2.50
GBP	515.63	3.20
CAD	278.54	1.45
JPY	24.47	0.23
CNY	54.29	0.08
CHF	484.57	3.67

Նորություններ

ՀՀ ԿԲ կուտակված վնասի աննշան փոփոխությունը 2013 թվականի երրորդ եռամսյակում սեփական կապիտալը պահպանել է մինուսային մակարդակում