Հինգշաբթի, 28 Նոյեմբերի 2013 18:18
Հայստանում ստեղծվել է «Հայաստանի արտահանման ապահովագրական գործակալություն» ապահովագրական փակ բաժնետիրական ընկերությունը
ԱրմԻնֆո. 2013 թ. նոյեմբերի 27-ի թիվ 270 Ա որոշմամբ Կենտրոնական բանկի խորհուրդը գրանցել է «Հայաստանի արտահանման ապահովագրական գործակալություն» ապահովագրական փակ բաժնետիրական ընկերությունը: Ինչպես ԱրմԻնֆո գործակալությանը տեղեկացվել է մամուլի ծառայությունից, ընկերությանը տրամադրվել է ոչ կյանքի ապահովագրության իրականացման «վարկի ապահովագրություն» դասով լիցենզիա:
Ինչպես ավելի վաղ ԱրմԻնֆո գործակալության հետ զրույցում հաղորդել էր ՀՀ էկոնոմիկայի փոխնախարար Կարինե Մինասյանը, կազմակերպությունը կոչված է դառնալու հայրենական արտադրանքի արտահանմանն աջակցելուն նպատակաուղղված կառավարության քաղաքականության լուրջ տարր: Չնայած այն հանգամանքին, որ որպես ապահովագրական ընկերության բաժնետեր հանդես կգա պետությունը, դրա գործունեությունը կլինի մեգակարգավորողի կոշտ կարգավորման ներքո` ի դեմս Կենտրոնական բանկի, համաձայն ապահովագրության մասին օրենքի: «ՙԸնկերությունը կխաղա նույն կանոններով, ինչ և շուկայի մյուս խաղացողները, ինչը շատ կարևոր է գործող ընկերությունների այդ բավականին ռիսկային ապահովագրական հատվածին հետագա միացման տեսանկյունից» - նշել է Մինասյանը:
Արտահանման ապահովագրական գործակալության զարգացման ռազմավարությունը, համաձայն միջազգային փորձի, հիմնված է հայկական արտադրության ապրանքների և ծառայությունների արտահանման ապահովագրական աջակցկության, արտահանման ֆինանսավորման ժամանակակից համակարգի զարգացման անհրաժեշտության վրա, որն ապահովված է գործակալության ապահովագրական ծածկույթով, փոքր և միջին բիզնեսի արտահանման կողմնորոշմամբ սուբյեկտների աջակցությամբ:
«Պետական ապահովագրական ընկերության ստեղծմամբ մենք խոսում ենք այն մասին, որ պետությունը, ըստ էության, երաշխավորում է արտահանման մատակարարումների իրականացման և արտահանման հասույթի ստացման պայմանագրի կատարումը: Կազմակերպությունը գնահատում է վճարողի ռիսկերը որոշակի ապահովագնի դիմաց և ստանձնում չվճարման ռիսկերը: Մեր խնդիրն է էժանացնել բանկային վարկը, քանի որ գործակալության երաշխիքը պետք է հավասարեցվի պետական երաշխիքին և, համապատասխանաբար, արտահանողին տրված բանկային վարկը դրա շնորհիվ ըստ ռիսկի կդասակարգվի որպես ստանդարտ, ոչ ռիսկային: Որպես արդյունք` արտահանողը ցածր տոկոսադրույքներով բանկային վարկեր վերցնելու հնարավորություն կստանա: Այդ ընկերությունը հանդես է եկել որպես արտահանման վարկավորման հատվածի յուրօրինակ արագարար և ժամանակի ընթացքում էապես կազդի արտահանման վարկային շուկայում առկա իրավիճակի վրա: Նախնական գնահատականների համաձայն, պետական արտահանման ապահովագրական գործակալության կանոնադրական կապիտալը կկազմի շուրջ 2 մլն դոլար:
Փորձագետ․ Հայաստանում էլեկտրաէներգիայի սակագների զսպումը կրում է խիստ ժամանակավոր բնույթ
Քաղաքագետ․ ԵԱՏՄ-ից Հայաստանի դուրս գալը կհանգեցնի նրա կախվածության ադրբեջանական և թուրքական շուկաներից
Արթուր Ավետիսյան․ Ապագա ԱԷԿ-ի մոդելի ընտրության շուրջ բոլոր մտորումները խոսակցություններից այն կողմ չեն գնա, քանի դեռ չկա ռազմավարական զարգացման տեսլական
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները