Հինգշաբթի, 5 Դեկտեմբերի 2013 17:08

Արարատբանկը ձեռմանուխ է եղել Diners Club քարտերի թողարկմանը, ազդարարելով դրանց առաջին թողարկումը Հայաստանում

ԱրմԻնֆո. Արարատբանկը և Diners Club International Ltd-ը հայտարարել են Հայաստանում Diners Club (DC) վճարային քարտերի թողարկման մասին, որի շնորհանդեսը տեղի է ունեցել դեկտեմբերի 4-ին:

Ինչպես լրագրողների հետ հանդիպմանը նշել է Արարատբանկի գործադիր տնօրեն, Վարչության նախագահ Աշոտ Օսիպյանը, առաջիկայում նախատեսվում է Հայստանում ստեղծել նաև Diners Club Armeniа կազմակերպություն, մասնավորապես, ֆրանչայզինգային ներկայացուցչություն, իրավունք ունենալով օգտագործել ապրանքանիշը և վարել բիզնես, որի պայմանագիրն ստորագրվել է 2012 թվականին:

DC քարտերը կթողարկվեն երկու տեսակի` Diners Club Black и Diners Club Classic, որոնք նմախատեսվբած կլինեն հեղինակավոր հաճախորդների համար, որոնք հաճախ են ճանապարհորդում:

Արարատբանկի առաջին Diners Club International քարտը հանդիսանում է կոբրենդինգային քարտ, որը թողարկվել է «Ավստրիական ավիաուղիների» հետ: Քարտը քարտապաններին հնարավորություն է տալիս ինչպես Հայաստանում, այնպես էլ այլ երկրներում օգտվել տուրիստական սպարկման բացառիկ ծառայություններից, այդ թվում` տուրիստական արտոնյալ ապահովագրությունից, զեղջերից և արտոնություններից հյուրանոցներում, ռեստորաններում, ծանութներում, ինչպես նաև միջազգային խոշոր օդանավակայանների սպասասրահներում: Օսիպյանի խոսքերով, քարտապանները հնարավորություն կունենան արտոնյալ պայմաններով հաճախել նաև մշակութային միջոցառումների: «Քարտերն ադապտացված են հայկական շուկային և լիովին համապատասխանում են հայ քարտապանի պահանջներին: Բացի այդ, քարտի պայմաները կարող են մշակվել անհատական եղանակով, ըստ տվյալ հաճախորդի պահանջների»,-նշել է Օսիպյանը: Մեկնաբանելով ԱրմԻնֆո գործակալության հարցը, նա նշել է, որ բանկը մտադիր է մեկ տարում թողարկել 5 հազար DC քարտ:

Diners Club International-ի նախագահ Էդուարդո Տոբոնն իր հերթին նշել է, որ DC քարտերի մեկնարկը Հայաստանում կարևորագույն իրադարձություն է: «Մեզ համար հայկական շուկան հեռանկարային է, որքան, օրինակ, չինական շուկան, քանի որ կարևոր դեր է խաղում ոչ այքան շուկայի մեծությունը, որքան նրա հնարավորությունները»,-նշել է նա, մեկնաբանելով ԱրմԻնֆո-ի համապատասխան հարցը: Նա նաև նշել է, որ ի դեմս Արարատբանկի, Diners Club International-ը ձեռք է բերել հուսալի գործընկերոջ, որի հետ կարող է հետաքրքիր և խոշոր նախագծեր իրականացնել իր հաճախորդների համար: Է.Տոբոնը չի բացառել համագործակցությունը նաև հայկական մյուս բանկերի հետ:

Հիշեցնենք, որ Արարատբանկը պրեմիում-կլասի համակարգերի հետ աշխատել սկսել է 2010 թվականից, պայմանագիր կնքելով Diners Club-ի հետ և դառնալով այդ համակարգի բացառիկ ներկայացուցիչը Հայաստանում: Diners Club-ի տեղական և միջազգային քարտերը Հայաստանում կսպասարկվեն Արարատբանկի բանկոմատներում, ինչպես նաև հազարից ավելի առևտրի և սպասարկման կետերում:

Diners Club International-ը միջազգային ֆինանսական կազմակերպություն է և գտնվում է աշխարհի խոշորագույն վճարային համակարգերի առաջին հնգյակում: Այն հիմնվել է 1950 թվականին և բարձրակարգ ֆինանսական ծառայություններ է մատուցում 185 երկրներում, ավելի քան 20 մլն.առևտրի կետերի միջոցով: Համակարգն ունի ավելի քան 1 մլն.բանկոմատ և կանխիկացման կետ: Կազմակերպության քարտերն աշխարհում առաջին բազմաֆունկցիոնալ քարտերն են:

Արարատբանկը Հայաստանի դինամիկ զարգացող բանկերից է: Բանկի ընդանուր կապիտալը 2013 թվականի հոկտեմբերի 1-ին կազմել է 46.3 մլն.դոլար, ակտիվները`259.8 մլն դոլար, իսկ զուտ շահույթը ինն ամիսներին կազմել է 5.9 մլն.դոլար: Բանկն ունի 45 մասնաճյուղ: Բանկի ակտիվ քարտերի թիվը (ARCA, VISA, MASTERCARD) հոկտեմբերի 1-ի դրությամբ անցել են 109 հազարից միավոր, երկու տարվա աճը` 45%: Նույն օրվա դրությամբ բանկն ունի 75 բանկոմատ և 437 սեփական POS-թերմինալ:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ

RUB	4.70	-0.04
USD	382.57	0.02
EUR	439.34	-0.78
GBP	498.34	-1.81
CAD	270.71	-1.16
JPY	24.90	-0.01
CNY	53.68	-0.01
CHF	471.90	-1.44

Նորություններ

Արարատբանկը ձեռմանուխ է եղել Diners Club քարտերի թողարկմանը, ազդարարելով դրանց առաջին թողարկումը Հայաստանում