Երեքշաբթի, 26 Նոյեմբերի 2013 15:46
«Արդշինինվեստբանկը» ամերիկյան «World Business Capital» (WBC) ընկերությունից ստացել է 5.0 միլիոն ԱՄՆ դոլարի չափով վարկային միջոցների երկրորդ տրանշը
You can use the following HTML tags:
text,
text,
text Parse as HTMLKeywords WARNING ! JAVASCRIPT IS DISABLED ! ALL FUNCTIONS MAY NOT WORK PROPERLY !log off
ԱրմԻնֆո. ԱՄՆ կառավարությանն առընթեր զարգացման ֆինանսական հաստատության OPIC (The Overseas Private Investment Corporation) երաշխավորությամբ «Արդշինինվեստբանկը» ամերիկյան «World Business Capital» (WBC) ընկերության հետ 2013թ. մարտի 14?ին կնքված 10.0 միլիոն ԱՄՆ դոլարի վարկային պայմանագրի շրջանակներում ստացել է վարկային միջոցների երկրորդ տրանշը` 5.0 միլիոն ԱՄՆ դոլարի չափով: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, վարկային միջոցների առաջին տրանշը` 5.0 միլիոն ԱՄՆ դոլարի չափով արդեն տեղաբաշխվել է Բանկի կողմից:
Բանկից հայտնում են, որ ստացված միջոցները նույնպես կուղղվեն Բանկի հիմնական թիրախային խմբի` փոքր և միջին ձեռնարկությունների (ՓՄՁ) վարկավորմանը:
Ըստ Բանկի Վարչության նախագահ Մհեր Գրիգորյանի. «Բանկի ողջ մասնաճյուղային ցանցը ներգրավված է վարկավորման գործընթացում`տրամադրելով ենթավարկեր սկսած տարեկան 10% տոկոսադրույքից, մինչև 5 տարի մարման ժամկետով»:
Ըստ ԱրմԻնֆո գործակալության` Հայաստանի Բանկերի Ֆինանսական Վարկանիշի, Արդշինինվեստբանկի ակտիվները 2013 թվականի սեպտեմբերի 30-ին կազմել են 261.9 մլրդ.դրամ (4 տեղը շուկայում), տարեկան 34% աճով, իսկ միայն երրորդ եռամսյակում` 12%: Դրանց կառուցվածքում վարկային ներդրումները կազմել են մոտ 63% կամ 164.6 մլրդ. դրամ (3 տեղ), տարեկան աճը` 34.3%, իսկ միայն երրորդ եռամսյակում` 6.3%: ՓՄՁ վարկավորման գծով Արդշինինվեստբանկը գտնվում է առաջատարների եռյակում, այդ ոլորտում տեղաբաշխելով վարկային պորտֆելի 40%-ը կամ 50.2 մլրդ.դրամ, տարեկան աճը` 14.5%, իսկ միայն երրորդ եռամսյակում` 11%: Զուտ շահույթի չափերով բանկը գտնվում է առաջատարների եռյակում, 2013 թվականի 9 ամիսներին ապահովելով 4.1 մլրդ.դրամ զուտ շահույթ, տարեկան աճը` 27.6%:
Նշենք, որ Արդշինինվեստբանկը Հայաստանի բանկային շուկայում գործում է 2003 թվականից: Բանկի հիմնական բաժնետերն է «Բիզնես ներդրումների կենտրոն» ՍՊԸ-ն` 97.3% մասնակցությամբ: Իր մասնաճյուղերի ցանցով բանկը երկրորդն է հանրապետությունում, ունենալով 55 մասնաճյուղ, որոնցիցի 36-ը գտնվում է մարզերում, 13-ը` Երևանում, իսկ 6-ը` ԼՂՀ-ում:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները